ย้อนรอย ตะเกียงเจ้าพายุ

**พล พระยาแล** · 04-07-2010, 16:34

ตะเกียงลาน หรือตะเกียงเจ้าพายุ ผมบ่ฮู้ว่าราคาทอใด๋ เพราะตั้งแต่เป็นเด็กน้อยมีอยู่บ่จักกี่บ้านที่มีตะเกียงเจ้าพายุ ผมกะยังงึดอยู่ว่าคือแจ้งสว่างคักปานไฟฟ้า จั๊กผุใด๋คิดค้นมากะจั่งว่าคือเก่งแถะ ยามมีการมีงานระหว่างคุ้ม เช่น งานสงกรานต์ งานบุญ งานบวช ผู้ใหญ่บ้านเอิ้นลูกบ้านประชุมกะสิใช้เจ้าตะเกียงเจ้าพายุนี่ล่ะเป็นตัวส่องสว่าง

เวลาเพิ่นจุดเพิ่นสิเติมน้ำมัน และกะสิมีลูกสูบ จักหน่อยกะแจ้งขึ้น ๆ หย่างเข้าไปใกล้ ๆ สิมีเสียงดังโซ ๆ อยู่ รัศมีความแจ้งสว่างของมันปานไฟฟ้าพุ่นแหล่ว ผู้ใดมีตะเกียงอันนี้กะคักเติบอยู่ อยู่บ้านผมมีตะเกียงธรรมดา พอไฟฟ้าเข้าบ้านพากันดึกถิ่มป่ามอนพุ่นล่ะ พอไฟดับพากันส่องไฟฉายไปใต้หา ดึกถิ่มหม่องใด๋น้อ ฮ่า ๆ ๆ

เมื่อมีไฟฟ้าเข้าบ้านตะเกียงธรรมดา และตะเกียงเจ้าพายุกะกลายเป็นของเก่า แต่กะพอมีให้เห็นอยู่ตามบ้านต่าง ๆ เพิ่นเก็บไว้ หรือบ่ซั่นหม่องตลาดนัดคลองถม กะเคยเห็น และยังใช้การได้คือเก่าครับ

หลักการทำงานของตะเกียงเจ้าพายุ

(ขอบคุณเจ้าของภาพเป็นอย่างสูงครับ)

คำถามประจำกระทู้...ตะเกียงเจ้าพายุใช้น้ำมันอะไรเป็นเชื้อเพลิง ?

**ไม่สวยแต่เร้าใจ** · 04-07-2010, 16:56

เคยเห็นยุตะสมัยเป็นเด็กน้อย อายุประมาณ 5-6 ปี ไปงานงันเฮือนดีเพิ่น แจ้งอิหลีตั้ว ปานกับไฟฟ้า คุมื้อนี้ เด็กน้อยสมัยนี้สิรู้จักบ่บุ้

**ผู้ก่อการรัก** · 04-07-2010, 17:33

ตอนแม็กกี้ยังเป็นเด็กๆ ก็ยังได้ทันตะเกียงเจ้าพายุอยู่ค่ะ
สว่างดีมากๆ เลยนะคะ ที่บ้านก็มีอยู่ 2-3 อันค่ะ
มันไม่เหม็นน้ำมันก๊าด แล้วก็ให้แสงสว่างดีกว่า ตะเกียงธรรมดา
ตอนนี้หายไปไหนหมดแล้วก็ไม่รู้ เสียดายของเก่าๆ เหมือนกันค่ะ

**สาวมุก** · 04-07-2010, 17:42

อยู่เฮือนสาวมุกกะมีอยู่จ้าอ้ายพล แต่ว่าหน้าตามันบ่แม่นจั๋งซี่ มันเป็นอีกแบบหนึ่ง ใหญ่กว่านี้จ้า...

**คนตระการ...** · 04-07-2010, 18:43

แต่ก่อนนี่อยู่เฮือนพ่อใหญ่ผมมีอยู่อันหนึ่งครับ ทุกมื่อเพิ่นกะยังเก็บไว้อยู่...ถ้าสิจุดกะต้องให้คนที่เคยเฮ็ดครับ ต้องสูบน้ำมันก่อน ถ้าเฮ็ดบ่อเป็นไส้มันสิขาดไว สมัยก่อนไส้อันละ4-5บาท (แต่ผมเรียนอยู่ ป1) แพงเอาเรื่องคือกัน...

**nuzing** · 04-07-2010, 19:05

เห็นกระทู้นี่ ยายละนึกถึงเพื่อนคนหนึ่งชื่อ"บักส้มตาบ" เพราะตามตัวเต็มไปรอยแผลเป็นที่เกิดจากตะเกียงเจ้าพายุระเบิดใส่บ่ตายจั่งยัง เห็นแสงตะเกียงกะพากันแหล่นเป็นปุ้มใส่แต่อีแหม่เผิ่นสิขู่หว่าพวกสูอยากเป็นคือบักสมตาบบ่หยับออกมาแหมะ อิอิ เบิ้ดตำบลมีบ่กี่ตัวดอกยามมีงานใหญ่กะสิไปขอยืมกันจ้าเจ้าของตะเกียงเผิ่นกะบ่หวงแต่กะต้องรักษาให้เผิ่นอย่างดีย่านเ้ผิ่นบ่ให้ยืมอีก

**พล พระยาแล** · 05-07-2010, 09:54

ฮ่วย มันระเบิดเป็นอยู่บ่ครับยาย ซูมื่อนี่เป็นคือตะเกียงเจ้าพายุล่ะครับ เป็นหลอดไฟ ใส่ถ่าน เห็นขายตามตลาดนัดกะแจ้งดีอยู่ครับ ผมซื้อไปให้อีแม่ใช้ยามไฟดับครับ บ้านนอกเฮามีลมมีฝนกะไฟฟ้าดับแล้วครับ