แชวสาวหญ้านาง

[วัฒนชัย หาริโร]

หญ้านางน้องมีคนจองแล้วไป่ คนผุไคคือเจ้ามีคนเฝ้าแล้วบ่น้อ

ชาตินี้มาพบพ้อได้คึดต่อทางหัวใจ หรือว่ามีคนไคมาดึงใจแล้วบ้อเจ้า คนตาเหงาคืออ้าย มีความหมายบ้าง

แหน่บ่ หรือแค่เพียงพบพ้อ ทางใจนั้นแม่นห่างไกล คนสิได้อยู่ใกล้ ทางหัวใจใช่หรือเปล่า หรือจั่งลมพัด

พร้าว ผ่านแล้วกะอยู่เฉย ยามได๋เห็นยิ้มเป้ย บอกใช่เลยทางใจสั่ง เป็นความหวังให้อ้าย พอได้อยู่ต่อไป.....

บ่มีผุสิแชวแล้ว แชวกันเองนิละเนาะหญ้านาง ชิมิ ชิมิ

[หญ้านาง]

มาส่างแซวกันแท้น้อจ้า อิอิ เข้าใจแซวเนาะ

[บ่าวข้าวจี่]

แซวเล่นๆ....เดี๋ยวจิเป็นอิหลีเด้..หล่า...ฮ่า

[หญ้านาง]

อ้ายวัฒน์เอ๊ย...
ผัดแต่เป็นกอแก้ว
แนวเครือบ่เกี้ยวก่อง
ผัดแต่เป็นหญ้านางน้อง
เครือสิข้องกะบ่มี
ย้านแต่คนคืออ้าย
หลายทางสิเที่ยวท่อง
ไซยุหนองหลายทางเข้า
ปลาสิเว้าว่าป่วงวิน.......... เด้จ้า

[พล พระยาแล]

โอ้น้อน้องเอ้ย ผักกะเดากินกับหยังกะแซบว่าแต่ลวกเด้อน้องหล่า อิอิ

[ทิดจ่อย]

อะป้าด!ๆๆๆๆ เบิ๊ดหม่องไปแล้วบ้อวัฒน์ ส่างหันมาแซวกันเองแล้วบาดนี้
เอ้า ว่าไปว่าไปเดี่ยวสิจอบอ่านดอก5555

[บ่าวข้าวจี่]

..งึดบ่าววัฒน์ชายหล่า งึดซางมากล้าเว้า..
งึด.หญ้านางน้องสาว..เทียวจาเว้าบ่ขัดเขิน
งึด..งึด..งึด อ้ายพล..งึดจักด้นหยังมาเว้า
งึด..แต่ผักกะเดา..ซางมาเว้าให้เกี่ยวกัน..แท้บาดนิ.ฮ่าๆๆ

[วัฒนชัย หาริโร]

ย้านแต่ทางสาวเจ้า มีคนเนาบ่ได้ห่าง

หลอกให้ย่างเข้าใกล้ แล้วหนีถิ่มบ่หัด

จากคืนวันมาหลายมื้อ ย้านบ่คือเว้ามาก่อน

หยอกแล้วบ่ได้ซ้อน ตั๋วให้อ้ายอ่อนใจ....ชั่นแหลว หญ้านางเอย

[หนอนชาเขียวโออิชิ]

บูยๆๆๆน้องข้อยแซวสาว
เอาใจซ่อยเด้อน้อง ขอให้สมหวังกับไผจักคน
อย่าไปตั๋วขะเจ้าเด้อล่ะ

[หญ้านาง]

อ้ายวัฒน์เอ๊ย...
คำสัจจาที่นางเว้า
บ่เคยเนาว์สนมล่ม
บ่คือตมสนมจื้น
บ่ตั๋วลื่นหมื่นทะลาย
ย้านแต่ทางโตอ้าย
สิมาหมายแถลงเปล่า
ย้านแต่ทางโตเจ้า
สิมาเว้าให้คึดนำ...แท้น้อจ้า