จดหมายน้อย ก้านเก่าๆ

**นู๋น้อย** · 16-07-2010, 15:33

ญ. ถามว่า...

อั่นว่าความฮักเจ้า ยังคือเก่าบ่น้อชาย
ถึงจุดหมายบ่น้อฝัน ห่างไกลกันแต่วันสิ้น
ฝันโบนบินไปทางหน้า โชคชะตาพาเฮาเปลี่ยน
จากโรงเรียน จากเพื่อนพ้อง โต๊ะในห้องหม่องนั่งฝัน

จากมื้อนั้น ถึงมื้อนี้ น้องกับพี่ยังสานต่อ
เฝ้าและรอจดหมาย ส่งบรรยายความใจท้อ
สู้บ่น้อ ไหวบ่อ้าย ส่งน้ำใจให้ได้รับบ่
หากบ่พอ จั่งพ้อหน้า ยามเกี่ยวข้าวบ้านเฮาเด้อ

ช.ตอบว่า..

โอ้ยน้อหล้า ว่าฮักเฮายังคือเก่า
ถึง 2 เฮา บ่ได้ใกล้ แต่ใจนั้นดอกบ่ห่าง
อ้ายจกรูปอ้างยามสาวย่างมายามกราย
ส่งความหมายว่าคนจอง ห้องหัวใจชายคนนี้

เกือบถึงปีละน้อหล้า จากบ้านมาหาเรียนต่อ
แม่และพ่อหวาดหวังไว้ ใบน้อยๆปริญญา
อั่นว่านางน้องหล้า กะหาไกลใจอ้ายบ่
ยามได๋ท้อ รูปนางน้องคอยยิ้มหวาน นางเอ้ย

..........:l-:l- จดหมายเก่าๆ ในห้องเช่าห้องน้อยๆ พะนะ

**อาวอ้วนเมืองยศ** · 17-07-2010, 08:11

บ่ธรรมดาตั้วหนิดีเจนู๋น้อยกะดาย อั่นอยากทราบว่าจดหมายทำไมมีคำแทนสรรพนาม ว่าก้าน ครับ
ได้ยินแน่ยุ สาธิตว่า จดหมายก้านนั้นพอได้อ่านทวน จดหมายเป็นก้านๆ คือก้านบักพร้าวติหน่อครับ