แรงงาน..อาจารย์กู้..สู้้สู้เด้อพี่น้อง

[pcalibration]

มาหวนคิดฮอดบ้านอีสานเฮาเถ่า แก่แท้น้อ
ทั้งอี่แม่อี่พ่อเอื้อยอ้ายยายเฒ่า สิเก่าหมอง
คิดฮอดน้องอยู่บ้านสองหลานปู่ เคยดูแล
คงสิแก่ไปหลายตาลายหูอื้อมือ ขาล้าหล่อย
หนั่งเคี้ยวหมากอยู่ต้อยต้อยคอยถ่า อยู่จั่งได๋
ตั้งแต่ไกลไลจากบ้านเทียวหางาน ได้สู่ต่อ
อุปสรรคมาคือคักก่ะด้อสิทนท้อ บ่อ่อนยอม
หาเงินออมพร้อมกินใช้ก่ะยังไค ค่าใช้จ่าย
ค่ำแลงงายยังต้องดิ้นหนี้สินถ่วม กวมหัวคอ
หามาได้ใช้บ่พอขอยืมกู้ทนอดสู บากหน่าบั่น
ต้นเป็นพันดอกเป็นร้อยเงินเดือนน้อย ข่อยจำยอม
ผอมจนจ่อยถอยวีโก้อยากขี่โชว์ ปิคอัพใหม่
แพงปานได๋ก่ะต้องซื้อแชร์หลายมือ เปียไว้จ่าย
เหมื่อยแป๋ตายยังต้องสู่อาจารย์กู้ อยู่เต็มคอ
นี่หล่ะน้อชีวิตลิขิตฟ้าซินซาตา ฮากหญ่าต่ำ
เฮ็ดหน่ำหน่ำงานประจำบ่ขี่คร้านแต่ปานนั่น ก่ะบ่รวย
หวังถูกหวยทวยบอลเหล่นทีมสเปน เป็นแชมป์ใหม่
ฝันให้ไกลไปให้พ้ออย่ารีรอ บนบานกล่าว
เก็บเรื่องราวควมยากหยุ่งกลับคืนทุ่ง ถิ่นอี่สาน
ปิดตำนานปานซีรี่ส์หนังเกาหลีคงสิมี อีกภาคต่อ
หาบก่ะทอห่อก่องเข่ามื้ออื่นเซ่า ไปดำนา.....มาส่อยกันเด้อพี่น้อง
*****
เข้าพรรษาแล้วฟ้าฝนคือสิตกไผอยู่ว่างๆเมือดำนาส่อยอิพ่ออิแม่เฮาเด้อครับ

[พลายแก้ว]

ฮ่าๆๆๆๆๆๆๆๆๆๆๆ อ้ายพีฯ มาเว้าเข้ากับชีวิตคักแทะอ้าย 55555 สู้ๆๆๆๆๆๆ ครับ แรงงาน..อาจารย์กู้.. เป็นกำลังใจให้ครับ...:l-:l-:l-

[khonsurin]

ฝนบ่ตกตามฤดูกาล ใจกะเริ่มไหว
อกอั่งแท้ใจเอ๋ย ซ่างสะท้าน
ชีวิตสู้แล้วแทบหมดเรี่ยวแรง สองขา
จนด้านซาตัวดำด่าง ด้วยแฮงเฮาปั้น
โอ้เอ๋ยแท้พญาแถน แกล้งให้ฝนแล้ง
แตกระแหงทั่วท่ง หาดินล่มบ่เจอ
ได้แต่ครวญเพ้อ เรียกหาฝนไปทั่วทีป
ถิ่นทวีปกะบ่ปาน ซ่างแฮ่งแล้งหนอดิน
สองมือน้อยน้อย คอยฝันอำนวย
วอนเทพองค์อินทร์ ซ่อยให้พอได้ทำนา
วอนฟ้าอย่าขาดฝน วอนลมปัดเป่า
ความแล้งให้คลาย อุกอั่งใจจะได้เซา
สองมือกะซิปั้นคันนา สองตาจะมองจ้อง
ใบข้าวจะเริ่มโต โอ้อกชาวนาจะได้ใส
อย่าหมดแฮงใจ ก่อนเด้อพี่น้องป้องปราย
เป็นแฮงใจให้โตเอง จะได้บ่ล้าจากลา...ถิ่มท่ง

[เดชอุดมคนบัวงาม]

:l-โอ้ยอ้ายเฮากะดาย..ช่างมาร่ายผญาเข้ากับชีวิตผมแท้...อาจาร์กู้...กู้องทุน กยศ. กับกู้เงินมาแล่นไปให้ค่าหัวไปเมืองนอก

[โก๋ดง]

ดำแล้วไป๋น้อ อันวา นา อยากสิไปซอยดำเด้เนาะ

พี่น้องชาวอีสานเอย...
กลับมาอีกเถื่อนี้มีเรื่องเก่ามาขอถาม
เข้ามายามไทเฮาชาวอีสานย้านไลร้าง
สินธุ์โปงลางคนเค้าจับสำเนากลอนมาเอ่ย
เผยสำนวนออกเว้าถามข่าวเจ้าเลือดข้าวเหนียว
เผิ่นหว่าถามข่าวบ้านถามข่าวเถิงเสา
ถามข่าวข้าวถามข่าวเถิงนา
ถามข่าวปลาถามหาเถิงข้อง
คันถามข่าวพี่น้อง แหม่นเจ้าอยู่สุขสำบายดีบ่อนอ
หรือแหม่นมีความทุกข์สิ่งได๋บ่อนอป้า
เฮ็ดไห่หมานปลาเฮ็ดนาเจ้าหมานฝ้าย หรือแหม่นสุขสำบายหายฮ้อนนอนอั่ง บ่อเด
หรือมีทุกข์อีหยังเงินคำหลั่งอั่งเต้าโฮมเจ้าคู่สู่คนบ่อนอ