สวัสดีจ้าพี่น้อง พอดีไปวัดไทยมาแล้วพี่น้องบ้านเฮาเพิ่นปลูกผักบ้านเฮา
แล้วเพิ่นเก็บมาขายจ้า พอตะเห็นผักท่อนั้นละจ้า มโนภาพก็เกิดจ้า
เห็นกล่องข้าวเหนียวกับจานอ่อมไก่ลอยมาเลยจ้า ฮ่าๆๆ
ส่วนผสม
1.ไก่สับ 1/2 กก. (เอาส่วนได๋ก็ได้จ้า แม่ครัวฝึกหัดเอาส่วนอกจ้า)
2.พริกแกง ตามใจชอบจ้า มักเผ็ดก็ใส่หลายๆ บ่มักเผ็ดก็ลดลงมาจ้า
(พริกแห้ง+หอมแดง+กระเทียม+ข่า+ตะไคร้+เกลือ ตำบ่ต้องละเอียดมากจ้า)
3. ข้าวคั่ว 3ช้อนโต๊ะ(ตำหยาบๆพอจ้า)
4.น้ำเปล่า1/2 ถ้วย
5.ต้นหอม ผักชีลาว หั่นเป็นท่อน ใส่ตามใจชอบจ้า
6.ยอดผักไซ่(ยอดมะระ) ส่วนยอดอ่อนๆ ใช้มีดหั่นเลยจ้า
ส่วนที่แก่มาหน่อยก็เด็ดเอาแต่ใบจ้า ใส่ตามใจชอบจ้า
6.ยอดบักอึ(ยอดฝักทอง)ลอกเปลือกออกแล้วหั่นเป็นท่อนจ้า ใส่ตามใจชอบ
7.น้ำมันมะกอก 1/2 ช้อนโต๊ะ
เครื่องปรุง
แม่ครัวฝึกหัดใส่แต่เกลือจ้า ไผสิใส่น้ำปลาแดก(ปลาร้า) ผงชูรส นำก็ได้จ้า
วิธีทำ
1.เอาหม้อตั้งไฟ ใส่มันลงไปพอร้อน ก็ใส่พริกแกงผัดให้หอม แล้วใส่ไก่ลงไป
2.พอไก่สุกก็ปรุงเครื่องแล้วเติมน้ำเปล่าลงไป
3.พอน้ำเดือด ก็ใส่ข้าวคั่วลงไปรอจนน้ำเริ่มข้น
4.แล้วก็ใส่ผักลงไป พอผักยุบตัวลง ก็ปิดไฟได้เลยจ้า
5.ตักเสิร์ฟฮ้อนๆ พร้อมข้าวเหนียว ได้เลยจ้า
ธุจ้า ขอบคุณสำหรับพื้นที่และทุกกำลังใจที่แวะมาเยี่ยมชมจ้า
เตรียมส่วนผสมให้พร้อมจ้า จังง่ายเวลาเฮ็ด
ผัดพริกแกงให้หอม แล้วก็ใส่ไก่ลงไปคั่วให้สุกแล้วปรุงเครื่องปรุงจ้า
เติมน้ำเปล่าลงไป รอให้เดือดแล้วใส่ข้าวขั่วลงไปจ้า
ใส่ผักลงไป พอผักยุบตัว ก็ปิดไฟเลยจ้า
ตักใส่จานเสิร์ฟได้เลยจ้า ระวังลวกปากเด้อจ้า ฮ้อนแท้เด้ฮั่นจ้า ฮ่าๆๆ
มาเด้อจ้าพี่น้องมากินนำกันจ้า กินไปแชทไปม่วนดีจ้า
แป้นพิมพ์คือสิแซบนำยุดอกจ้า ฮ่าๆๆๆ
อาทิตย์นี้กินตะอ่อมไก่ กับส้มตำ คักๆจ้า กินพอเซาคึดฮอดบ้านพะนะ
Bookmarks