กำลังแสดงผล 1 ถึง 7 จากทั้งหมด 7

หัวข้อ: คนตุ้มผ้าให้..จำได้บ่..

  1. #1
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630

    คนตุ้มผ้าให้..จำได้บ่..

    นั่งเทิ่งเถียงฟังเสียงฟ้า อยู่หัวนายามฝนหลั่ง
    กอดเข่านั่งจ้อก้อ โอ๋ย..เด้น้อ..คิดฮอดคน
    แนมเมฆายามฟ้าหม่น สายลมบนนั้นพัดผ่าน
    มาปุนปานน้องจากอ้าย ไปแล้วบ่ล่ำมอง..แท้นอ
    ฝนซูสาดสะดุดต้อง ละอองฝนปนลมล่วง
    กายหนาวหน่วงจนสะบั้น แต่ปานนั้นบ่ส่ำใจ
    เจ้าผุไคไลลืมถิ่ม มิดอิ่มซิ่มได้ลงคอ
    คิดพ้อบ่..น้อความหลัง ระหว่างเฮาแต่คราวกี้
    น้องกับพี่เคยหลบฟ้า อยู่เถียงนาหม่องเก่าๆ
    หนาว..กะได้ผ้าตาหม่อง ของอ้ายปันห่มนาง
    ยามเสียงฟ้าฮ้องป้าง เจ้าคิงบางสะเดิดหลบ
    หลงมาซบใส่อกชาย สะเทินอายไหว้ขอโทษ
    บ่เคยโกรธเจ้าดอกหล่า บ่ถือสาเจ้าจักอย่าง
    บัดนี้นางหนีห่างอ้าย แม่นไปลี้อยู่ที่ได๋
    ได้ไผน้อห่มผ้าให้ หม่องได๋น้อพอลี้เสี่ยง
    บาดยามเสียงฟ้าฮ้องฮึ่ม แม่นลืมอ้ายแล้วไป่น้อ..คนงามเอย
    แก้ไขครั้งสุดท้ายโดย พลายแก้ว; 03-08-2010 at 17:30.

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    อ้ายเอ๊ย
    ฟังแต่เสียงฟ้าฮ้อง
    ยินสะออนใจอ่อนๆ
    ไหวหวี่วอนอ่อนอ้วยซ้วย
    คือสิม้วยว่าท่าวตาย
    คึดฮอดชายที่เคยซ้น
    ยามลมฝนฟ้าฮ้องฮ่วน
    หนาวหัวใจพะอวนน้อง
    กะคองอ้ายบ่ต่างกัน
    ....สั่นดอก

  3. #3
    เจ้าหน้าที่ประชาสัมพันธ์ สัญลักษณ์ของ วัฒนชัย หาริโร
    วันที่สมัคร
    Jan 2010
    กระทู้
    837
    หล่านางเอย...
    หากว่ายังหลูโตนฟ้า คืนมาสาแก้มอ่ำถ่ำ
    ให้ฝนฮำเปียกย้อย อยู่ทางบ้านถิ่นเฮา...เด้อนางน้อง

    มาแจมนำแน่ อิอิ มือใหม่หัดแต่งเอาชำนี้ละเนาะอายไทบ้าน

  4. #4
    ศึกษาหาความรู้ สัญลักษณ์ของ โก๋ดง
    วันที่สมัคร
    Mar 2010
    ที่อยู่
    หนองหาน
    กระทู้
    205
    [WMA]http://www.isan.clubs.chula.ac.th/song/padphai.mp3[/WMA]

  5. #5
    ร่วมถ่ายทอดความรู้สู่สังคม สัญลักษณ์ของ แป้งป๋อง
    วันที่สมัคร
    Sep 2006
    กระทู้
    953
    นึกว่าเพลงแมะ ว่าจิเข้ามาฟังเพลงซั่นดอก อิอิ

  6. #6
    Maximum learning
    ศิลปิน นักเขียน
    สัญลักษณ์ของ khonsurin
    วันที่สมัคร
    Apr 2008
    ที่อยู่
    ท่าตูม สุรินทร์
    กระทู้
    8,063
    บล็อก
    197
    ยามสินอนคนกอดมาลี่ลับ
    ไม่คืนกลับฮ้างฮักของเฮาสอง
    เคยได้แนบนิทรายามสินอน
    มื้อนี้หมอนที่นอนหนุนไม่อุ่นใจ
    ฮอยฮักเฮาสะบั้นลงเสียแล้วอ้ายเอย
    นางฮ่ำฮ้องเพ้อพร่ำไม่เห็นอ้าย
    มามื้อนี้นางอกอั่งใจ
    บ่มีอ้ายมานั่งเฝ้ายามนิทรา
    อ้ายเอ๋ย...อ้ายสิรู้บ่ว่านางหนาวสุดหนาว
    อุกใจร้าวระบมไปทั่วทีป
    มื้อนี้อ้ายมาเว้าวาจาน่าชวนหัวเด้ออ้าย
    กะอ้ายนั่นแหละฟ้าวหนีจากนางไกล
    เฮาเคยพร่ำเคยบอกฮักกันแม่นบ่อ้าย
    เถียงนาน้อยสองเฮาเคยฮ่วมหลบฝน
    เคยยิ้มเคยหัวน้ออ้ายน้อ
    เคยเว่าจาหยอกล้อกันสองคนเฮา
    มื้อที่บ่มีอ้ายซั่นแหล่วใจเอ๋ย
    น้องนั่งเหงานั่งฮ้องนั่งไฮ่
    อ้ออุกใจแท้อ้ายเอ๋ย อ้ายกะบ่สงสารนางน้อยบ้าง
    มื้อนี้อ้ายหวนกับคืน มาเว้าจาต่อว่า
    ว่านางปะถิ่ม คิดดูเด้ออ้ายว่าไผ่ถิ่มไผ่ ....น้ออ้ายน้อ
    *********************************


    อิสระ เสรี เสมอภาค




    *********************************

  7. #7
    ศึกษาหาความรู้
    วันที่สมัคร
    May 2010
    กระทู้
    23
    คิดฮอดกะอดเอาเด้ออ้าย ใหญ่แล้ว คนหลังยังคอย คิดฮอดคือกันล่ะ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •