หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 29

ฮ่วย มันเป็นจั่งใด๋หือ

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941

    พบปะพูดคุย ฮ่วย มันเป็นจั่งใด๋หือ


    มีคนมาจ่มให้ข่อยฟังว่า ซูมื่อนี่มันเป็นจั่งใด๋บุ เข้ามาในบ้านมหา บางมื่อกะม่วน บางมื่อกะบ่ม่วน ฮ่วย คือขายของล่ะเนาะ ถ้าขายได้ซูมื่อกะรวยตายซันล่ะบ่มีหม่องเมี่ยนดอกเงิน หาเว่า บางคนกะบอกว่าบ่มีเวลา บางคนกะบอกว่าคนที่บ้านห้ามเล่นพะนะ บ่แมนเจ้ามีพฤติกรรมที่บ่น่าไว้วางใจ หรือว่ามีกิ๊กตี๊ ฮ่า ๆ ๆ

    เคล็ดลับของการเล่นเว็บบ้านมหาให้สนุกคือ ก่อนที่สิเข้ามาเล่นให้เข้ามาในเวลาว่าง ๆ เข้ามาในอารมณ์ที่อยากสิเล่น อย่าเข้ามาขณะที่จิตใจบ่พร้อม หรือมีความขุ่นเคือง เพราะสิเห็นหยังกะสิขวางหูขวางตาไปเบิ๊ด บางคนสุนหลายเตะฮอดหมา ซางบ่เตะพ้อหมาบ้าแนเนาะ

    บางคนเข้ามาเล่นเฮ็ดให้ไปเฮ็ดงานสวย และในขณะเฮ็ดงาน เสียการเสียงานเบิ๊ด โดนเจ้านายด่า เจ้านายห้ามเล่นพะนะ อันนี้ช่วยบ่ได้เด้อ โปรดใช้วิจารณญาณเอาเองโลด

    มีคนจ่มว่าเข้ามาเล่นแชตหม้อนึ่งไหม้ไปหลายอันแล้วพะนะ อันนี้คือสิแมนอยู่ดอก อยู่บ้านข่อยกะไหม้ไปหลายอันอยู่ สิด่าคนอยู่บ้านกะบ่ถนัดปาก เพราะเจ้าของกะเล่นคือกัน ฮ่า ๆ ๆ บางเทือยาดคอมกัน งอนกันบ่เว่ากันสามสี่มื่อกะมี

    แต่ก่อนเวลาข่อยออกจากบ้าน เลาเป็นห่วงเป็นใย โทรถามวาซ่าน ตอนนี้สิมีไผมาซวนข่อยออกจากบ้านน้อพะนะเลาว่า เลาสิได้แชตได้จกเอ็มกับกิ๊กเลา ฮ่า ๆ ๆ

    เว่าเรื่องกิ๊กเรื่องกั๊ก เรื่องปลื้ม เรื่องประทับใจนี้ เป็นธรรมชาติของมนุษย์ ปล่อยให้มันเป็นไปตามธรรมชาติ สักพักกะสิมีคนใหม่มาให้ปลื้มแทนดอก อย่าถึงขนาดบ่กินข้าวกินน้ำ หรือกินเหล้ากินเบียร์เบิ๊ดเป็นลัง ๆ หลาย อิอิ

    ส่วนเรื่องอื่น ๆ นั้น เช่นเรื่องการยืมเงินยืมทองกัน หรือบางคนนิสัยเสียนิสัยบ่ดี กะแล้วแต่บุคคล บ่มีไผดีไปเบิ๊ดซูอย่างดอก เลือกคบเลือกเบิ่งเอาใหญ่แล้วล่ะ ตัวเจ้าของเองกะจะคึดว่าเจ้าของสิเพอเฟค (บุ๋ย ๆ) จักลับหลังเขาสิป้อยสิด่าจั่งใด๋กะบ่ฮู้ เป็นเรื่องธรรมดาของคน

    ตราบใด๋ที่ยังเป็นมนุษย์ บ่สิ้นคนนินทาดอก ฉะนั้น เล่นให้สนุกเด้อ อย่าเคียดอย่าขมให้กัน อย่าหวังสิเอาชนะกัน อย่าอิจฉาริษยากัน เพราะที่เข้ามาเล่นนี้ บ่มีไผได้เงินจักบาทดอก ถึงแม้สิชนะกะบ่มีไผได้ถ้วยกาไก่จักคน

    ซอยกันเบิ่งกันแยงเด้อ หนักนิดเบาหน่อยกะให้อภัยกัน มีแต่คนบ้านเฮาดอก ฮักกันไว้คือข้าวเหนียวหนึ่งใหม่ อย่าสิไลลาม้างคือน้ำถึกข้าวเหนียวเด้อพี่น้อง ไสล่ะแนวแก้เมื่อย คือนานหยิ่นมาแถะ

    ข่อยอยู่มาสองปีกว่า ๆ ข่อยกะว่าม่วนอยู่เว็บเดียวนี่เด้ล่ะ ไปหม่องอื่นเป็นสีเงียบ ๆ จั่งใด๋บุ ข่อยย่านบ่ดังแมะ ที่บ่ม่วนบ่แมนเจ้าคิดไปเองบ่ มา ๆ ถ้าบ่ม่วน หรือกรณีเป็นที่สงสัยให้มาทางคุ้มสามเสนพี้เด้อ สิจัดให้ ฮ่วย มันเป็นจั่งใด๋หือฮ่วย มันเป็นจั่งใด๋หือ



    แก้ไขครั้งสุดท้ายโดย พล พระยาแล; 17-08-2010 at 11:20.


  2. #2
    เจ้าหน้าที่ประชาสัมพันธ์ สัญลักษณ์ของ เเมงสะดิ้ง
    วันที่สมัคร
    Oct 2008
    ที่อยู่
    ที่ชอบ
    กระทู้
    1,050
    บล็อก
    24
    กำลังกายได้จากการกินเข่า อันนี่กะท้องไผแข่วมัน
    แล่วต่ะหมู่เจ่าพี่น้อง4เลือกหย่ำอันได๋เด้อ ซั่นล่ะล่า
    แต่กำลังใจนั้นดิ้งได้จากการหยุมบ่าวส่ำน้อยมาก้อยเดิ่ก
    ส่วนบ่าวส่ำไหย่บ้านมหานั่นให่จี่ไฟทุบถิ่ม โอ๊ะทุบกินคือจี่หนังนั่นหล่ะ
    กะส่ำนี่ตั่วเนาะแนวอยากได้มาต้อยปากยามเข้ามาบ้านมหาแหม่ะ
    แก้ไขครั้งสุดท้ายโดย เเมงสะดิ้ง; 17-08-2010 at 07:42.

  3. #3
    :b-b:b-b เอ้าอ้าย สองโบกจัดให้

  4. #4
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    ผมกะเล่นแบบสบายๆครับ.....กิ๊กกั๊กกะบ่อมีนำเขาดอก บ่อหมานจักเทื่อ พ้อแต่หมู่ขี้เหล้านี่ละ 5555

    เว่ามาแล้วกะส่มปาก มื่อแลงนี่ไปปั๊มฮ่างดีบ่อน่อ ...

  5. #5
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330
    ..ส่วนมากยามเข้าบ้านมหาสิอารมณ์ดีคับอ้ายพล..มื่อได๋ใจฮ่ายกะหาเลาะกวนหมู่เล่นไป..

    ทางนี่กะหมานคือกันหละเอ๋..หมู่เด้อ บ่แม่นกิ้ก..

    มื่อแลงสงสัยสิได้ไปเลาะแถวปั้มฮ่างซะดอก..

  6. #6
    ศิลปิน นักแสดง สัญลักษณ์ของ kitty
    วันที่สมัคร
    Mar 2010
    ที่อยู่
    ลำลูกกา คลอง 2
    กระทู้
    1,193
    เห็นนำทุกประการเด้ออ้ายพล
    กิ๊ก นี่มันเป็นจั่งได๋หนอ ข้อยคือบ่มีนำเพิ่นหนอ..........อยากมียุเด้

  7. #7
    ศิลปิน นักร้อง นักแสดง
    มิสบ้านมหา 2011
    สัญลักษณ์ของ ผู้ก่อการรัก
    วันที่สมัคร
    Feb 2006
    ที่อยู่
    HappyLand ดินแดนแห่งความสุข, Thailand
    กระทู้
    3,379
    กำลังสิเข้ามายืมเงิน อ้ายพลคือขีดเส้นใต้เอาไว้น้ออออ อิอิ ....

    ช่วงนี้หลายๆ คน สงสัยว่าแม็กกี้หายไปไหนน้อ ไม่ได้หายไปไหนหรอกค่ะ ก็ยังมาเป็นประจำเหมือนทุกวัน แต่ไม่ค่อยได้ตอบแค่นั้นเอง .... ติดเกมส์อ่ะ อิอิ

  8. #8
    ฝ่ายเทคนิคและโปรแกรม สัญลักษณ์ของ ต่วง
    วันที่สมัคร
    Feb 2008
    กระทู้
    2,090
    ย้านแต่คือเพลงเขาร้องละครับอ้ายพล เดี๋ยวจักมื้อเมียเขาซิด่าให้คบหมู่กะมีแต่หมู่ชั่ว ๆ ฮ่า ๆ ๆ

  9. #9
    เจ้าหน้าที่ประชาสัมพันธ์ สัญลักษณ์ของ คนบ้านบ้าน
    วันที่สมัคร
    Mar 2009
    กระทู้
    471
    ...เว่ายากคับ....นานาจิตตัง.....แต่หว่าผมเข่ามาแล่วมีรอยยิ่มตลอดคับโผม.............

  10. #10
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078
    กะว่ากันไปค่ะ บ่ม่วนกะบ่เข้าสักพัก พอรู้สึกว่าเหงากะเข้าอีก ที่นี่มีรอยยิ้มให้เสมอ

    น้องหลินบ่อยากจ่มปานได๋ว่าบ้านหลังนี่บ่คือเก่า บ้านหลังนี่ยังคือเก่า มีลูกบ้านหลายคน

    แต่ที่เปลี่ยนแปลงอาจเป็นตัวเอง....


Tags for this Thread