หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: ย้อนรอย งัวควายเสียสมัยก่อน

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    บ้านมหาโพสต์ ย้อนรอย งัวควายเสียสมัยก่อน

    ผู้ใด๋งัวควายเสียแต่ก่อนกะสิไปบอกผู้ใหญ่บ้าน ผู้ใหญ่บ้านกะสิตีบักขอลอ บางบ้านกะเอิ้นบ่คือกัน บางบ้านกะเอิ้นบักกอลอ (เกราะ)เฮ็ดจากกระบอกไม้ไผ่ บางบ้านกะเฮ็ดจากไม้เนื้อแข็งเสียงดังดีคักยามเดิ๊ก ๆ ...ป๊อก ๆ ๆ ๆ ๆ ๆ หือ เสียงผู้ใหญ่บ้านตีขอลอ มีเรื่องหยังน้อบาดเนี่ย ลูกบ้านกะพากันไต้โป๊ะไต้ตะเกียง ไต้ไม้ลำปอหย่างไปบ้านผู้ใหญ่บ้าน

    มีหยังล่ะพ่อผู้ใหญ่ ....ควายบักพลเสียสองโต...ฮ่วยเสียจั่งใด๋คือตอกหลิ่มคอกควายอยู่...มันไปเบิ่งหมอลำบ่มีไผเฝ้าบ้าน หมากะนอนหลับมันเมือยมันยามเดือนเก้าอ่ะ

    พอฮู้เรื่องแล้วกะพากันนำหา ทุกหลังคาเฮียนในหมู่บ้านส่งโตแทนมาหาควายซอยกัน แยกกันไปเป็นกลุ่ม ๆ นำฮอยมันไป ....นี่ ๆ ๆ ๆ ฮอยมันหย่างไปทางนี้ จักฮอยควายโตใด๋บุ เป็นฮอยเต็มอยู่

    ย้อนรอย งัวควายเสียสมัยก่อน
    (ขอบคุณภาพจาก oknation)


    นำหาไปพร้อมฮ้องไปพร้อม มีปืนแก๊บ ปืนลูกซอง พวกขโมยเห็นท่าบ่ดีผูกควายไว้ในอุ่มไม้ (พุ่มไม้) แล้วกะแลนหนี บางคนฮู้ตอนเซ่ากะนำกันคักอยู่ คือสิไปไกลแล้วล่ะปานนี่ นำไปเห็นแต่กองกระดูก ฮ่า ๆ ๆ

    พอได้ควายมากะมาเลี้ยงฉลองกันที่บ้านเจ้าภาพ เบิ่งแล้วสิเบิ๊ดหลายกว่าราคาควายสองโตอยู่ดอกข่อยว่า แต่สิ่งที่ได้เห็นคือความร่วมมือร่วมใจกัน ความสามัคคีกัน นี่คือวิถี ๆ หนึ่งของความเป็นคนอีสานบ้านเฮา ตอนนี้ระวังดี ๆ เด้อรถไถนากับรถอีแต๊กจอดอยู่ใต้ล่างนั่นน่ะ อิอิ

    "วัวหายจึงล้อมคอกกันวัว ไม่เห็นวัวสักตัวคิดล้อม
    แต่ก่อนบ่ห่อนกลัว วัวจักหายนา
    คิดแต่ทางอ้อมค้อม หมดเค้าเข้าตำรา"

    ตามพจนานุกรมเพิ่นบอกว่า วัวหายล้อมคอก (สำ) น. เพิ่นบอกว่าเป็นสำนวน เป็นคำนาม หมายถึง ของหายแล้วจึงจะเริ่มป้องกัน, เรื่องเกิดขึ้นแล้วจึงคิดแก้ไข


    แก้ไขครั้งสุดท้ายโดย พล พระยาแล; 05-07-2010 at 20:48.

  2. #2
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    1,788
    .. มักหม่องว่า..แต่ก่อนบ่ห่อนกลัว นี่หละ...

    สมัยเป็นเด็กน้อย งัว ควายเสีย นำบ่พ้อดอก เห็นแต่กองกระดูก เขาฆ่าเอาซิ่นไปเบิด
    ..

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    ควายเสียบ่ล่ะบ่าวยางตลาด หรือว่าเสียแต่งัว อยู่บ้านหมาข่อยกะเสีย ไปนากลับมาอีแม่ข่อยเอาหมาบักนากข่อยแลกคุ ข่อยไห้วาสั่น เสียดายคัก เลาว่ามันกัดเป็ดกัดไก่ จั่งว่ากัดอยู่ไส

  4. #4
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,135
    แต่เป็นสาวซ่ำน้อยเนาะ อิอิ มีคนมาบอกยุเฮือนยุอ้ายพล ย้อนว่าอิพ่อเป็นผู้ใหญ่บ้าน อิอิ

  5. #5
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ตอนนี้จ่าเหลืองควายบ่ได้เสียเด้ออ้าย แต่ว่าตามหาช้าง ช้างเสียตอนไปแอฟริกาไต้ กลับมาโลดบ่เหลือซ่ำเก่า อิอิอิ

  6. #6
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,212
    ตะก่อนบ้านกะบาทกะเสียดู๋ แต่ว่าควายกะบาทบ่เคยเสีย เพราะว่าใส่กุญแจอย่างดี
    แล้วกะตอกฮาวโคนอย่างแน่นหนา

  7. #7
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    จ่าเหลืองตามหาช้างบ่ครับ บ่แมนเบิ่งหนังองค์บากหลายโพดบ่

    เซียงสี..ป๊าด ป้องกันดีน้อครับ ใส่กุญแจพร้อม ยามลืมกุญแจเกี่ยวหญ้า

  8. #8
    เลี้ยงงัว งัวบ่เคยเสียจักเทื่อจ้า มีแต่มันหลอยไปกินมันสำปะหลังขะเจ้า
    ยามสิเที่ยงมา มันสินอนใต้ฮ่มไม้ คนเห็นงัวนอน กะนอนคือกันติบาดนี้
    งัวตื่น คนบ่ตื่นนำ งัวกะไปเข้าไฮ่มันขะเจ้าแหล่วจ้า ฮู้เมือขึ้น ฟ้าวไล่งัวข้ามไปอีกท่งหนึ่ง
    ย้านขะเจ้ามาไหม เอาเงิน บ่ซั่นสิถืกแส้เฒ่าพ่อแท้ๆ
    เมื่อความจนผลักไส ดิ้นรนเท่าไรยิ่งไกลบ้าน

  9. #9
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430
    เพิ่นว่างัวควายกินใบมันสำปะหลังแล้วตาย แมนบ่หือน้องแพง

    ทางบ้านอ้ายกะตายหลายโต เพิ่นว่ามันกินมันสำปะหลังพะนะ

  10. #10
    งัวอยู่คอกแพงบ่เคยตายจักเทื่อจ้าอ้ายพล
    แต่ของคนอื่นกะพอมีอยู่จ้านานๆสิตายจักโตหนึ่งจ้า
    เพิ่นกะว่ามันไปกินมันขะเจ้า ขะเจ้าวางยาพะนะจ้า
    ยามเพิ่นปาดโตมันตาย เพิ่นว่าในกระเพาะงัวสิมีกลิ่นเหม็ดผิดปกติ
    กดในกระเพาะมันสิสีเขียวๆ ผิดจากยามเพิ่นฆ่าโตเป็นๆเพิ่นว่าจ้า
    ยาที่เพิ่นว่ากะคือ"หัวไม้ขีดไฟจวด"นั้นละจ้า แต่บ่รู้ว่าขะเจ้าเอาไปไว้แบบได๋
    แพงกะบ่ได้ส่อเพิ่นจักเทื่อจ้า แต่ถ่ารู้ว่ามันท้องไข่ๆหลังจากไปลักกินมันขะเจ้า
    เพิ่นสิเอาน้ำอัดลม มากอกมันจ้า 90เปอร์เซ็น รอดตายจ้า
    เมื่อความจนผลักไส ดิ้นรนเท่าไรยิ่งไกลบ้าน

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •