ย่างกึ๋น+ปิ้งหัวใจ (แถมส่งการบ้านซุบหน่อไม้ส้มไปหา"บักขามป้อม")

[เเมงสะดิ้ง]

มื่อนี่วันหยุดเนาะ เกิดคึดอยากซู่อันซู่แนว
ฟ่าวสะเดิดออกไปซื้อตลาดตั้งต่ะเซ่าๆ
ไปพ่อกึ๋นกับหัวใจสาวไก่มา



จัดการล้างกึ๋นกับหัวใจสาวไก่ให้สะอาด
ก่อน4ทำการหย่องในขั้นตอนต่อไป



ผสมเครื่องปรุงโดยมีสำปะปิจากในครัว
บ่วาสิเป็นซ๊อสน้ำมันหอย ซีอิ๊วขาว ซีอิ๊วดำ
น้ำมันงา เกลือ น้ำตาล รากผักชีกระเทียมพริกไท
ซอ๊สแม็กี้กะใส่ ซ๊อสฝาเขียวกะมีนำเทลงไปโลด
ตามสายตาที่แนมเห็นวาเป็นตาแซ่บตานัว มั่วไปสั่นล่ะ
คนให้เข้ากัน ซิมน้ำปรุงเบิ่งก่อนพอใจแล่วจั่งนำเนื้อลงไปหมัก



อ้อ...ใส่งาลงไปนำเด้อ เพื่อควมดูดี
และเพิ่มคุณค่าทางอาหาร+ควมงามทางสายตา



หมักทิ่มไว่แล่ว สิไปไสกะไปโลด
เสร็จจากเวียกอื่นแล่วจั่งกลับมาเสียบเด้อ
.
.
เทิ่งเสียบ เทิ่งเสียว เสียวนำไม้สิแทงมือ
กึ๋นไก่เสียบยากพาโลเว่ยล่ะ...
เสียบใจไคแน่ะเนาะ



นำไปย่างบาดเนี่ย



ย่างให่สุกคั่กๆ เด้อ แห่มๆ แบบนี้ล่ะ
ไผกินเครื่องในไก่บ่สุกเป็นปอบเด้อเพิ่นวา



อย่างแซ่บแฮง กับซุบหน่อไม้ส่ม
เกือบ10 ปีแล่วที่เมนูนี้ซุบหน่อส่มบ่ได้ต้อยปาก
ต้องขอบคุณยาวๆ ไปหา"บักขามป้อม" ที่จุดประกายควมแซ่บ



ตบท้ายล้างปากด้วยเมนูนี้ "แตงโมแดง" พ่ะนะ
หลอกตั๋วได้คนเดียวคือยายหนูซิง 555+
.
.
บวดกะทิแตงแคนตาลูปกับสตอว์เบอร์รี่จ้า เซินแซ่บ

[บ่าวจอบบ้อน]

จักจานแนปิหยังครับ...มาเป็นตาแซ๊บแท้หล่ะฮึ

[เซียงเหมี่ยงเมืองสุรินทร์]

แต่ย่างกึ๋นกับหัวใจกะยังเล่นให้ฮาได้เนาะครับเอื้อยดิ้ง บ่เคยผิดหวังที่ติดตามเลยครับผม ได้ฮา ได้อรรถรสของกระทู้อย่างแท้จริงเลย เยี่ยมครับ...

[จ่าเหลือง]

ทริปเด็ดกะเม็ดงานี้ละผมว่าคงสิหอมมันแซบอีหลี ได้ฮ้อนๆกับข้าวเหนี่ยวจักปั้น ป้าดสุดยอด

[สาวทองแพง]

:l-หัวใจย่าง2ไม้จ้าพี่ดิ้ง ตะแซบแฮงจ้า ขอบคุณจ้าสำหรับสูตร
ตะว่าหัวใจสาวไก่คือบ่ลองผ่าเบิ่งแนะจ้า ว่ามีจักห้อง มีไผยุในนั้นบ่จ้า

[ชายหล่ามาดามศรี]

กินนำแน่เด้กรึ่นกะหัวใจ ซุปหน่อไม้พร้อมเป็นตาแซบขนาด ฮิ้วๆๆๆ

[maxwell007]

ส้มตำปูปล้าจักจานคือสิเข้ากันเนาะครับ น้ำลายไหลลลล

[sompoi]

โอ่น้อ เถ่าเอ้ย แนวเฮากินคือบ่เฮ็ดแน่ะ ปิ้ง"ตับ"ไปซั่นน่ะ เฮ็ดแต่แนวบ่กินทั้งนั่นเลย ..( พิษผู่เถ่าหลอกเด็กเนาะ..ตั้งแต่น้อยๆเพิ่นบ่ให้กินพวกนี้เลย.. ว่าสิหน่ามึน พะนะ หึยยย )

[บ่าวน้อยยโส]

ขอปิ้งเครื่องในจักไม้สองไม้เอาไปกินกับตำบักหุ่งแนเด้อครับ

[สาวมุก]

เอื้อยแมงสะดิ้งเพิ่นคือเฮ็ดกับข้าวเก่งแท้เนาะจ้า ติดตามอาหารเพิ่นมาหลายกระทู้อยู่ แต่บ่ได้อยากกินอาหารปานใด๋ดอกจ้า ที่ติดตามเพราะติดใจคำเว่าประกอบรูปภาพเพิ่น ฮ่าๆๆๆ โดนใจอิหลีจ้า อ่านไปนำกะขำไปนำ......