ปั้นคันแทนา.หาปลา.ใส่เบ็ด

[ชัย หมอแคน]

เมื่อช่วงปลายเดือนสิงหาฯพายุเข้ามาอีสานอีกรอบคับ ทางเขื่อนฯฝนตกทุกมื้อ คันแทนากะขาดอีกแล้วคับ เลยต้องออกแฮงปั้นขึ้นใหม่คับพี่น้อง


ข้าวตอนนี้กะกำลัง แตกใบแตกกอ เขียวปานเอาพรมสีเขียวมาปูแผ่นใหญ่ๆเต็มท่งนา

แต่ มื้อนี่ (30 สค.) ฝนเซา ซาๆแนคับ หาใส่เบ็ดเอาปลามาป่นดีกว่า เลยแบกบักจกขุดเหยื่อขี้ไก่เดือน(ไส้เดือน)
ได้แล้วออกย่างหาทำเล เกือบเหยียบเจ้าตัวนี้ สงสัยกำลังแล่นไล่กันเล่น แล่นเร็วโพดเพิ่นน่ะ อิอิ

เจอฝูงฉลามรุ่นจิ๊บจิ๊บก่อน บ่เอาคับปล่อยให้ใหญ่ก่อนเถอะ จับต้มซดน้ำซะให้เข็ด

หลังจากนั้นกะปักเบ็ดก่อนคับไปเรื่อยๆ จนหมด สักพักได้เวลาจอบ..โอ๊ะ.ยามแล้ว

โตแรกแฮกหมาน ปลาเข็งน้อย กิ๊บเก๋ๆ

ตามมาด้วยปลาค่อน้อย บ่แม่นปลาค่อกั้งเด้อ กำลังงาม

อีกโตหนึ่ง กำลังเป็นวัยรุ่น

ค่ำแล้ว ปลากะคือสิพอป่นแลงแซบๆแล้ว เมือบ้านกินข้าวแลงนำกันคับ พี่น้อง

ขอบคุณวมต.และทีมงานที่เอื้อเฟื้อพื้นที่คับผม

[ลาวดีน้อย]

เห็นแล้ว อะกะคิดฮอดบ้านจ้าเด้ๆจ้า คิดฮอดสมัยเด็กน้อยๆ หาใส่เบ็ดหมดหมู่บ้านม่วนๆจ้า คิดฮอดสมัยก่อนแฮง อ่อย ภาพเก่าเข้ามาเลย ม่วนอิหลีเด้จ้าใส่เบ็ดยามข้าวกำลังท้อง

[ตรี ศรีเมืองใหม่]

บรรยากาศ สุดยอดแล้วครับ แต่ว่ารูปย่อเล็กเกินไป ถ้ารูปใหญ่กว่านี้สิสวยงามมากครับ

[อ้ายเขียว]

ตำป่นเบิ่งเด้ปลาคอน้อยคือเป็นตาแซบคัก

[๛หนุ่มบ้านไกล๛]

ป้าดดดดดดดดดด แถวไหนน๊อ ปลาคือชุมดีแท้ แถวบ้านข้อยคือปลาบ่หลายแบบนี้หนอ

[บ่าวห้วยละโอง]

อยากไปใส่เบ็ดนำเด้เนาะ
เมือบ้านไปเห็นกบกะมีแต่กบน้อยบ่ทันพอได้ใส่เบ็ดกบเลย

[บ่่าวสุดเขต]

....ปลาค่อโตซ่ำนิกำลังดื้อกินเบ็ดดีคัก
น้ำท่วมกะซังแต่คันแทขาดโสกนิหล่ะครับเมื่อยหลาย
ปีนี้ทางเมืองพลกำลังดีครับบ่ท่วม(ฮึมันยังบ้ทันมาบุหล่ะ)

[บ่าวจีดส์]

เห็นภาพแล้วคิดฮอดบ้านเด้ ตะกี้สมัยอยู่บ้านก้อได้ตกเบ็ดจังซี้แหละ ออกไปใส่บ่ายสี่ห้าโมงแลงออกยามอีกเทือก้อหกโมงแลงเกือบๆทุ่มนึง ปลากินดีขนาดซังตะงูมากินก่อนนี่ล่ะ ย่านหลายทิ่มเบ็ดเลยเสียดายเบ็ดก้อเสียดายแต่ย่านงูหลายกว่า ขอบคุณครับที่เอาภาพงามๆมาให้เบิ่งรำลึกความหลัง

[พงศ์น้อย ส กสิน]

อยากไปลักยามเบ็ดเด้ครับ 5555555555555555 เจ้าของใส่บ่หมาน น่อ บรรยากาศดีครับ

[victer]

แนวมักผมตั่วนิ สมัยเป็นเด้กน้อย ค่ำวันศุกร์ไปใส่เบ็ด
ไปใต้เบ็ด(ภาษาภูไท เอิ้นว่าไปก้านเบ็ด)พร้อมนอนนาเฝ้าเบ็ดอิอิ
ไปใส่เบ็ดหน้านา นี้สุดยอด
มักหลาย ข้าวกำลังงามตั้งก่อ ในน้ำมีปลา ในนา มีข้าว