ตกวสันตกาลเข้า เนาว์พรรษาอัฏฐมาส
พิรุณหยาดหยอดย้อย ไหลลงค้อยคุ่มสถาน
อวสานกาลแล้ง เปลี่ยนแปลงเป็นจื้นซุ่ม
ซุมหมู่มวลแมกไม้ ผลิใบก้านป่งแหนง
ผักขะแยงเขียวอั้ว ผักสายบัวเริ่มแตกหน่อ
ทั้งผักขอผักพาย ผักบุ้งสายอยู่แคมน้ำ
นกไก่ดำลอยละล่อง ริมหนองคองกินเหยื่อ
ปลาซิวเฟือเลาะฝั่งส่าง เข็งขี้ก้างเลียบฝั่งคู
ลูกคอกหมู่ผุดผาดผ่าย ดำว่ายในนาท่ง
คิดอยากลงเอาแหง่งส่อน เมือต้อนผู้อยู่เฮือน
วันปีเดือนเคลื่อนย้าย ฮ้อนหายฝนวนมาใหม่
ฤดูกาลเปลี่ยนไป ฮอดยามไถหยายข้าว ชาวนาจ้าวเร่งระงม...
Bookmarks