เลาะภูหาเบิ่งขาวๆอวบๆ

[ชัย หมอแคน]

ว่างเว้นจากประชุมสภาฯกับป้านคันแทนา (ซงเวียกหลายเนาะ อบต.555) ช่วงนี้ฝนทางอีสานบ้านเฮากะตกได้ตกดี คับ อันได๋บ่เคยเกิดกะเกิด อันได๋บ่เคยป่งกะป่งงามดีคับ ยกเว้นดอกเบี้ยป่งหลายบ่ดีป่านได๋ อิอิ แนวอยู่แนวกินบ้านเฮาช่วงนี้บ่อึด มื้อนี่(30ก.ค)วันหยุด กะเลยชวนหลานขึ้นภูพานคำใกล้บ้าน หาเบิ่งแนวขาวๆอวบๆ นี่กำลังเว้าถึงเห็ดคับเห็ด
"ระโงก"ขาวๆอวบๆ แกงซดน้ำแซบๆ มาคับไปนำกัน

ผู้นี่กำลังดิพ้นดิน สาวน้อยกำลังส่อนขึ้นมา

ผู้นี่สาววัยรุ่น กำลังแรกแย้ม ว่างั้นเถอะ

ผู้นี่เป็นสาวเต็มโตแล้วคับ กำลัง(แกง)หวาน


ผู้นี่ น้องนางบ่ยอมห่างแม่

ผู้นี่ค้างโคก แต่ดีดีกะพอได้อยู่

ผู้นี่สาววัยขบเผาะ (เห็ดเผาะ)แกงใส่น้ำเอ๊าะเจ๊าะ..

Bump:

[บ่าวห้วยละโอง]

เป้นตาม่วนน้อคับ ไปเลาะเก็บเห็ดนี่ เห้นเห้ดเผาะกะคิดพ้อตอนเด็กน้อย เก็บเอาไนหมากตูมกาว่าตะเห็ดเผาะ

[ผู้บ่าวเปงจาน]

ซำบายดี...55555..นึกว่าหน่อนางดินแหมขาวๆอวบๆคมๆ

[ชัย หมอแคน]

มาเซามีแฮง เอาน้ำส่วยคิงดับเอ้า(ฮ้อน) ก่อนคับ

เย็นดีแล้ว ปะ ย่างชมสาว โอ๊ะชมสวนเห็ด ต่อ....

สองสาวนี่ ขี้อาย หลบอยู่ใต้ฮ่มไม้(เห็ดเผิ่งขม)

หมู่นี่เด็กน้อยนักเรียน เล่นดินพึ่งมาฮอด.. บายแฮงเป็นเรื่อง บ่แม่นติดคุก แต่"มุ่น"55(เห็ดปลวกน้อย)

สาวแดง มีทุกบ้าน โอ๊ะทุกป่า (เห็ดก่อแดง)

ดอกไม้ป่า ฝากสาวๆคับ

อันนี้สุดท้ายของฝากพ่อบ้านทั้งหลายคับ "โด่ฯ" ตอนนี้น้อยอยู่เลยยังบ่ทันโด่ ดีจั่งได๋ หาอ่านเอาในบ้านมหาฯเฮานี่ละคับ เคยมีผู้โพสต์ไว้อยู่ สำหรับมื้อนี่ เลาะภูเมื่อยแล้ว กลับบ้านกินแกงเห็ดแซบๆก่อน หวัดดีคับผม

[อ้ายเขียว]

แกงแซบ..แซบ..มาสู่พี่น้องบ้านเฮากินนำแนครับอ้าย

[thedon]

โอ๋ย...นึกว่าท่าน อบต จะพาหาเลาะเบิ่งพะสาวซั่นดอก อิอิๆ บาดได๋แท้มาเลาะเบิ่งเห็ด เทิงขาว เทิงขายาว เทิงแก้มแดงอ่องต่อง เป็นตาแกงแซบคักเนาะทั่น เอิ๊กๆๆ

[หนุ่มเมืองกาญจน์]

โดดมาเลยข่อย หล่ะว่าแม่นกกขาขาว บัดได๋แท้แม่นเห็ดระโงก ซดน้ำโก๊กๆดอกตูมดอกปานตั๊วนี่ บ่ได้ซดแกงเห็ดระโงกมาหลายปีแล้ว ใส่ผักติ้วส้มอ่ำล่ำ เว่าแล้วอยากเมือบ้านหาเก็บเห็ดเด้....แต่บ่เงินค่ารถพ่ะน่ะ

[khonsurin]

ได้ยินชื่อคิดว่าคงจะคักๆๆ น้อ

พอมาเบิ่งรูปแล้ว บ่ แม่นแหล่ว

แต่เห็ดแถวท่าตูม ทางนี้หลายคักช่วงนี้เลยละค่ะ
สารพัดเห็ด แต่ชอบเห็ดแดงมากที่สุด ใส่ส้มผักติ้ว โอ๊ยอร่อยเหาะไปเลยจ้า

[pui.lab]

เป็นตาสะออนบ้านมูเด้ หน้าฝนก็ไปเก็บเห็ด มูเอ๊ยส่งมาทางแคลิฟอรเนียแน๊ คึ คึ

[ไม่สวยแต่เร้าใจ]

จะแมนเข้าใจเปรียบเทียบเนาะ สาวส่ำน้อย สาวส่ำใหญ่ พะนะ