บักหำ..ซีรี่ ตอน 2

**บ่าวข้าวจี่** · 13-07-2010, 12:29

......ตะวันตกดินแล้ว ที่ นาของ หำน้อย ลมเย็นพัดต้นไผ่ ริมเถียงนา หลอด กับ หำน้อย ต่างแยกย้ายกันไปปักเบ็ด ตามคันนา โดยแยกไปคนละทาง หำน้อย ยึดครองตรงกลาง ส่วนตั้งแต่หัวเถียงนา ตามยาวสุดหัวนาปลายฝาย ส่วน หลอด รับหน้าที่ด้านริมเส้น..ฮ่า เลาะริมตะเข็บด้านสวนกล้วยติดหัวนา หัวรัดสายโคมไฟที่มีแบตลูกเล็ก ห้อยอยู่ที่เอวกันถ้าเดือนมืดมากๆอาจมองไม่เห็นทาง “เฮ้ย สุดแค่นั้นเด้อ มึงอย่าเลยมาห่มม่วง แม่ใหญ่ลา เด้อบักหลอด” เสียงเซียง หนู ที่มาปักเบ็ดก่อนหน้าอยู่ทีนาแม่ใหญ่ลา ตะโกนบอก บักหลอด ที่มัวง่วนอยู่กับการปักเบ็ด เสียบเหยื่อเพลินโดยไม่ดูว่าตัวเองกำลังกินพื้นที่เข้าไปในส่วนหวงห้าม ฮ่า จะว่าไปแล้ว เซียงหนู นี่ก็เป็นไม้เบื่อไม้เมา กับ หำน้อย กับ หลอด นี่แหละ เจอกันทีไรต้องข่มกันให้ได้ ด้วยความที่อายุก็มากกว่าเป็นรุ่นพี่ว่างั้นเถอะ ส่วนสองคนนี่ก็ใช่เล่น เซียงหนูแกเผลอเมื่อไหร่ เบ็ดที่แกปักไว้โดนไอ้สองตัวแสบลักยามเบ็ดแกประจำ หลังๆมารู้แกวเลยต้องร่นแนวให้ห่างสองคนซักสองสามแปลงนา ด้วยความที่ เซียงหนู แกติดกัญชา ปักเบ็ดเรียบร้อยแกก็ขึ้นไปนั่งพ่นควันอยู่บนเถียงนาแม่ใหญ่ลาโน้นแหละ สบโอกาสจังหวะเหมาะให้ หำน้อย กับ หลอด ได้เจอเรื่องตื่นเต้นลักยามเบ็ดจับปลายัดใส่ค้อง เมามันกว่าปลาที่มาติดเบ็ดตัวเองซะอีก ฮา แต่ก็ยังมีน้ำใจเสียบใส้เดือนไว้ให้เหมือนเดิมด้วยนะ เผลอคืนหนึ่งๆแกไม่ยามเบ็ดด้วยซ้ำ เช้าเลาะเก็บเบ็ดก็เข้าหมู่บ้านเลย...
........3 ทุ่มกว่า น้ำค้างเริ่มลง เสียงเขียดร้องระงมเรียกหาฝน “เอ้ย..หลอด ลุกๆๆๆ..ยามเบ็ด อย่าเตะถ้วยแจ่วหละ ระวังเด้ออยู่ข้างเสาฮั่นนะ..” หำน้อยร้องเรียกเพื่อนที่นอนอยู่บนเถียง พลางเอามือเกาลูบที่ขา ที่คันเพราะรอยหญ้า ใบข้าวบาดตามขา ยิ่งโดนน้ำค้างทำให้คันและน่ารำคาญ แต่แปลกวันนี้ไม่ค่อยมียุง ข้างกองไฟไต้เถียงนา กลิ่นปลาหมอ ใส่หีบไม้ไผ่ ที่ หำน้อย ย่างเกลืออยู่หอมยั่วยวน “สุกไป่ละ..ปลาเข๋ง เอ๋าก่องเข่า...” บักหลอดพูดพร้อมยื่นก่องข้าวกับถ้วยแจ่วให้ หำน้อย “มื้อนี่ได้แต่ปลาเข๋งแถ่บุ...ปลาข่อ ปลาดุก มันไปไสหมดวะ...”หลอด บ่นพร้อมก้มดู ค้องใส่ปลา ที่มีปลาหมอขนาดเขื่องอยู่หลายสิบตัว ผูกกับหลักไม้ไผ่แช่น้ำอยู่ข้างคันนาริมเถียง
“นาแม่ใหญ่ลา หลายคือหยัง มื้อวานไอ้เซียงเลาได้แต่โตใหญ่ๆแหม..”หำน้อย พูดพร้อมชะโงกมองไกลๆไปทางเถียงนาแม่ใหญ่ลา แสงตะเกียงยังพอมองเห็นเงาตะคุ่มๆของเซียงหนู นั่งอยู่บนเถียงนา “แน่ะ..มึงไปโลดตืนนี้ อ้ายเซียงเลาเห็นกูแล้ว.หวั่งค่ำ กะว่าสิใส่เบ็ดต่ออีกจักสองสามคัน เพิ่นกะฮ้องใส่..เว่ย” หลอด พูดกันไว้ก่อนราวกับรู้แผนของบักหำเพราะทุกทีหน้าที่นี้ต้องเป็น หลอด ที่จะไปลักยามเบ็ดเซียงหนูเพราะมีความช่ำชองกว่า ขึ้นชื่อประจำหมู่บ้านก็ว่าได้
ค่ำคืนของการรอคอย....คอยปลาที่จะมากินเบ็ด เป็นบทพิสูจน์ความอดทน และความพยายาม ที่จะสอนให้เด็กน้อยสองคนได้รับบทชีวิต ที่ภายภาคหน้าอาจไม่ได้สัมผัสมันแล้ว เมื่อกาลเวลาเลยไป.........

โปรดติดตามตอนต่อไป................

**บ่าวอิง** · 13-07-2010, 14:02

ใส่เบ็ดยามเบ็ด คือมานึกถึงตอนอยู่บ้านแท้น้ออ้ายบ่าว ตั้งแต่ยังเอาะๆอยู่พุ้นนะปลาคือสิหลายเนาะ
อันนาแม่ใหญ่ลา

**สาวเมืองกะสิน** · 13-07-2010, 14:43

มาขอปิ้งปลาเข๋ง ไปกินกับแจ่วบองเอื้อยไก่น้อยจ้า ข้าวเหนียวฮ้อนๆคือสิแซบหลายๆ
เอาพิซซ่ามาแลกเคียดพ้อมพู้นแล่ววววว
เล่าเรื่องราวได้ม่วนดีจ้า อ่านแล้วเพลิดเพลินดี ถ่าอ่านตอนต่อไปเด้อจ้า เอาอีกๆๆ

แต่น้อยๆกะเคยเห็นหมู่ผู้ชายแถวบ้านไปหาใส่เบ็ดคือกันจ้าแต่ว่าบ่เคยได้ไปเล่น ไปเบิ่งนำคะเจ้าจักเทื่อ นอกจากคะเจ้าย่างกายหน้าบ้าน จังแลนออกไปขอเบิ่งปลานำเพิ่น เห็นเพิ่นได้แล้วกะตื่นเต้นๆๆ สะออนปลา กบ นำเพิ่น อยากไปนำเพิ่น พ่อกะบ่ให้ไป อ้ายอยากไปใส่เบ็ดนำเพิ่น พ่อกะบ่ให้ไป ย้านลูกตกน้ำว่าซ่าน เสียดายชีวิตแต่น้อยๆ ไม่ค่อยได้ตื่นเต้น โลดโผน แต่กะมักจ้าชีวิตแบบนี้ ถ้าเลือกได้อยากไปใช้ชีวิตแบบนี้หล่ะเน๊าะ มีความสุขที่ซู๊ดดดดดดดดด

13-07-2010, 15:00

ติดตามครับผม แต่ว่าเรื่องลักปลาเบ็ดนี่เซียงเหมี่ยงฯ บ่เฮ็ด ย่อนว่าผู้เฒ่าเผิ่นว่ามันสิหากินบ่ขึ้น...
รอตอนต่อไปเด้อครับอ้าย...

**thedon** · 13-07-2010, 15:02

เข้ามาจอบอ่านซีรี่ดัง สงสัยละครช่อง 3 กับช่อง 7 ยาดกันซื้อลิขสิทธิ์แน่ๆเรื่องนี้ บักหำ อิอิๆ เอายาวๆเด้อครับท่าน จัก 20-30 ตอน ม่วนครับม่วน เอิ๊กๆๆ

**บ่าวน้ำโสม** · 13-07-2010, 16:00

ตอนแรกมวน ตอนสองตื่นเต้นเร้าใจ อยากไปใสเบ็ดนำตะเซียงหนูฮั่นแล้วมีฮอดซาสูบแมะ ฮ่าๆๆๆๆ สิถ่าตอนต่อไปเด้ออ้าย...

**อาวอ้วนเมืองยศ** · 13-07-2010, 16:46

เขียนได้เห็นภาพเลยแมะอาจารย์ ใบข้าวบาดขาวะซั่น มีความรู้สึกแสบขึ้นมานำเลยแมะ
ตอนที่ว่าถืกน้ำค้างนี่แมะ สุดยอดครับ ทำให้ต้องไปหาตอนแรกอ่านเลยครับ ไปหาอ่านก่อนซั่น