คนเฮาใหญ่มามันคือเมือยแท่นอ

[mewcoppy]

ตั้งแต่เรียนจบมาเกือบยี่สิบปีแล่ว บ่อเคยมีเลยว่าสิมีมื้อใด๋หยุดเรื่องการเรื่องงาน ย่อนว่าทุกข์ว่ายากจั่งมาลำบากอยู่เมืองไกล มื้อใด๋หาเงินพอได้กะจั่งสิยิ้มออก บางมื่อเครียดๆกะได้ยืมบ้านมหานี่หละครับหาหมู่เว่าปรึกษา สบจังหวะดีๆกะยางเลาะอ่านกระทู้ของชาวบ้าน อ่านแล่วมันกะซอยให้ตัวข้าน้อยนี่อารมณ์ดีขึ้น สมัยทุกมื่อนี่ค่าใช้จ่ายแฮงแพง กินข้าวกินน้ำกะหลายบาทมื่อๆนึง แมนพูใด๋ว่างๆกะหาแนวมาเขียนใส่หูแนเด้อครับ.........อั่นแม้นย้อนไปได้โตผมนี่ มาบ่ออยากใหญ่แท่นอครับ แฮงใหญ่ แฮงสูง แฮงเมือยครับ ถ้าแมนอยู่บ้านนอกเฮาอยากกินปลากะยางไปซีคราวเดียวกะได้กิน อยากกินแย่กินผักกะมีบ่อต้องซื้อ แต่ว่าอยู่ในเมืองแมนขยับเป็นเงินโลดครับ เงินหายากใช้ง่าย แมนใผค่าแรงต่ำๆแฮงยากครับ ใหนจะค่าบ้าน ค่าน้ำค่าไฟ ค่าเมียน้อย(โอ้ยๆบ่อเกี่ยวนอครับ)ขออ้างถึงกระทู้อ้ายพลแนเด้อครับ ว่า ใผคิดคือข้อยแน นั่นล่ะครับ ผมอ่านแล่วผมเลยคิดฮอดบ้าน แต่ว่าได้แต่คิดฮอดครับ ถอยหลังบ่อได้แล่ว เดินทางมาไกล ถ้ายางกลับเขาสิว่าอ่อนแอ แมนสิแพ้บ่อแพ้ กะขอแค่กาลเวลาครับ เพิ่นสิตัดสินให้เฮา ว่าจั่งเจ้านี่สิได้ไปอยู่หม่องใด๋

.........สุดท้ายนี้ผมกะขอขอบคุณบ้านมหาเด้อครับ ที่เฮ็ดให้ผมมีหมู่ หลายอย่าง .........สบายใจแล่วครับ...ขอบคุณ

[ครูไทยไกลบ้าน]

บ่ว่าแต่ใหญ่แล้วครับ ขนาดผมเป็นบ่าวซำน้อยกะยังเมือยคือกัน 55555555

[หมูหวาน]

เข้ามาบ้านมหาขอให้มีแต่ควาวสุขเด้อจ้า อย่าเครียดจ้า เมื่อยกะเซาเมื่อย พักผ่อน ผ่อนคลายก่อนเด้อจ้า แล้วจังลุกสู้งานต่อไปจ้า อดทนไว้ทุกอย่างจะดีขึ้นเองเนาะจ้า (คนเว้านี้กะ อดทนจนว่าคือกันจ้า) อิอิ มาให้กำลังใจจ้า :l-:l- สู้สู้

[ต่วง]

เมื่อยกะอดเอาอาว เวลาเมื่อยกะเข้ามาคุยสาวบ้านมหา บ่มีเมื่อยมีแต่คึก ฮ่า ๆ ๆ

[สาวเมืองกะสิน]

เมื่อยกะอดเอาจ้า เพิ่นว่าบ่ตายดอก เจอปัญหาก็ค่อยๆแก้ไขด้วยปัญญา บ่ได้ก็ต้องมีที่ปรึกษาเน๊าะ
ขอแต่ว่าบ่ท้อถอย ทุกอย่างมีทางออกเสมอจ้า สู้ๆต่อไปจ้า

[sompoi]

บางทีการตั้งกำแพงบอกตัวเองว่า "ฉันกลับไม่ได้ มันหมายถึงยอมแพ้ " แบบนั้นมันอาจดูหนักไปอ่ะค่ะ .. ลองคิดว่า เราอยากทำเพื่อความฝัน เรามีฝัน เราจึงมุ่งฝ่าฝัน แบบนั้นน่าจะทำให้เรามีความสุขกับสิ่งที่ทำอยู่มากกว่านะคะ ขอเป็นกำลังใจสำหรับคนดีๆของสังคมอีกคนค่ะ สู้ๆๆ ทาเคชิ..

:l-:l-:l-

[โก๋ดง]

โอ้ย? แฮงเจ้าเว้าหลายข่อยกะเลยเครียดไปนำเลยน้อครับ เอาเป็นว่านักสู้จากที่ราบสูงคือหมู่เฮาบ่อยอมแพ้อิหยังง่ายๆแมนบ่อครับ เอ้าสู้ๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆมื้อหนึงสิเป็นของเฮา

[คนบ้านเดียวกัน]

หาเวลาว่างให้ตัวเองได้พักผ่อนแหน่เด้อครับ

[kitty]

[พล พระยาแล]

ฮ่วย แสบ ๆ บ่ทันได้เถ่าอย่ามาจ่มคืออ้ายหลายน๊า มันกะเป็นจั่งซี่ล่ะชีวิตบ่ว่าแต่เมืองกรุงดอกครับ บ้านนอกเฮากะได้ซื้อกันทุกอย่างคือกัน ตำบักหุ่งกะบ่อยากตำกินแล้ว ซื้อกินดีกว่า ประหยัดกว่า พะนะ

ซูมื่อนี้เอาโตรอดปลอดภัยให้ฮอดสิ้นเดือนกะบุญหัวแล้วน้องเอ้ย ผู้มีรายได้หลาย รายจ่ายกะหลาย เพิ่นจั่งว่า มีเงินหลาย บ่สำคัญเท่า "มีเงินเก็บหลาย" ซั่นเพิ่นว่ากะดาย

แต่ของอ้ายเป็นน้ำซึมบ่ทรายเด้อ ได้มาแล้วกะไหลถิ่มโจ้ก ๆ อยู่ ฮ่า ๆ ๆ สู้ ๆ น้อง