หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หอบใจฮ้างมาบ้านเฮา

  1. #1
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140

    หอบใจฮ้างมาบ้านเฮา

    พี่น้องเอ้ย บัดนี้พรรณนาบ่อนบั้น ความกระสันโอ้อ่าว โอ่ถึงซาวพี่น้อง ให้มาป้องซ่อยเฮียม แหน่เด้อ
    คือว่าในตอนนี้ ผมแสนทุกขเวสโอ้ เอาใจโสไปมักเพิ่น สาวผู้ดีต่างบ้าน คือหาญกล้ากว่าหลัง
    ย้อนว่าพันทนังหมั่น ฝั่นเกียวเป็นเชือกค่าว จนลืมคราวเผื่อไว้ ใจนี้แก่เจ้าของ
    คิดว่าเพิ่นสิต้อง ใจต่อคือดั่งโต แต่พอโงหักหลัง ฮักเลยพังทลายม้าง
    ทางหัวใจพอปานส้าง หลูหลุดดินถม จมลงในปฐพี มิดเลยหายเสี่ยง
    เสียงเขามาบอกให้ เซาสาอ้ายอย่าห่วง ฮักเฮาจบส่ำนี้ ปานฟ้าผ่าสมอง
    เจ็บแต่หวฮอดท้อง เจ็บส้นน่อฮอดสายบือ เจ็บฮอดมือลงขา เจ็บอุราหนาวสะบั้น
    สั่นพอปานตกน้ำ เดือนสิบสองไหลแก่ง คือดั่งฟ้าสวรรค์แกล้ง แปงให้อ่อนมโน
    สุดที่แสนสะออนโอ้ น้ำตาโตมันไหลย่าว ตั้งแต่คราวใด๋นั้น บ่ทันฮู้เมื่อคีง พี่น้องเอ้ย
    คือโลกมิดอิ้งติ้ง บ่มีตีงสักอย่าง หัวอกเพแตกม้าง จนครางกลั้นสั่นสาย
    กว่าสิคืนสติได้ ว่าแม่นตายจั่งเกิดใหม่ ว่าแม่นไฟเผาแล้ว บ่คืนตั้งได้เป็นคน
    ทำใจโดนพอได้ จั่งกล้าอ่วยคืนหา มวลพี่ป้าน้าอา ผู้อยู่เฮือนทางบ้าน
    เอาหัวใจที่มันมีแต่ร่าง คืนสู่สังเวียนเดิม เข้าสังเวียนชีวิต เวียกงานคราวเค้า
    จั่งได้มาพบเจ้า ไทเฮาทุกท่าน มื้อนี้เอาหัวใจตายด้าน มาต้อนค่าบ่หลาย
    อย่าเคียดเด้อน้องอาย ที่บ่ได้ม่ายมายาม รับประกันต่อไป สิอยู่นำดอมเจ้า
    มามาอยู่มาเฝ้า บ้านอีสานเฮาให้มั่นแก่น มาอยู่แป้นไม้แต้ แก่นเหลื่อมหลังเดิม เด้อ
    แก้ไขครั้งสุดท้ายโดย พล พระยาแล; 13-07-2010 at 22:25. เหตุผล: แก้คำผิด

  2. #2
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    เป็นตาเจ็บหลายเนาะ อ่านซือๆกะจนเจ็บนำพุ่นแม่ะ เวลาถ่อนแล่ว สิส่อยจ้า เขียนมาอ่านให้เจ็บนำอีกแน่ะเด้อ ม่วนแม่ะจ้า (เอ่า ม่วนบนควมเจ็บเพิ่นบาดนิ ฮ่า )

  3. #3
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    โอ๊ยหนอ
    เป็นตาเจ็บแท้หน้อ
    จักใด๋กะเป็นกำลังใจให้เด้อจ้า

  4. #4
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    แม่นสิเจ็บหื่นเท่า แสนทวีฮ้อยเล่า
    ก็บ่จำใส่ใจดอกเอื้ย เพราะเฮานี้มักเขา
    ขอบพระคุณที่ยังมาคอยให้ กำลังใจเด้อคับ....

  5. #5
    แบ่งปันความรู้และประสบการณ์ สัญลักษณ์ของ ลูกสาวพ่อแล
    วันที่สมัคร
    Feb 2010
    ที่อยู่
    เดนมาร์ก
    กระทู้
    109
    บล็อก
    20
    มาเ)็นกำลังใจเด้อจ้าแต๋วกะเคยเจ็บมาก่อนเข้าใจดีว่าทรมารขนาดใดสู่ๆๆเด้อจ้ากำลังใจให้เกินร้อยจ้า:l-

  6. #6
    Banned

    วันที่สมัคร
    Jul 2008
    ที่อยู่
    Oil Field เพชรบูรณ์/กำแพงแสน
    กระทู้
    524
    โอ้วว หมอลำเก่ามาเองตั๋วะนี่...เจ็บกะจำแหน่เด้อพี่น้อง จำไว้ถ่าเจ็บอีกเถื่อ...อิอิ

  7. #7
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    140
    ขอบคุณหลายๆคับ อันบุญคุณหมู่เจ้าผมจำหมั่นบ่ลืม คับ

  8. #8
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,986
    บล็อก
    1
    อกหักไม่ยักก่ะตาย ย้อนหว่าเป็นพ่อซาย ให่อดเอาเด้อหล่า
    เขาสิหว่าเป็นบ้า บ่พอปัวมัวหม่น ซาหยังคนส่ำนั่น แต่ฝันพ้อก่ะบ่เคย ลืมไปเลยโลดน้อง
    สำรองใจใหม่เอี่ยม ฮักเทียมเทียมบ่ต้อง รับรองได้อีกบ่ดน

    แก้ไขครั้งสุดท้ายโดย pcalibration; 14-07-2010 at 11:41.

  9. #9
    ศิลปิน นักร้อง นักแสดง สัญลักษณ์ของ พงศ์น้อย ส กสิน
    วันที่สมัคร
    Jan 2007
    ที่อยู่
    ผมไม่รู้ ผมนอนนา
    กระทู้
    1,171
    บล็อก
    5
    จั่งได๋ความรักกะเป็นสิ่งที่สวยงามเสมอ สู้ๆต่อไปครับ ให้กำลังใจเด้อครับ

  10. #10
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    ตราบที่ลมหายใจยังบ่อสิ้นถวิลหาอีกคือเก่า ท่านเอย
    ไผผู้บ่อเคยผิดหวังยากสิเข้าใจเฮาได้ เถิงสิเฮฮนไห้
    อย่าถอยใจให้สู่ต่อ คำว่า พอ พอ พอ อย่าได้เผลอกล่าวเว้า
    เฮานั้นสิทุกข์ใจ ให้ฟ้าวหาใหม่ซ้อนในในให้อบอุ่น
    ควมฮักบ่อแม่นสิ่งที่ว้าวุ่น หากเฮานั้นบ่อคึดหลาย



    เป็นกำลังใจให้ครับ
    แก้ไขครั้งสุดท้ายโดย พล พระยาแล; 13-07-2010 at 22:27. เหตุผล: แก้คำผิด