เมนูควบคุมน้ำหนัก...ของแม่ครัวฝึกหัด

[สาวทองแพง]

สวัสดีจ้าพี่น้อง ช่วงนี้แม่ครัวฝึกหัดบ่ค่อยได้เฮ็ดอาหารปานได๋จ้า
เนื่องจาก บ่ค่อยได้ดูแลสุขภาพ และร่างกายตัวเองเท่าที่ควร ผลออกมาอวบระยะสุดท้ายเลยจ้า
เลยต้องออกกำลังกาย ลดอาหารลง เมนูจะออกแบบมีไขมันน้อยลง

นึ่งปลา นึ่งผัก แจ่วกระเทียม ตำมาคือไปซั่นละจ้า
บ่ได้จ้ำปานได๋ดอกจ้า ย้านออกฮ้อนท้อง สิหิวข้าวยามเดิกจ้า

แกงเพื่อสุขภาพ พะนะจ้า รสชาติจะออกคือแกงเลียงจ้า

สูตรของแกง
1.เครื่องแกง( พริกไท กระเทียม หอมแดง ตำรวมกันให้ละเอียด)
2.เห็ดแชมปิญอง หรือเห็ดอื่นก็ได้จ้า+หอมใหญ่หั่น+ฟักทองอ่อน
3.เอาน้ำเปล่า1แก้วใส่หม้อ เครื่องแกง ต้มให้เดือด
4.แล้วเอาเห็ด หอมใหญ่ ฟักทองอ่อนใส่ลงไป พอสุก ปรุงรสด้วยเกลือ ชิมรสชาติดูอีกครั้ง
5.พอได้รสชาติที่ถูกใจแล้ว ปิดไฟ ยกหม้อลง ตักใส่ถ้วยเสิร์ฟพร้อมข้าวสวยร้อนได้เลยจ้า

หน้าตาของเห็ดแชมปิญอง (ขอบคุณภาพจากอินเตอร์เน็ตจ้า) สรรพคุณมากมายจ้า

ขอบคุณสำหรับพิ้นที่และทุกกำลังใจที่แวะมาเยี่ยมชมจ้า

[ข้าวปาด]

เมนูง่ายๆๆแต่แซ่บคักแพง แต่พี่คือสิบ่ลดแล้วละหุ่น มันบ่ลงแล้วละปานนี้แล้ว ฮ่าๆๆๆกินซะซายยังวา นึ่งปลา แจ่ว ลวกผัก ของโปรดดดด

[บักขามป้อม]

เป็นตาแซบจ้าแพง สำหรับเมนูแบบนี้ เอาเข้าแท้ๆ แล้วกะแนวกินบ้านเฮานี่ล่ะเนาะ ตำแจ่ว ลวกผัก นึ่งปลา แกงเห็ด แกงอ่อม ที่บ่มีไขมัน แล้วกะลดอวบได้ดีขนาด แต่เป็นหยังดอก ยามมื้อใด๋มีแจ่ว ปรากฎว่ากินข้าวได้หลายขึ้นอีกล่ะ 5555 เครียดดดด

[เซียงเหมี่ยงเมืองสุรินทร์]

แวะมาเลาะกินรอบดึกเป็นหมู่น้องแพงครับ...

[ลาวดีน้อย]

ว่าสิลด อาหาร แต่เจ้าของกลับต้องมากินหลายกว่าเก่า เศร้าเด้ 555 งึดเจ้าของ

[สาวทองแพง]

ป่นปลา+ผักนึ่ง+ถั่วฝักยาว


แกงปลาใส่เห็ด บักอึอ่อน(ฟักทองอ่อน) ต้นหอม

ป่นเห็ด+ถั่วฝักยาว +ปลาสลิดย่าง

ปลาทูย่าง+แจ่วบอง+ผักสลัด

กินอาหารน้อยลง ลดอาหารที่มีไขมันมากๆลง เข้าฟิตเนสออกกำลังกาย+เล่นโยคะ
น้ำหนักลดลงไป1 1/2ก.กแล้วจ้า พุงกะยุบไปหน่อยหนึ่ง :1-
มาเด้อจ้าพี่น้องมาดูแลสุขภาพนำกันจ้า อย่าออกกำลังกายเพื่อลดน้ำหนัก
แต่จงออกเพื่อสุขภาพแล้วน้ำหนักส่วนเกินจะหายไปเอง
ถ้าออกเพื่อลดน้ำหนักมันจะทำให้ท้อจ้า

ถึงน้องลาวน้อย +ขามป้อม
ต้องบังคับโตเองเอาจ้า แพงแต่ก่อนกะกินหลายจ้า
ตอนนี้อิ่มบ่อิ่มก็ต้องหยุดกินจ้า หรือกินผักแทนหลายๆ
แพงบ่งดกินข้าวแลงจ้า เพราะมันจะทำให้เฮาหิวแล้วจะยิ่งกินหลายกว่าเก่า
ขนม ช๊อคโกแลต ก็กินเหมือนเดิม แต่น้อยลง แต่จะกินผลไม้มากขึ้นแทนจ้า

[ลาวดีน้อย]

ขอบคุณหลายๆค่ะ พี่แพง น้องสิพยายามจ้า บังคับเจ้าของให้ได้อิอิอิ ย้านอ้วนๆๆอิอิ

[บ่าวอิง]

มีแต่ปลากับปลาลดได่แน่นอน คับ ผมลองมาแล้ว กินแต่นึ่งปลา ปิ้งปลา จนเบื่อไปข้างหนึ่งเลยทีเดียว

[sompoi]

โอ้วว ตอนนี้เอื้อยกำลังแฮปปี้กับการกินมั่กๆคือกันเลย ขอบอกๆน้องแพง ฮ่าๆๆ แซบบสุอย่างเลยจ้า ของกินบ้านเฮา เอาไว่กลับไปก่อนเด้อจ้า เมนูพวกนี้ได่ใช้งานแน่ๆ ขอบใจหลายๆน้องหล้า อุอุอุ

[สาวทองแพง]

อาทิตย์นี้มีแต่เมนูตำและตำ แล้วก็ตำจ้า ฮ่าๆๆ
ถ่าบ่ฟ้าวกิน บักหุ่ง(มะละกอ)สิเน่านิจากจ้า

อ่อมไก่+ข้าวเหนียว กินอยู่5คาบ(มื้อ)ละคือจ้า 555

ตำไท

ตำปูปลาร้า+ข้าวปุ้น+กากหมู กินจนสิได้คลานจ้า 555

ตำซั่ว ตำมั่ว

ตำปูม้า

ตำปลาร้า ใส่บักกอกนำ

ไก่ย่าง+แจ่วพริกหยวก+ผักกาดฮิ่น ถั่วฝักยาว ยอดบักอึ(ยอดฝักทอง)ลวก

กินตะผักจนใส่เขียวเมิดละพี่น้อง