หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 34

หัวข้อ: พวกเจ้าสิคึดคือข่อยบ่น้อ

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,430

    พบปะพูดคุย พวกเจ้าสิคึดคือข่อยบ่น้อ

    ว่าง ๆ ข่อยกะนั่งคึดนอนคึดตามประสาคนมีเวลาว่างหลาย อิอิ ข่อยคึดว่าบ้านข่อยอยู่ชัยภูมิข่อยคือมาทำงานอยู่กรุงเทพฯ น้อ มานั่งอยู่ในห้องสี่เหลี่ยม มีคนบ่ฮู้ว่าแต่ก่อนจั๊กเป็นไผ มานั่งนำเฮา และกะมีสังกะสีชุบทองอยู่เทิงบ่า ว่าผู้นั้นเป็นหัวหน้า ผู้นี่เป็นลูกน้อง ตื่นตอนเซ่าข่อยต้องยกมือไหว้เพิ่นคักกว่าพ่อแม่เฮาอีก ป๊าด ปานหมอลำบ้านข่อยเอาโลด นั่งรถมานำกันแท้ ๆ ผู้นั่นเป็นเจ้าเมือง ผู้นั่นเป็นเสนา จบการแสดงแล้วนั่งรถไปนำกัน

    คือกันกับซุมนั่งอยู่ในห้องสี่เหลี่ยมนี่ล่ะ พอเกษียณไปบทบาทกะสิจบต่างคนต่างไป โอกาสสิพ้อกันกะคือสิยาก เป็นตายร้ายดีจั่งใด๋กะคือสิบ่ฮู้จักกันแล่ว พวกเจ้าว่าคือข่อยบ่

    ยามมื่อเซ่าพวกเฮากะออกไปทำมาหากินคือนกนี่เด้น้อ ยามแลงกะบินกลับฮังมานอน ยามเซ่ากะไปอีก ข่อยสังเกตเบิ่งข่อยอยากหัวหลายจั่งพากันเฮ็ดหยัง ฮ่า ๆ ๆ

    ตอนเซ่าตื่นขึ้นบ่ว่าฝนสิตกฟ้าสิฮ้องรถสิติดกะต้องไปนั่งสุมหัวกันในห้องสี่เหลี่ยมนี้อีก และต้องไปก่อน 8.30 น. ไปไสมาไสต้องบอกกล่าว เขียนใบลา ตอนเย็น 16.30 น. กะกลับบ้าน เสาร์-อาทิตย์กะหยุดพัก ฮ่า ๆ ๆ แปลกเนาะ

    บ้านอยู่ชัยภูมิหลังบักใหญ่ ไฮนาฝาท้างกะบ่อึดบ่อยาก มานอนเฝ้าปูนซีเมนต์ห้องสี่เหลี่ยมแคบ ๆ บักพริก บักเขือ ใบบักกูด กะได้ซื้อเขาเบิ๊ด หย่างไปไสกะมีแต่เสียเงิน อีพ่ออีแม่กะบ่ได้เบิ่งได้แงง สงสัยสิตายหนีจากกันซือ ๆ ล่ะ

    ที่ข่อยงึดที่สุดคือข่อยมาฮู้จักพวกเจ้าในเว็บบ้านมหานี่ล่ะ งึดว่าจั่งใด๋จั่งมาพ้อหน้าพ้อตากันได้หวัดนี่แมะ อยู่ต่างประเทศกะไปมาหาสู่กัน จักว่าแมนผู้ใด๋ ฮักและผูกพันกันหลายกว่าพี่กว่าน้องอีก ทั้ง ๆ ที่เพิ่งฮู้จักกันบ่โดน บางคนข่อยบ่ฮู้ฮอดซือจริงจ้ำ

    ข่อยคึดว่าถ้าบ่มีเว็บบ้านมหาข่อยกะคือสิบ่ได้ฮู้จักพวกเจ้าเด้น้อ แล้วสมมุติว่าเว็บบ้านมหาถึกปิดหรือบ่มีเว็บบ้านมหาแล้ว เฮากะสิต่างคนกะสิต่างไป คือสิมิดจั๊ด บ่ฮู้ข่าวคราวกันตี๊ล่ะเนาะ ... สิสะออนหยังล่ะหือบ่แมนพี่แมนน้องข่อยแมะ.. ป๊าด เว่าในใจกะได้ดอก อย่าจ่มออกมาแฮงหลายเถาะ เจ้าบ่คึดฮอดข่อย แต่ข่อยคึดฮอดเจ้าอยู่เด้

    เว่ามาแล้วเป็นตางึด และกะเป็นตาออนซอนซั่นดอก มีพบแล้วกะมีจาก หลังจากนั้นกะตายไป แล้วกะเอากันไปเผาถิ่มคือหยังนี่ล่ะ คือสิย่านเหม็นตี๊ล่ะเนาะ เผาแล่วกะเหลือแต่เถ้าถ่านปนกับกระดูก ซำนี่ตี๊ชีวิตคนเฮาซั่นดอก ขนาดสามีภรรยาอยู่นำกัน เกิดว่าฝ่ายใด๋ฝ่ายหนึ่งตายเขากะเป็นคนอื่นแล่ว บ่โดนกะแต่งงานใหม่ ขนาดยังบ่ตายกะสิคึดพากันมีกิ๊กแล่ว


    พวกเจ้าสิคึดคือข่อยบ่น้อ

    (สุดท้ายก็แค่นี้เอง... โอ้..ชีวิต)

    โอ้ย คึดหลายกะนอนบ่หลับ ตาซืนม่องก้องอยู่ เว่ามาแล่วเป็นตาอยากหัวซั่นดอกหวา จั่งว่าพวกเฮาเกิดมาใช้กรรมคือเพิ่นว่าอีหลีล่ะ พระพุทธเจ้าเพิ่นว่าชีวิตแท้ ๆ ของคนเฮาทุกคนที่เกิดมามีแต่ความทุกข์ แต่ที่เฮาฮู้สึกว่าเฮามีความสุข เพราะความทุกข์มันลดลงต่างหากพะนะเพิ่นว่า

    คนที่สามารถเฮ็ดให้ความทุกข์ลดลงได้หลายที่สุด จั่งเป็นคนที่น่ายกย่องอย่างยิ่ง ส่วนผู้ที่ยิ่งเพิ่มความทุกข์ที่มีอยู่แล้วให้หลายกว่าเก่า อีกบ่โดนกะสิเป็นบ้าซั่นเพิ่นว่า ซูมื่อนี่คนเป็นบ้าหลาย แต่พากันบ่ฮู้โต บ้ายศ บ้าอำนาจ บ้ายอ บ้าเงิน บ้าสมบัติ บ้ากาม บ้าแชต บ้าเอ็ม บ้าอินเทอร์เน็ต บ้าหยังอีกหือคึดบ่ออกหลายโพดแมะ

    เอ๋า...รถพยาบาลศรีธัญญามาจอดหน้าบ้านข่อยเฮ็ดหยังน้อบาดเนี่ย ฮ่วย ๆ อย่ามาหิ้วปีกข่อยเด้อ อย่า ๆ ๆ ๆ ข่อยบ่ได้บ้า ข่อยบ่ไป อย่า ๆ ๆ ....บรืน ๆ ๆ ๆ ช่วยด้วย ๆ ๆ ข่อยบ่ได้บ้า ๆ ๆ ๆ ......ซอยข่อยแน ๆ ๆ พวกเจ้าสิคึดคือข่อยบ่น้อพวกเจ้าสิคึดคือข่อยบ่น้อพวกเจ้าสิคึดคือข่อยบ่น้อ
    แก้ไขครั้งสุดท้ายโดย พล พระยาแล; 08-07-2010 at 14:06.

  2. #2
    Banned

    วันที่สมัคร
    Jul 2008
    ที่อยู่
    Oil Field เพชรบูรณ์/กำแพงแสน
    กระทู้
    469

    คนเหล็ก คนไทย-อิสาน

    ได้อ่าน วลี อ้ายพลแล้วกะเข้าใจความฮู้สึกเพิ่น ชีวิตทำงานของแต่ละคนอาจสิแตกต่างกันไปแต่ทุกอาชีพทุกสาขา ล้วนเป็นส่วนทำให้ประเทศชาติเดินไปข้างหน้าได้ ยามเบื่อๆเคยคิดคือกันครับว่ากลับไปทำมาหากินอยู่บ้านกะบ่ อดตายดอก แต่คึดอีกอย่างว่าถ้าเรานำความรู้ที่เราเรียนมาที่เราถนัดมาใช้ในการทำงานกะสิทำให้เป็นประโยชน์ต่อบ้านต่อเมืองเฮาบ่ต้องไปจ้างชาวต่างชาติมาเฮ็ดให้เสียดุลย์ ประเทศไทยเฮาขาดคนอิสานบ่ได้ดอกจำเป็นอย่างยิ่งที่ต้องมีคนเหล็กคนไทย-อิสาน ที่เป็นพลังขับเคลื่อนประเทศไทยไปข้างหน้าเพราะว่าเฮาเป็นแหล่งจ่ายกำลัง(Power Supply) ที่ยิ่งไหญ่ที่สุดของชาติครับ

  3. #3
    แบ่งปันความรู้และประสบการณ์ สัญลักษณ์ของ ลูกสาวพ่อแล
    วันที่สมัคร
    Feb 2010
    ที่อยู่
    เดนมาร์ก
    กระทู้
    94
    บล็อก
    20
    แม่นอ้ายพล แต๋วคึดคืออ้ายเลย แต๋วแห่งคักมาไกลบ้านคักบางครั้งไห้ผุ้เดียวอ้ายคึดฮอดเด็กน้อยอยู่บ้าน
    แต๋วเฮ็ดงานเบิ้งแงงคนเฒ่าคึดเห็นผุเฒ่าทางบ้านแหมะไผสิเบิ้งยามเราเจ็บไข้ เว้าแล้วกะอยากไห้อีกแล้วอ้าย

  4. #4
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,421
    บล็อก
    1
    เอ่อ ผมเป็นเจ้าหน้าที่จากโรงพยาบาล ได้เวลาฉีดยาแล้วครับอ้าย อิอิๆ คืออ้ายว่านั่นหล่ะครับ สัตว์โลกย่อมเป็นไปตามกรรม นั่นหล่ะครับ

  5. #5
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    คึดมาแล้วมันกะบ่แม่นความสุขเฮาดอกเนาะอยุ่ทางนิ
    อยุ่บ้านนำพ่อแม่พุ้นหม่องมีความสุขที่แท้จริง

  6. #6
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,262
    ข่อยกะนั่งงึดอยู่คือกันอ้ายพล ว่าข่อยหัวขวัญหยัง

    อ่านๆๆไป ข่อยกะงึดคือกัน ฮ่าๆๆๆๆๆ
    :b-b เมรีขี้เมา :b-b

  7. #7
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,161
    เด๋วสิไปยามเด้อจ้า ยุโรงพยาบาลศรีธัญญาแม่นบ่ อ้ายพล
    ล้มแล้วฟื้นยืนสู้ชูช่อใหม่ เพราะต้นยังสดใสผลิใบเขียว
    ลุกขึ้นต้านลมฝนต้นเป็นเกลียว รากยึดเหนี่ยวซับซ้อนกับพื้นดิน



  8. #8
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    อิอิอิอิ...งึด งึด จ่าเหลือง "งง" อ้ายพล อ้ายคิดถ่ายถอดเรื่องนี้ได่จั่งไหล นี้ที่ผม งึด อิอิอิ:l-:l-

  9. #9
    ผู้ช่วยผู้ใหญ่บ้านมหา สัญลักษณ์ของ มั่วหน่าฮ่าน
    วันที่สมัคร
    Jan 2007
    กระทู้
    1,781
    เป็นไปทั่วทีปอีกหล่ะคนเฮา...โลกคือละคร...แสดงไปตามบทบาทที่เขาให้มา ได้บทหยังกะว่ากันไปให้สมจริง..เหอๆ

    หนีไปนอนก่อนดอกมื้ออื่นสิตื่นไปเสียหญ้าไฮ่อ้อย...อิอิ
    ไม่เข้าถ้ำมอง เหตุไฉนจะได้มอง...http://img198.google.co.th/img198/6016/iinjiisjiisj.gif

  10. #10
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    549
    บล็อก
    21
    ให้เว้านำแหน่ กะอยู่เพื่อปากเพื่อท้องจะของนั่นแหละ หนทางสิให้ได้อยู่ได้กินกะคือหาเงิน เพื่อเอามาเป็นสิ่งแลกเปลี่ยนให้เป็นอย่างที่เฮาอยากได้ เอาเงินมาซื้อแนวอยู่ แนวกินจะของนำ ครอบครัวนำ ญาติพี่น้องพุ้นกระจายออกไป การที่จะได้เงินมากะต้องมีอาชีพตามที่จะของถนัด มีแรงกาย แรงใจ
    คนเฮากะถนัดหลายอย่างแตกต่างกันออกไป ไผถนัดทางรับราชการกะไปทางราชการ ไผถนัดทางการใช้แรงงานกะไปใช้แรงงาน ขึ้นอยู่กับสถานการณ์ด้วยกะจึงไปได้ อย่างผมบ่อมีอาชีพหยัง ผมกะอยู่บ้านสื่อๆ แบมือขอเงินเมียมาใช้ กว่าสิได้บาทสองบาทกะถูกจ่มหลายๆบทคือกัน
    ทีนี่คนเฮากะบ่อคือกันน้อครับ คือมีกรรมเป็นโตพาเดินในบทบาทของชีวิต ถ้าอยากอยู่ดีมีสุข กะบ่อต้องไปเบียดเบียนผู้ใด๋ สะสมบุญกุศล ให้ทาน รักษาศีล เจริญเมตตา ภาวนา(อันนี้สิแปลว่าจังได๋กะแปลเอาเองเด้อครับ แต่ผมคิดว่าเป็นการใช้สติปัญญาเพ่งคิดพินิจให้เข้าใจถึงแก่นแท้ต้นตอของปัญหานั้นๆ) แต่ถ้าอยากมีความสุขแบบบ่อต้องลงทุนหลาย ไปหาเอาของผู้อื่นมาเป็นของเจ้าของ หรือโลภอยากได้ของเขา หรือหลง อันนี้กะสิมีความสุขอยู่ชั่วระยะเวลาหนึ่งหลังจากนั้นความทุกข์กะสิมายาม
    ตัวอย่างที่เห็นได้หง่ายๆกะคือสามล้อถูกหวย ได้เงินมาเป็นล้านหลายล้าน เอามาใช้บ่อพอถ่อได๋ เบิ๊ดเกลี้ยงกะยากจนคือเก่า อันนี้เขาเอิ้นว้าการกระทำในอดีตส่งผลต่อปัจจุบันและอนาคต
    ฮู้บ่อว่าคนเฮาเกิดแล้วตาย ตายแล้วกะเกิดอีก นับครั้งไม่ถ้วนแต่ว่าจำชาติเกิดของเจ้าของบ่อได้ คือกันกับนอนฝันไปนี้แหละครับ ตื่นขึ้นมากะลืมโลด คนเฮาเกิดมากะบ่อเป็นคือเก่าได๋ครับ ไผฆ่าหมูหลาย เกิดใหม่กะเป็นหมู เป็นเป็ด เป็นไก่ ไปจังซั่น กว่าสิได้เกิดเป็นคนนี้แสนยากจริงๆ ในพระไตรปิฎก พระพุทธเจ้าเผิ่นกะเกิดเป็นสัตว์หลายชนิด เกิดเป็นเจ้าชาย เป็นคนธรรมดา เป็นพ่อค้า เป็นพระเวสสันดร ก่อนสิมาเป็นพระพุทธเจ้า อันนี้ถ้าบ่อเชื่อกะบ่อต้องเชื่อ คึดไผคึดมันเด้อครับ








    จงเป็นคนที่มีพลังในชีวิตเปรียบเหมือนเทียนที่ให้แสงสว่างแก่มวลชน


    c06:c06:c06:
    แก้ไขครั้งสุดท้ายโดย หนุ่มน้อย; 06-07-2010 at 04:26.

หน้าที่ 1 จากทั้งหมด 4 หน้า 123 ... หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •