พระเอกนางเอกของต่ายภาค 3

[ต่าย]

ยกข้ามกระทู้ภาค1 มาเด้อจ้า ย้านพี่น้องที่โดนพาดพิงบ่เห็นอิอิ

พระเอกนางเอกของต่ายภาค 3....

พี่น้องจ๋า..เวลาผ่านไปสองปีกว่าแล้วที่ต่ายมาอาศัยชายคาบ้านมหา..ได้รับเกียรติจากทีมงานให้เป็นประชาสัมพันธ์ผู้ดูแลบอร์ดกลอน..แต่กะบ่ค่อยได้ทำหน้าที่เต็มที่ปานใด๋จ้า..ต้องขออภัยหลายๆเด้อจ้า...2 ปีที่ผ่านไปต่ายได้ฮู้จักพี่น้องเพิ่มอีกหลายคนที่ทำให้ต่ายประทับใจ...นอกเหนือจากภาค 1และ2 ยกตัวอย่างเด้อจ้า...:l-
อ้ายพลคนเสียงหล่อ :
คงบ่ต้องมีคำบรรยายสำหรับอ้ายผู้มีอุดมการณ์ผู้นี้..เป็นพระเอกที่ฮักของทุกคนในบ้านมหา
ที่ต่ายประทับใจเพราะฮ้องเพลงโปรดของต่ายได้ไพเราะเพราะพริ้ง..ยิ่งฮู้ว่าเป็นทหารหาญของชาติต่ายกะเลยยิ่งป่วงนำ..
กรี๊ดดดดดดด:l-

พี่เล็กคนสุรินทร์:
นางเอกอีกคนของต่าย..คนอี้หยังมาขยันหาสาระให้พี่น้องบ้านมหาได้อ่านได้ฮู้กันซอดแจ้ง อิอิ..ขอชื่นชมในความมีน้ำใจและความน่าฮักของเอื้อยจ้า จุ๊บๆๆๆๆๆๆ

บ่าวจ้ำ : คนผู้นี้โรแมนติคสุดๆนอกจากเพิ้นสิร้อยเรียงภาษากลอนขั้นเทพโดนใจต่ายสุดๆแล้ว..เพิ้นยังเป็นพ่อครัวระดับอินเตอร์..ซึ่งเป็นคุณสมบัติที่สาวๆใฝฝันยกให้เป็นพระเอก กรี๊ดดดด อิอิ

สาวผุฮ้าย :
เอื้อยหน่อยเมรีขี้เมา แม่นคนเดียวกันบ้อน้อ..ต่ายแอบประทับใจเพิ้นตรงที่เพิ้นเป็นคนสนุกสนานเฮฮา..ถึงสิบ่ค่อยได้ทักทายกัน..แต่ต่ายฮู้ว่าเอื้อยเป็นคนมีน้ำใจ บ่ถือโต สู้ชีวิต..ทำอาหารเก่ง..พอฮู้ว่าเอื้อยกะจอบอ่านกลอนต่าย..ต่ายกะแฮงปลื้มยกให้เป็นนางเอกอีกคนเด้อจ้า..จุ๊บๆๆๆ

บ่าวกบินทร์/น้องหล่าวัฒน์ :
สองบ่าวนี่ยกให้เป็นพระเอกอีกคู่เพราะทักทายต่ายสม่ำเสมอ..บ่าวกบินทร์ขี้แซวส่วนน้องวัฒน์ขี้อ้อนเป็นที่ฮักของสาวๆบ้านมหาซูคน พะนะ....ต่ายประทับใจตรงที่เพิ้นเป็นคนสู้ชีวิตขยันทำงานจนว่าผู้สาวแล่นหนีจาก อิอิ..สู้ๆเด้อบ่าว..ความขยันสิทำให้พ้อหวานใจแน่นอน..ฟันธงจ้า :l-

สาวเมืองกะสิน :
เป็นนางเอกคนล่าสุดของต่าย..ประทับใจเพิ้นตรงที่เพิ้นมักสิมีสาระดีๆข้อคิดดีๆมาเว้าสู่กันฟัง..ให้กำลังใจพี่น้องด้วยคำเว้าที่อบอุ่นแฝงด้วยความเป็นมิตรและน่าอ่านเสมอ..ต่ายเป็นแฟนกระทู้เด้อจ้า จุ๊บๆๆๆ

บ่าวข้าวจี่ :
เป็นพระเอกคนล่าสุดของต่าย บ่เคยทักทายกันดอกจ้า..แต่ต่ายแอบประทับใจในความเป็นศิลปินของเพิ้น..ดูเพิ้นเป็นคนง่ายๆสมถะและเป็นนักปราชญ์นักดนตรีที่มีพรสวรรค์อยู่ในสายเลือด..ขอให้อยู่คู่บ้านมหาโดนๆเด้อจ้า...

อีกหลายคนเด้อจ้าที่ต่ายแอบประทับใจบ่ทันได้เว้าถึง..อยากบอกว่าพี่น้องบ้านมหาตาฮักซูคนจ้า...จุ๊ฟๆๆๆๆๆ:l-


Bump: อิอิ..( ยกยอดจากภาค 1 มาตอบเด้อจ้า)

อ้ายพลเจ้า.แม่นบ้อน้อยกให้เป็นนางเอก..ขออีกจั๊กเพลงเด้ออ้าย..ทหารบกพ่ายรัก พะนะ ชอบหลายยยย...

อ้ายต่วงจ้า....เป็นพระเอกซุ่มเงียบของต่ายจ้า..ตอนเข้าบ้านมหาแรกๆอ้ายกะคอยดูแลทักทายเสมอคือว่าสิสมัครเป็นศิษย์กลอนกะบ่ยอมส่งการบ้านจั๊กเทื้อ..หืยยยย

[บ่าวจ้ำ]

มีคนกรี๊ดจ้ำด้วยรึนี่

...............:l-....................

ซ่อยดึงขาไว้แหน่จ้ำสิลอยแล้ว

[กะเม็งสะเร็น]

ครูเล็ก ผู้ปิดทองหลังพระ หาสาระความรู้และความบันเทิง บทกลอน มาให้เสพสมได้มากมาย โดยไม่รู้จักเหน็ดเหนื่อย หากบ้านมหาขาดบุคคลท่านนี้ไป ในมุมวิทยาการ มุมความรู้ ก็คงลดเลือนจางหายไปมากมายทีเดียว ข้อกำหนด กฎเกณฑ์ ตลอดจน สาระความรู้คือเสาหลักและรากฐานที่จะพยุงบ้านหลังนี้ให้ดำรงค์อยู่ต่อไปได้ อยากให้คุณครูเล็ก ได้นำความรู้มาฝากพวกเราอ่านตลอดไปครับ

[วัฒนชัย หาริโร]

สำหรับน้องหล่าแล้วพี่สาวคนนี้กะเป็นนางเอกของน้องคือกันครับ
ทั้งเก่งทั่งน่ารักทำงานเพื่อส่วนรวมช่วยเหลือผู้อื่นมาตลอด
น้องกะเลยเอาเอื้อยเป็ยตัวอย่างครับ ฮักเอื้อยเด้อๆๆๆๆๆๆๆๆๆๆๆๆๆๆ

[pui.lab]

ป๊าดดดดดน้องต่ายยยยย พระเอกมาคือหลายแท้ะ อิ อิ

พี่ปุ้ยมีคนเดียวแข่นๆๆ หาไผมาล้มแชมป์ก็บ่มีไผแทนได้ :l-

[บ่าวข้าวจี่]

เกิดได้ใหญ่มา..หัวตะมีคนมาเปรียบเป็นพระเอก..พะนะ..โอ้ว..ปลื้มครับ..น้องต่าย..แต่กะบ่หลงตัวเองดอกครับเป็นจังได๋กะสิเป็นคือเก่าครับน้องหล่า..สิเฮ็ดให้ดีให้มีข้อบกพร่องน้อยที่สุด..ครับ..เว้าถึงในใจอ้ายกะมีพระเอกนางเอกเต็มอะยะอยู่เด้ละในบ้านมหานี้ครับ..มื้อหน้าสิมาแฉคือกันครับ..อิอิ

[อาวอ้วนเมืองยศ]

พระเอกนางเอกผมแฮงสิหลายตั่วคะซั่น เบิดทั้งบ้านมหานี่หละ พระเอกนางเอกของผม แต่ลถคนกะมีดีคนละอย่าง คนๆ ผสมกันกะเลยมีทั้งความม่วนซื่น เนื้อหาสาระ สุนทรียะ กะพองนั้น ด้านรสชาดเผ็ดเปรี้ยวหวาน บ่มีขาดหยังจักอย่างครับ

[pcalibration]

***อ้างถึง
ครูเล็ก ผู้ปิดทองหลังพระ หาสาระความรู้และความบันเทิง บทกลอน มาให้เสพสมได้มากมาย โดยไม่รู้จักเหน็ดเหนื่อย หากบ้านมหาขาดบุคคลท่านนี้ไป ในมุมวิทยาการ มุมความรู้ ก็คงลดเลือนจางหายไปมากมายทีเดียว ข้อกำหนด กฎเกณฑ์ ตลอดจน สาระความรู้คือเสาหลักและรากฐานที่จะพยุงบ้านหลังนี้ให้ดำรงค์อยู่ต่อไปได้ อยากให้คุณครูเล็ก ได้นำความรู้มาฝากพวกเราอ่านตลอดไปครับ

สำหรับครูเล็กผมเคยให้สมญานาม"ครูเล็กคนขยันหมั่นอินเทรนด์เขี่ยวเข็ญเด็กน้อย"

[สาวเมืองกะสิน]

หะหะ เอ๋าต่าย อิอิ เห็นหัวข้อที่ต่ายเขียน ฟ้าวเข้ามาอ่าน นึกว่าต่ายมีเรื่องเล่าดีๆ ของนางฟ้าชุดขาวกับคุณหมอใจดี มาเล่าสู่ฟังอีกแหมะจ้า

อิอิ เขินจังเลยจ้าต่าย พออ่านลงๆๆมาเรื่อยๆ จังเห็นชื่อจะของ เป็นนางเอกคนล่าสุดของต่ายว่าซั่น
โอ๊ยๆๆๆ ขอบคุณต่ายๆหลายจ้า ที่ให้เกียรติได้เป็นนางเอกของนางฟ้าชุดขาว ดีใจจ้า ที่ต่ายมองเห็นสิ่งที่ต่ายสะท้อนออกมา อยากบอกต่ายว่าบ่ต่างกันเลยจ้า สำหรับความรู้สึกที่มีต่อต่าย ต่ายกะเป็นนางนางเอก ในใจสาวเมืองกะสินคือกันจ้า ภาพของนางฟ้าสีขาว ใจดี งดงาม อยู่ในใจเสมอเด้อจ้า ชื่นชมงานที่ต่ายทำ ชื่นชมหัวใจที่เสียสละของต่ายจ้า น้อยคนที่จะทำได้ทั้งกายใจแบบต่ายจ้า เป็นกำลังใจให้ต่ายเสมอจ้า แล้วกะเป็นแฟนคลับกระทู้ของต่ายคือกันจ้า จุฟฟฟฟฟ

แล้วเห็นด้วยกับต่ายเด้อจ้า พระเอกนางเอกของต่ายน่ะ แต่ละคนเด็ดๆทั้งนั้นจ้า คุณครูเล็ก อ้ายพล บ่าวจ้ำ น้องวัฒน์ สาวผู้ฮ้าย บ่าวกบินทร์ อ้ายบ่าวข้าวจี่(ต่ายเห็นคือกันเลยจ้า ว่าเพิ่นเป็นนักปราชญ์ สมถะ เป็นศิลปินบ้านเฮาขนานแท้ น่านับถือจ้า ) ขอแถมพี่ปุ้ยไปนำคนหนึ่งเด้อจ้า สาวมั่นบ้านมหาฯเฮาจ้า

[pui.lab]

ขอแถมพี่ปุ้ยไปนำคนหนึ่งเด้อจ้า สาวมั่นบ้านมหาฯเฮาจ้า
:l-

แม่นบ่อน้อน้อง เอื้อยบ่แน่ใจจะของ ซงๆไปทางนางมารร้าย