พี่น้องหลายคนเผิ่นถาม เฮ็ดแต่แนวกินอิสานมีตะอั่นใส่ปลาแดกเป็นถ่อนั้นบ้อ อาหารไทยคือบ่เฮ้ดลองเบิ่งแหน่น้อ เผิ่นหว่า กะเลยลองเฮ็ดอาหารไทยเบิ่งครับ ผัดผงกะหรี่นี้แนวมักตั่วครับ บ่หว่าปูหือกุ้ง แนวกินดู๋กะเลยสังเกตุเบิ่งหว่าคะเจ้าใส่หยังแหน่ กะมีกุ้งจักประมาณ15โต(อั่นนี้เฮ็ดกินเด้อครับ บ่ได้เฮ็ดขาย ถ่าเฮ็ดขายคือสิบ่เถิง10โตดอก )โตใหญ่ๆแหน่ ผงกะหรี่ ไข่เป็ด น้ำพริกเผา นมสด น้ำตาล ซีอิ้วขาว ต้นหอม คึ๋นฉ่าย กระเทียม ถ่อนี้หละครับ ขั้นตอนแรกกะตอกไข่ใส่ถ้วยครับ เทนมสดลงไปจักเคิ่งถ้วย น้ำพริกเผา น้ำตาล2ช้อนโต๊ะ หละกะซีอิ้วขาว1ช้อนโต๊ะ ตีให้เข้ากันครับ
น้องกุ้ง..โอ๊ะ กุ้งผัดผงกะหรี่.
ส่วนกุ้งเด็ดหัวไว้หาง ปอกเปลือกผ่าหลังดึงเส้นดำออก ล้างให้สะอาดครับ แล้วกะลวกด้วยน้ำร้อนพอกุ้งสุก ตักขึ้นมาพักไว้
น้องกุ้ง..โอ๊ะ กุ้งผัดผงกะหรี่.
น้องกุ้ง..โอ๊ะ กุ้งผัดผงกะหรี่.
ตั้งกะทะครับ ใส่น้ำมันนิดหนึ่ง ทุบกระเทียมลงผัดครับ พอหอมใส่น้ำของน้ำพริกเผาลงไปผัดอีก แล้วกะจั่งเอาเครื่องผสมที่ตีเข้ากันแล้วลงไปผัด พอไข่เริ่มจับกันเป็นก้อนจั่งใส่กุ้งลงไปครับ
น้องกุ้ง..โอ๊ะ กุ้งผัดผงกะหรี่.[/cenyer]

น้องกุ้ง..โอ๊ะ กุ้งผัดผงกะหรี่.
ผัดพอกุ้งเข้ากับเครื่องกะพอครับ เพราะว่ากุ้งสุกแล้ว ก่อนสิปงกะทะ กะใส่ผักลงไปคน2-เถื่อกะยกลงครับ เพราะว่าผัดโดนผักมันสิสุกโพด สีบ่งาม บ่เป็นตากิน :12:
น้องกุ้ง..โอ๊ะ กุ้งผัดผงกะหรี่.
น้องกุ้ง..โอ๊ะ กุ้งผัดผงกะหรี่.