อั่นว่าความคิดฮอด...หรือคำว่า Miss you
มันกะคืออันเดียว แปลว่าเทียวคึดนำเจ้า
ซิเซ่าสาย งายเข่า ตกเค่าหว่างตะเว็นแดง..คำเอ้ย
กะบ่เคยลืมไล สาวคนไค ขวัญใจอ้าย
คึดนำหลาย.... แต่ว่าโตนางน้อง ซิใจจ่องใส่อ้ายซาย บ่ละคำ
ย่านแต่บ่คึดนำซ่ำ ปล่อยยาอ้ายคึดผู้เดียว ...ซั่นดอก
***Always miss you***
เคยแต่งไว่หม่องได๋บุเนี่ย หาบ่เห็น เลยเอามาเว่าใหม่ ให้พี่น้องบ้านมหา ซ่อยผู่ข่า ติชม เด้อ
แก้ไขครั้งสุดท้ายโดย xeep; 25-09-2009 at 11:26.
กลอนเพราะหลายๆ เด้อ
อ้ายเอ้ย...
แม่นสิไกลข้ามฟ้า เฮาห่างแต่เพียงกาย
ส่วนว่าสายใจเฮา เกี่ยวฝันเป็นพันคล้อง
ยามแหงนมองเมฆขิฟ้า คนิงหาผู้ไกลห่าง ..สั่นแหล่ว
ฝากลมหนาวไปห่มร่าง ทางเมือบ้าน เจ้าอย่าลืม เด้ออ้ายเอ้ย.......
กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)
ผุข้าหัวกะฮู้ i miss you. คือคิดฮอด
สิลองหยอดส่งให้ สาวไก่น้อยเบิ่งกะน้า
เพียงแค่อยากฮู้ว่า เพิ่นสิตอบมาว่าจั่งได๋
สิเป็น i miss you. อยู่บ่น้อทางเจ้า
สิไปลองหัดเว้า เฮียนนำเขาเบิ่งจักหน่อย
พอได้หลอยไปเว้า ยามคนเฝ้า คะเจ้าบ่มานำ สั่นดอก
บ่าวก๋าคามเอ้ย .. อย่ามาตี๋แถลงเว้า คือคำเขาเพิ่นพาว่า
ฮู้บ่น๊า ใจอิน้อง มันฮำฮ้องว่า miss you .. สั่นเด๋
ย้านเจ้ามีหมื่นซู้ หลอยมาชูให้คิดหน่ำ
จำคำหวานมาว่านล่อ พอจืดจ้าว ผั่นต่าวหนี นั่นแหล่ว .....
กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)
ไก่น้อยเอ้ย...
บ่เคยคิดลดเลี้ยว คือดั่งเกี่ยวหลายคม
บ่เคยโปรยคารม ให้ไผตรมนำคำเว้า
คำว่าเอา ๆนั้น คือสัจจะหมั่น พญาหงส์ผู้สูงส่ง
บ่ได้หลงคำเว้า ให้เขาเอิ้นว่ากา ดอกนา..
คำ miss you. ที่เจ้าว่า นั้นฮ่ำฮอนออนซอนไผ
แนวว่าสาวคนไค ปากหวานโบรานเว้า
เชื่อเอาหลายบ่ได้ ทางหัวใจสิม้างมุ่น
หลังภายลุน คือกอบแกบใส่หัวล้าน สิคงค้างตั้งแต่ฮำ นั่นแหล่ว...ฮ่าๆๆๆๆ
ไก่น้อยเอ้ย...
บ่เคยคิดลดเลี้ยว คือดั่งเกี่ยวหลายคม
บ่เคยโปรยคารม ให้ไผตรมนำคำเว้า
คำว่าเอา ๆนั้น คือสัจจะหมั่น พญาหงส์ผู้สูงส่ง
บ่ได้หลงคำเว้า ให้เขาเอิ้นว่ากา ดอกนา..
คำ miss you. ที่เจ้าว่า นั้นฮ่ำฮอนออนซอนไผ
แนวว่าสาวคนไค ปากหวานโบรานเว้า
เชื่อเอาหลายบ่ได้ ทางหัวใจสิม้างมุ่น
หลังภายลุน คือกอบแกบใส่หัวล้าน สิคงค้างตั้งแต่ฮำ นั่นแหล่ว...ฮ่าๆๆๆๆ
ฟังสาวไก่น้อยเว่า เฮาห่างแต่เพียงกายกระทู้ต้นฉบับโดยคุณ ไก่น้อย
ส่วนว่าสายใจเฮา เกี่ยวฝันเป็นพันค้อง
อ้ายกะคึดจั่งน้อง ใจกะจ่องใส่คือกัน ตั๋วหล่า
แต่อย่าเด้อ อย่าส่งลมหนาวมา ห่มอ้ายซายให้หนาวเล่น มันซิเป็น2009 งานเข่าอ้ายผู่เดียวเด้ อ้ายว่า
แก้ไขครั้งสุดท้ายโดย xeep; 24-09-2009 at 11:50.
อะปร๊าดด กระทู้นี้มิกกาเซ่ขอบายดอก มีแต่ผู่ระดับเซียน ไปจอบเฮียนใหม่อีกเกิ่น..มาเว่านำเพิ่นถ่าเด้อไก่น้อย ..อิอิ
มองต่าง..อย่างปลง
i miss you. กระทู้ตั้ง ออกจากหว่างกลางหัวใจ
ฝากตามสายลมลอย ฝนปรอยๆไปหาเจ้า
บอกคนเหงาคือจั่งอ้าย i miss you. เจ้าฮู้บ่
เพียงแต่ขอได้เว้า ให้ความเศร้านั่นส่างซา
ขอแต่นงคราญหล่า ได้ฮู้ว่าอ้ายคิดถึง
ความคณึงตามติด ซิดหนีบ่มีม้ม
แม่นสิตรมระทมแหน่น แค้นคั่งทางหัวใจ
ฮักเจ้าหลายอีหลี บ่เคยมีบ่เคยพ้อ
มื้อนี้ขอสาเด้อหล่า อันคำว่า i miss you.
เว้าเบิ่งดู๋คนงาม เพียงสามคำแค่นี้
มีความหมายหลายล้น สำหรับคนจั่งอ้ายพี่
เพียงเจ้าเผยเอ่ยวจี กะดีใจแล้วล่ะเจ้า แม่นฝืนเว้ากะซ่างตาม..
กฎการส่งข้อความ
อ้างข้อความนี้
Bookmarks