เรื่องนี้เป็นเหตุสุดวิสัย ฮ่า ๆ

**พล พระยาแล** · 21-08-2010, 00:49

มื่อนี่ข่อยเดินทางกลับจากไปราชการ จ.กาญจนบุรี ด้วยรถปรับอากาศของที่ทำงาน แต่บ่มีห้องน้ำเทิงรถ ฝนกะตกมาตลอดทางพี่น้องเอ้ย ตั้งแต่บ้านโป่ง จนฮอดกรุงเทพฯ

อากาศภายนอกเย็น ๆ จั่งซี่ ปะทะกับแอร์ภายในรถพี่น้องเอ้ย ข่อยบ่อยากพากษ์ ข่อยฮู้สึกปวดเยี่ยวจนสุดสิทน เฮ็ดจั่งใด๋น้อบาดเนี่ย ข่อยนึกในใจ สงสัยสิเอาขวดน้ำเปล่านี่ล่ะเป็นคอมฟอร์ท 100 ฉุกเฉิน แต่กะสงวนท่าทีไว้ก่อน เพราะเจ้านายหลาย

ทุกคนเหลียวเบิ่งหน้ากัน รถกะ โค-ตะ-ระ ติดวินาศสันตะโร ข่อยอดบ่ไหวข่อยกะหย่างไปหลังรถ หยิบขวดเปล่ามาจัดการเรียบร้อย หัวหน้าคนหนึ่งท่าทางกระวนกระวายใจ และจ่มออกมา โอ้ย..ปวดฉี่จะทำอย่างไงวะเนี่ย

"อ่า ๆ คือผมเรียบร้อยแล้วครับหัวหน้า" ข่อยบอกอย่างไม่อาย "ทำไงวะ" หัวหน้าถามข่อย

"ก็ขวดน้ำเปล่าหลังรถไงครับ" ข่อยตอบแบบทันควัน "เออวะ สงสัยหัวหน้าจะต้องทำเหมือนเรานั่นแหละ" ว่าแล้วหัวหน้ากะเดินไปเฮ็ดคือข่อย ฮ่า ๆ

หัวหน้าอีกคนก็ทนไม่ไหวเหมือนกัน "โอ้ยยยย ทนไม่ไหวแล้ว หาขวดเปล่าให้ผมที" ข่อยหย่างไปด้านหน้ารถได้ขวดเปล่าเล็ก ๆ มา 1 ใบ

"มันจะพอหรือเปล่าไม่ทราบครับ" ข่อยเว่าพร้อมกับยื่นขวดให้ "พอ ๆ ๆ" แกตอบอย่างมั่นใจ

เนื่องจากตัวแกอ้วน จึงทุลักทุเล "เอ้ย พลเว้ย ตะคริวกินขาหัวหน้า" ข่อยแล่นไปช่วยถอดกางเกงให้หัวหน้า และกะนั่งบังเบาะ ให้หัวหน้าเพิ่นเฮ็ดธุระของเพิ่นให้แล่ว พอดีขณะนั้นรถเบรคกะทันหัน

การควบคุมทิศทางคือสิค่อนข้างเป็นไปอย่างทุลักทุเลอยู่ดอก สักพักของเหลว ๆ สีเหลือง ๆ ที่เรียกว่า เยี่ยว ก็ไหลนองเต็มพื้นรถ "เฮ้ย ๆ ๆ ไม่พอว่ะ ขวดมันเล็ก" หัวหน้าบอกข่อย

"ไปหากระดาษทิชชู่หน้ารถมาซับหน่อยซิ" สักพักรถก็เบรคอีก เนื่องจากมีรถเก๋งวิ่งเบียดเข้ามาในเลน น้ำเยี่ยวกะไหลตามทางเดินเกือบไปหดหัวคนขับ เพราะคนขับนั่งอยู่ต่ำ ฮ่า ๆ ๆ ๆ

หัวหน้าใหญ่ซึ่งเป็นหัวหน้าคณะที่นั่งอยู่ด้านหลังคนขับถามข่อย "เฮ้ย มันน้ำอะไรวะ" ข่อยเหลียวเบิ่งหัวหน้าอยู่ทางหลัง และตอบไปทันควันว่า

"น้ำดื่มครับ พอดีผมว่าจะยกดื่ม มันเลยหลุดมือผม พอรถเบรคน้ำก็เลยไหลครับ" ฮ่า ๆ ๆ ๆ ๆ

การเดินทางไกล ๆ ส่วนมากข่อยมักจะไปรถทัวร์ ป.1 เพราะมีห้องน้ำในตัว แม้จะสกปรกแต่ก็แก้ขัดได้ในยามฉุกเฉิน แต่ก็มีหลายครั้งที่ข่อยเดินทางด้วยรถ ป.2 เนื่องจากว่าประหยัดดี แต่ลำบากเรื่องสองเรื่องคือไม่ปวดหนัก ก็ปวดเบา ทรมานคักเด้อพี่น้องเอ้ย

โดยเฉพาะปวดหนัก บางเทือได้เอาน้ำลายทาสายบือ (สะดือ) กะยังบ่ไหวอยู่ เห็นหม่องแปน ๆ นำข้างหนทาง โอ้ย เป็นตานั่งปล่อยจักบาดเด้ มันกะซงสิหยอดออกมาเรื่อย ๆ นี่ล่ะ เรื่องนี้เป็นเหตุสุดวิสัย ฮ่า ๆ

**เมษา** · 21-08-2010, 01:04

อยู่ทางนี่ก่าต้องมีขวดน้ำเปล่าติดรถประจำคือกันอ้าย พอแก้ขัดได้ดีอีหลีเด้

แต่บ่อแม่นข่อยใช้ดอกเด้อ คนอื่น ฮ่าาาา :l-

**ลูกสาวพ่อแล** · 22-08-2010, 16:30

กระทู้ต้นฉบับโดยคุณ เมษา

อยู่ทางนี่ก่าต้องมีขวดน้ำเปล่าติดรถประจำคือกันอ้าย พอแก้ขัดได้ดีอีหลีเด้

แต่บ่อแม่นข่อยใช้ดอกเด้อ คนอื่น ฮ่าาาา :l-

เถ่าเมกะดายว่าเจ้าเฮ้ดท่าใดน้อดีเด้ะนี่อ่านจบๆๆๆๆๆๆๆๆๆฮ่าาาาาาาาาาา

**เมษา** · 23-08-2010, 04:13

กระทู้ต้นฉบับโดยคุณ แต๋วจ๋า

เถ่าเมกะดายว่าเจ้าเฮ้ดท่าใดน้อดีเด้ะนี่อ่านจบๆๆๆๆๆๆๆๆๆฮ่าาาาาาาาาาา

โอ้ยย แม่เถ่าแต๋ว ขั่นถึงเวลามาอีหลี เฮ็ดได้ทุกวิถีทางแหล่วข่อยก่าดาย

หาทางดัดแปลงเอาแหล่ว ฮ่าาาาาาาาาาาา ฮิ้ว :l-

**บ่าวกบินทร์** · 24-08-2010, 05:53

เคยคือกันครับ...ไปแต่งงานหลานอุดร ช่วงปีใหม่รถกะแฮ่งหลายจอดกะบ่ได้...
พากันกินเบียร์เทิ่งรถซั่นแหล่ว ปวดเยี่ยวหลาย กะได้ขวดเบียร์นั่นละครับ.....
แล้วภาระกิจแล้วกะปิดฝาไว้คือเก่า เกือบแม่นหยิบมาเปิดกิน 555555555++++++.