หน้าที่ 1 จากทั้งหมด 5 หน้า 123 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 47

ดอกไม้ส่งนาง

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311

    ดอกไม้ส่งนาง

    ดอกไม้ส่งนาง


    ດອກຮັກຊ້ອນ ຊົມຊື່ນ ຂາວນວນ
    ดอกฮักซ้อน ซมซื่น ขาวนวล
    ຝາກພະອວນຈອມສີ ມິ່ງມະນີ ນາງນ້ອງ
    ฝากพะอวนจอมศรี มิ่งมณี นางน้อง
    ໄກຫົນຫ້ອງ ເຮົາສອງ ພໍໄດ້ຫຼ່ຳ
    ไกลหนห่อง เฮาสอง พอได้ฮ่ำ
    ຝາກເປັນຄຳກາບກ້ຽວ ຜະຫຽາກ້ອມ ສົ່ງມາ
    ฝากเป็นคำกาพย์เกี้ยว ผญาก้อม ส่งมา
    ຮອດເມື່ອຫນ້າ ຜະຫຼາບຸນ ໜຸນສົ່ງ
    ฮอดเมื่อหน่า ผลาบุญ หนุนส่ง
    ໄດ້ຫຼົບຂົງເຂດບ້ານ ພໍໄດ້ຕ້ານ ຮ່ຳຮອນ
    ได้หลบขงเขตบ้าน พอได้ต้าน ฮ่ำฮอน
    ດອກຮັກຊ້ອນ ສະອອນຊື່ ຄືຊາຽ
    ดอกฮักซ้อน สะออนซื่อ คือซาย
    ຮຽມຜູ້ຫມາຽສະເຫມີມັກ ຮັກແພງ ພຽງລົ້ນ
    เฮียมผู้หมาย เสมอมัก ฮักแพง เพียงล้น
    ໜີໄກສ້ນ ອົນລະຫົນ ວີຫວ່ອນ
    หนีไกลส่น อลละหล วีหว่อน
    ຝາກມາລາດອກຊ້ອນ ຕາງໜ້າ ໄດ້ຄຶດນຳ ພີ່ແຫຼວ
    ฝากมาลาดอกซ้อน ตางหน่า ได้คึดนำ..พี่แหลว
    แก้ไขครั้งสุดท้ายโดย pui.lab; 04-08-2010 at 11:14. เหตุผล: แก้รูปให้จ้า

  2. #2
    ผู้ช่วยผู้ใหญ่บ้านมหา สัญลักษณ์ของ nuzing
    วันที่สมัคร
    May 2007
    ที่อยู่
    ตกฟากอยู่อุบล เป็นคนชราบางแคแล้ว
    กระทู้
    2,550
    บล็อก
    5
    เข้ามาเบิ่งอ่านบ่ออกดอก...เข้ามาสอนอ่านใหม่เด้อจารย์ศรี

  3. #3
    อ้ายศรีครับ อ่านบ่ได้แหม๊ะ ...เอาใหม่เด้ออ้าย..

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ดอกฮักซ้อน ซมซื่น ขาวนวล
    ฝากพะอวนจอมศรี มิ่งมณี นางน้อง
    ไกลหนห่อง เฮาสอง พอได้ฮ่ำ
    ฝากเป็นคำกาพย์เกี้ยว ผญาก้อม ส่งมา
    ฮอดเมื่อหน่า ผลาบุญ หนุนส่ง
    ได้หลบขงเขตบ้าน พอได้ต้าน ฮ่ำฮอน
    ดอกฮักซ้อน สะออนซื่อ คือซาย
    เฮียมผู้หมาย เสมอมัก ฮักแพง เพียงล้น
    หนีไกลส่น อลละหล วีหว่อน
    ฝากมาลาดอกซ้อน ตางหน่า ได้คึดนำ..พี่แหลว

  5. #5
    แบ่งปันความรู้และประสบการณ์ สัญลักษณ์ของ หนุ่มเมืองภูเขาไฟ
    วันที่สมัคร
    Dec 2006
    กระทู้
    38

    เรื่องฮิตน่าอ่าน

    สุดยอดคือเก่าเน๊าะอ้าย :l-
    น้องผู้นี้ เป็นแฮงใจอยู่ตลอดเด้อครับ เป็นห่วงฮ้ายเสมอc06:

  6. #6
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    สุดยอดเลยครับอ้าย ผมแต่งบ่เป็นดอกครับ ผญานี่ แต่มักอ่าน

  7. #7
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,594
    กลับมาแล้ว ม่วนสมถ่าดนครับอาจารย์อ้ายศรี มักอ่าน คืิกันกับอ้ายต่วงเพิ่นว่านั่นหละครับ

  8. #8
    ฮับมาลาจากอ้าย
    หมายพะทัยได้ดึงจ่อง
    ผญาสนองจอบจั้น
    หมายหมั้นมิ่งเฮียง
    ดอกฮักเคียงกาบซ้อน
    ออนซอนแต่อ้ายบ่าว
    หลายวันคืนจ่องน้าว
    หนาวหน่วงห่วงพี่ชาย
    ....แท้น้อ

  9. #9
    ปรารถณาสิกล่าวต้าน
    ประสานเสียงเรียงคำกลอน
    ผญ๋าเป็นคำสอนพุทธรรมเป็นที่ตั้ง
    อันว่าในใจนี้ หวังคนดีให้ชี้แน่......
    คันแมนผิดให้ซอยแก้แลน้องผุใหญ่ลุน

  10. #10
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,311
    ดอกฮักซ้อน ซอนหง่า ป๋าใบ
    เป็นมาลัย สะออนสี แต่งดี ดาฮ้อย
    พวงงามส่อย เป็นยอย ยัวระยาต
    คล้องสุึบพาด ให้เจ้า คอน้อง นาดนาง
    พั้วดอกต้าง วางใส่เป็นปลาย
    อุบะบานงามหลาย ห่อยแซงแซมซ้อน
    ตาออนซอน มาลาล้ำ บ่หาคำมาปุนใส่
    พวงมาลาดอกไม้ คือสมเจ้าคู่กัน..แท้นา

    หมายเหตุ ซอน : แทรก / ดาฮ้อย : ร้อย ประดับประดา / สุบพาด : สวม พาดลง / ห่อย(ห้อย)แซง : เป็นพวงแขวน ห้อยอยู่ / ปุน : เปรียบ

    ฝากพวงมาลัยดอกไม้ ให้ผู้ทางเทิงนำเด้อ ฮ่า ๆ ๆ
    แก้ไขครั้งสุดท้ายโดย ศรีสะท้าน; 04-08-2010 at 22:11.


Tags for this Thread