........สงกรานต์มาอีกแล้ว....................

[บ่าวโจ่โล่]

แวะเวียนวนมาอีกแล้ว แนวสงกรานต์บุญปีใหม่
มาสาดน้ำใส ๆ ใส่น้ำอบไว้พร้อม ได้หอมกุ้มสาดหนุ่มสาว
ผงขาว ๆ นี่เด้อแป้ง ตะแคงหน้ามาพี้แน่ อ้ายขอแปะ แก้มนุ่ม ให้หอมกุ้มคู่สู่คน
พุทธมนต์กะสงฆ์น้ำ ขอพรชัย ท่านหลวงพ่อ
ยกมือขึ้นจ้อก้อ ขอให้ลูกได้ชุ่มเย็น
ให้คิดเห็นเด้นางน้อง สาวงามก้ำขอนแก่น
อ้ายอยากย่างควงแขน พร้อมทั้งปะแป้งน้อง ได้สาดน้ำให้เผิ่นนำ
อยากเก็บกำดอกไม้ ก่อกองทราย นำเจ้าเบิ่ง
มื้อนี้ไกลไปบ่เถิง ฝากแต่ใจไว้นำเจ้า หวังเย็นชื่น ทั่วฤทัย เด้อหล่าเด้อ..........

[ตะวันนา]

.....ใกล้เข้ามาอีกแล้ว...................แนวประเพณีคนอีสาน
ใกล้สิฮอดวันสงกรานต์...........คนบ้านเฮาได้ม่วนกุ้ม
สิได้ไหว้ถวายผ้า..................นพมาลาแด่พระสงฆ์
ขอให้ท่านพุทธองค์...............จงนำโชคแก่ลูกหลาน..แหน่เด้อ
ขอนพพานคุณพ่อแม่.............ที่เฒ่าแก่ให้ฮ่มเย็น
ขอเพิ่นเป็นร่มโพธิ์ทอง...........ของลูกหลานไปนานเนิ่น
มาเสียดายเด้ทางนี้.................ที่อ้ายพี่เพิ่นบ่มา
ได้ถวายพวงมาลา....................ได้สรงพระนำกันแท้
...มาดีใจเหลือเกิน...................สิฮอดมื่อวันรวมญาติ
แต่กะคงสิขาด...บัดแต่อ้ายผู้อยู่ไกล...พู่นแหล่วววว

.......แก้มของนางสิแพงไว้.....ถ้าอ้ายพี่มาปะแป้ง....ผู้เดียวเด้อ (ต่อบ่เป็นแล้ว..บัดนี่) :D

[jumpin]

ม่วนหลายเด้อค่ะ