กำลังแสดงผล 1 ถึง 6 จากทั้งหมด 6

หัวข้อ: จากเพลง งิ้วต่องต้อนอ้อนผู้บ่าว มีหลายคำ ที่สงสัย

  1. #1
    แบ่งปันความรู้และประสบการณ์ สัญลักษณ์ของ บักหล่าลูกกก
    วันที่สมัคร
    Oct 2008
    กระทู้
    158

    จากเพลง งิ้วต่องต้อนอ้อนผู้บ่าว มีหลายคำ ที่สงสัย

    .........โอ้ย... อ้ายเอ้ย... สาวหมอลำคือน้อง นี้หมายปองแต่คุณพี่... บ่าวผู้ดี... ของน้องนี้เอ้ย... เฮ็ดจั่งได๋น้อพี่... สิได้พั่วดอกซ้อน ไปต้อนอีแม่นาง

    ต่างหลาง ยามย่าง นวยนาย... น้องอยากจูงแขนอ้าย ไปซอน ซ้อนเสื่อ.. เบิ่งเด้..เด้.. ละแม่นได้ อ้ายผู้เท่ห์... (ซ้ำ) ถึงไผสิเหล่ กะสิบ่ซา กะจั่งว่างิ้ว

    งอยหง่า.. บักตูมกา.. ห้อยต่องแต่ง

    (ลำ) ...งิ้วต่องต้อน ละแขนอยู่แป๋ะปาย...(ซ้ำ) ลมพัดสีนวยนาย พัดใบ ใบตองงิ้ว ตองงิ้ว ตองงิ้ว.. ว่า... นั่นเด้อ... ว่า นั้นเด้อ เจ้าผูแพงสีสิ่ว

    แพง สีส่อยนางอยากสน สายนอย... สายแนน ละเจ้าผู้แก้มแป่นแว่น ๆ ๆ ชั้นแล้วพี่ชายเอ้ย.. แม่นได้ร่วมแผ่นแป้น แสนชื่นให้หมื่นทวี ๆ คนเท่ห์ ๆ

    จั่งพี่ มีราษีไสลเอ๋ย...

    (เพลง) หวานใจเอยใครเอ๋ยเป็นแฟนของพี่ แม้นว่ายังไม่มี น้องนี่ขอจอง จะขัดข้อง ไหมเอย สองเราต่างพึ่งเห็นกัน มาเชื่อมสัมพันธ์กันจะดีไหม

    เอ่ย ยุคไฮเทคอย่าเก็กอยู่เลย มัวเฉยเตยเวย เดี๋ยวไผก็เต้ยไปซ้อน...

    (ลำ) ...งิ้ว...ต่องต้อน ละแขนอยู่แป๋ะปาย (ซ้ำ) นางกะนอนเดียวดาย บ่มี ไผซ้อน ๆ ... ว่า... นั้นเด้อ... ว่านั้นเด้อ ละนางอยากหยับ สวนหม่อน ๆ ...

    มาติด สวนมอน ๆ ของอ้าย จักหว่าง ๆ ๆ ... ชั้นแล้วคีงบางเอย เอ้ยเจ้าผู้พั่วดอกต้าง สนน้องแหน่ทะแม้ ๆ ละเห็นแก่ หน้าน้องแหน่ พ่อสีแพรเอ้ยใส่
    เอียน

    สีแพร,ราษีไสล,สายนอย,สายแนน พวกนี่แหมครับ มันแปลว่าหยัง

  2. #2
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8

    ลิขสิทธิ์บน YouTube Credit By : https://www.youtube.com/watch?v=TRynOwd8vC0

    เป็นการใช้คำที่สละ สลวยเนาะจ้า ไก่น้อยกะมีอยู่ไทยดน ฮ่าๆๆๆ ฝากอ้ายบ่าวเมืองกาญจน์ อ้ายศรี มาอธิบายคำหละกันเนาะจ้า
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  3. #3
    ดูแลตรวจสอบเนื้อหา สัญลักษณ์ของ หนุ่มเมืองกาญจน์
    วันที่สมัคร
    Dec 2007
    กระทู้
    565
    คำบางคำอาจสิบ่มีความหมายดอกครับ แต่อาจารย์ผู้แต่งกลอนลำเพิ่นแต่ง เพื่อให้มันคล้องจองกันให้มันไพเราะ และได้จังหว่ะ
    สาวหมอลำคือน้อง นี้หมายปองแต่คุณพี่... บ่าวผู้ดี... ของน้องนี้เอ้ย... เฮ็ดจั่งได๋น้อพี่... สิได้พั่วดอกซ้อน ไปต้อนอีแม่นาง
    น้องนี่เป็นสาวหมอลำ แอบมองแอบชอบพี่อยู่ ทำอย่างไรน้อจะได้พี่นี้ไปฝากแม่ของน้อง
    ต่างหลาง ยามย่าง นวยนาย... น้องอยากจูงแขนอ้าย ไปซอน ซ้อนเสื่อ.. เบิ่งเด้..เด้.. ละแม่นได้ อ้ายผู้เท่ห์... (ซ้ำ) ถึงไผสิเหล่ กะสิบ่ซา
    ยามพี่เดินนวยนาด บั้นท้ายช่างบิดสะบัด น้องอยากพาพี่ไปนอนกอด สักครั้ง คุณพี่ผู้รูปหล่อ ใครจะว่ายังงัย มองยังงัยก็ช่าง เดี๊ยนไม่แคร์
    งิ้วต่องต้อน ละแขนอยู่แป๋ะปาย...(ซ้ำ) ลมพัดสีนวยนาย พัดใบ ใบตองงิ้ว ตองงิ้ว ตองงิ้ว.. ว่า... นั่นเด้อ... ว่า นั้นเด้อ เจ้าผูแพงสีสิ่วแพง สีส่อยนางอยากสน สายนอย... สายแนน ละเจ้าผู้แก้มแป่นแว่น ๆ ๆ ชั้นแล้วพี่ชายเอ้ย.. แม่นได้ร่วมแผ่นแป้น แสนชื่นให้หมื่นทวี ๆ คนเท่ห์ ๆ จั่งพี่ มีราษีไสลเอ๋ย...
    ดอกงิ้ว ที่อยู่ยอดต้นงิ้ว ลมพัดเอื่อยๆพัดใบงิ้วช่างสวยงาม ดอกงิ้วสีส้ม เห็นแล้วน้องอยากเอามาร้อยเป็นพวง พี่ชายเอ๋ย หากได้นอนร่วมเตียงกับพี่ น้องคงจะสุขสมชื่นอุรา คนโก้อย่างพี่นี่ ช่างมีสง่าราศรีซะเหลื่อเกิน
    หวานใจเอยใครเอ๋ยเป็นแฟนของพี่ แม้นว่ายังไม่มี น้องนี่ขอจอง จะขัดข้อง ไหมเอย สองเราต่างพึ่งเห็นกัน มาเชื่อมสัมพันธ์กันจะดีไหมเอ่ย ยุคไฮเทคอย่าเก็กอยู่เลย มัวเฉยเตยเวย เดี๋ยวไผก็เต้ยไปซ้อน
    รูปหล่อ พี่มีแฟนหรือยัง หากว่ายังไม่มี น้องขอจองได้ไหม หากว่าเราสองคนใจตรงกัน มารักกันดีมั้ย ยุคนี้อย่ามัวเก็กนะตัวเอง เดี๋ยวสุนัขจะคาบไปรับทานนะจะบอกให้
    งิ้ว...ต่องต้อน ละแขนอยู่แป๋ะปาย (ซ้ำ) นางกะนอนเดียวดาย บ่มี ไผซ้อน ๆ ... ว่า... นั้นเด้อ... ว่านั้นเด้อ ละนางอยากหยับ สวนหม่อน ๆ ... มาติด สวนมอน ๆ ของอ้าย จักหว่าง ๆ ๆ ... ชั้นแล้วคีงบางเอย เอ้ยเจ้าผู้พั่วดอกต้าง สนน้องแหน่ทะแม้ ๆ ละเห็นแก่ หน้าน้องแหน่ พ่อสีแพรเอ้ยใส่เอียน
    พี่เอ๋ย น้องนี่นองเหงาอยู่คนเดียว ไม่มีใครเลย ว่าแล้วน้องอยากจะพาตัวน้องนี่ไปเคียงข้างพี่เลยซะบัดเดี๋ยวนี้ พ่อรูปหล่อตัวบาง สนใจน้องหน่อยนะ อย่าให้น้องเสียหน้าเด้อ พ่อรูปหล่อ

    แปลได้ซ่ำนี่หล่ะเด้อครับ เป็นความเห็นส่วนตัวเด้อครับ ขอกราบอภัยอาจารย์ผู้แต่งกลอนลำหากแปลบ่ถืก

    ปล. งิ้ว หรือดอกงิ้ว ในที่นี่ น่าจะเป็นดอกงิ้วผาเนาะครับ บ่แม่นงิ้วที่เอาหมากมันมายัดหมอน สังเกตุจากดอกงิ้วสีส้ม(สีสิ่ว)
    แก้ไขครั้งสุดท้ายโดย หนุ่มเมืองกาญจน์; 16-07-2010 at 18:39.

  4. #4
    Super Moderator สัญลักษณ์ของ ไก่น้อย
    วันที่สมัคร
    Aug 2006
    ที่อยู่
    นครโคราช
    กระทู้
    4,928
    บล็อก
    8
    ฮ่าๆๆๆ ให้หัวดังๆสะเถอะ ผู้แปลกะดาย ฮิ้ววววววว
    กระเบื้องจะฟูลอย น้ำเต้าน้อยจะถอยจม เมฆจะหล่นฟ้าปลาจะกินดาว ลาวจะครองเมือง ::)

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    อ้างถึง : ปล. งิ้ว หรือดอกงิ้ว ในที่นี่ น่าจะเป็นดอกงิ้วผาเนาะครับ บ่แม่นงิ้วที่เอาหมากมันมายัดหมอน สังเกตุจากดอกงิ้วสีส้ม(สีสิ่ว)

    โอ๊ย...ผู้แปลกะดาย งิ้ว กะคือหมากนุ่น ภาษากลางนั้นหละ สีสิ่ว มันบ่แม่น สีส้มเด้อาว สีสิ่ว คือ สีเขียว
    -ต่องต้อน แปลว่า ต่องแต่ง (ลักษณะการเคลื่อนไหวของวัตถุ/สิ่งของที่ห้อยแขวนอยู่) งิ้วต่องต้อน : นุ่นต่องแต่ง
    -สายแนน คือ สายสัมพันธ์แต่ปางก่อน(บุพเพสันนิวาส) ส่วน สายนอย ชื่อน้องเมีย หนุ่มเมืองกาญจ์ดอกนั้น อิ อิ อิ ให้คล้องจองกับสายแนน ซื่อๆดอก
    -ราษีไศล ชื่ออำเภอหนึ่งของ จ.ศรีสะเกษ นี้กะให้ค่องกันไปซั้นตั๊วะ
    -ดอกต้าง เป็นพืชอาศัยต้นไม้ใหญ่แบบกล้วยไม้นั้นหละ (บ้านไก่น้อยแฮ่งหลาย)
    -สีแพร เป็นการเปรียบเทียบว่า เป็นคนผู้ดีผู้งาม มีสีสรร คือผ้าแพรนั้นหละ
    -สีส่อย เทียบได้กับภาษาไทยว่า งามระย้า คืองามย้อย นั้นหละ
    แก้ไขครั้งสุดท้ายโดย ศรีสะท้าน; 04-08-2010 at 14:01.
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    ดูแลตรวจสอบเนื้อหา สัญลักษณ์ของ หนุ่มเมืองกาญจน์
    วันที่สมัคร
    Dec 2007
    กระทู้
    565
    ขอบคุณครับอ้ายศรี ฯ มาซ่อยกู้ระเบิด โอ๊ะกู้หน้าน้อง เสียไปไสโดนแท่ ฮู้บ่อว่าคึดฮอด อันมาซ่างฮู้น้อว่า น้องเมียกระผมซื่อสายนอย หึย...

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •