ผลผลิตจากสวนคนไทย ในต่างแดน

[สาวทองแพง]

คนไทยไปอยู่ไสกะบ่อดตายจ้า เพราะความขยัน และเก่งในการปรับตัว
มื้อนี้สาวทองแพงมีภาพผลผลิตจากสวนพี่น้องคนไทยในเบลเยียมมาฝากจ้า
เนื่องจากวันที่15สิงหาคม2553 เพิ่นจัดงานวันแม่และมีตลาดไทย ที่วัดไทยนำจ้า
แต่ก็บ่ได้อยู่ร่วมงานนำเพิ่นดอกจ้า พอดีมีธุระจ้า เลยแวะไปหาเสบียงแบบฟ้าวๆ

มะระจ้า มีลูกใหญ่(เอาไว้ต้มจืด)และลูกเล็ก(เอาไว้ต้มกินกับน้ำพริก)


พริกหยวก (ตำแจ่วแซบหลายจ้า)

ถั่วฝักยาว (กินกับหยังกะแซบจ้า)

ผักกาดฮิ่น (กินกับป่น กับแจ่ว ตำส้ม แซบคักจ้า)

ผักบุ้ง (ยอดผัดไฟแดง ลำต้นใส่ตำซั่ว ตำมั่ว แซบหลายจ้า)

ยอดมะระ ผักไซ่บ้านเฮาจ้า(อ่อมใส่ไก่แซบคักจ้า )

ยอดฝักทอง ยอกบักอึ (อ่อมใส่ไก่ ลวกกินกับแจ่วแซบหลายจ้า)
เพิ่นขายบ่แพงนำจ้า แล้วก็ได้กินผักสดๆจากสวนพี่น้องคนไทยนำจ้า
ยังมีอีกหลายอย่างนำจ้า แต่สาวทองแพงบ่ได้ซื้อมา เพิ่นปลูกกันยามหน้าร้อนจ้า
ภาพต่อไปบ่ได้มาจากสวน แต่ก็ฝีมือพี่น้องคนไทยคือเก่าจ้า

ปูทะเลจ้า เพิ่นจับมาขาย โตน้อยเอาไว้ดองใส่ส้มตำ เฮ็ดเป็นถุง ถุงละ2-3โตแช่แข็งไว้
ยามจะใส่ส้มตำกะเอาออกมาล้างกับน้ำอุ่นแล้วก็ดองกับน้ำปลาประมาณ20นาทีจ้า

แคบหมู หนังหมูทอดกรอบๆ กินกับส้มตำ แจ่ว กินเล่นกะแซบจ้า

สาคูใส้หมู แซบจ้าเจ้านี้ เพิ่นเฮ็ดขายหลายอย่าง ฝีมือดีๆจ้า แซบทุกอย่าง สะอาดนำจ้า
แหนมสดก็มีขายจ้า แต่บ่แซบ แถมแข็งคือพลาสติกนำเจ้านี้ เจ้าประจำเพิ่นบ่มาจ้า

มะเขือเทศสีดา(จากสวนพี่น้องจ้า) บักกอก(บ่ได้ถามว่ามาจากไสจ้า)
บักหุ่ง(มะละกอ)มาจากบ้านเฮาพุ้นละจ้า ขอบคุณเอื้อยผู้ใจบุญเด้อจ้าที่แบ่งขายให้
พอดีร้านไทยเขาบ่มาขาย เพิ่นอิต่นคือเลยแบ่งขายให้จ้า ขอบคุณอีกครั้งจ้า

หลังจากเก็บทุกอย่างเข้าตู้เย็น ปูก็ดองตั้งแต่มาถึงบ้านแล้วจ้า ก็เตรียมเครื่องตำส้มตำจ้า

:l- ขอลาพี่น้องด้วยตำปู-ปลาร้าจานนี้เด้อจ้า โชคดี สุขภาพแข็งแรงสุคนจ้าจ้า
อยู่ไสก็บ่อดตาย ถ้าขยัน แต่ถ้าเกียจคร้านแม้นเกิดมาบนกองเงิน กองทองก็มีวันอับจนได้

ธุจ้า ขอบคุณสำหรับพื้นที่และทุกกำลังใจที่แวะมาชมจ้า

[บ่าวจอบบ้อน]

มาเป็นตาแซ๊บคักเน๊าะครับ...............

[เมษา]

สะออนเพิ่นบ่ออึดแนวกินเนาะ อิอิ

เป็นข่อย อ้วนตุ้มปุตุ้มปุ้ยเด้หนี่ขั่นมีแนวกินหลายปานนี่

ขนาดอดอยาก ก่ายังอืดอยู่ ฮิ้วววววววววว

[ข้าวปาด]

สะออนผักเด้แพง ยอดผักใส่แหม ออ่มใส่หยังกะแซ่บ ดีเนาะ ฝากซื้อบักถั่วกับยอดผักใส่ ส่งไปรษณีมาไห้เอื้อยนำแนแพง อิอิ

[สะใภ้อิสาน]

ขอกินทางนั้นอุดมสมบรูณเน๊อะน้องแพง ยอดฟักทองนี้ไม่เห็นเลย
แคบหมูเค้าทอดไหม่ๆเลยใช้ไหมน้องแพง กินกับส้มตำ น่าอร่อยจัง

[อ้ายเขียว]

คนอีสานบ้านเฮาไปอยู่ทางได๋กะบ่มีอดตายครับ

[พล พระยาแล]

จดลิขสิทธิ์ไว้แนเด้อล่ะ อันตำส้มบักหุ่งน่ะ อิอิ

ป๊าด อยากเด้ ๆ อยู่ไสกะขยันน้อคนไทยกะดาย

โดยเฉพาะคนโคราช ขยัน ๆ

[pui.lab]

น้องแพง ยอดผักมะระ ยอดบักอึ พี่ปุ้ยบ่เคยกินจักเทือ
เอามาแกงอ่อม คงจะแซบเนาะน้อง

[บ่าวจัย]

บ่อดตายแน่ๆครับ ถ้ามีแม่ครัวแบบเอื้อยทองแพง เฮ็ดแนวกินเก่งคัก

[ร้อยหมื่นพันไมล์ไกลบ้าน]

ของกินหลายคักน้อค่ะ อยากกินส้มตำปูปลาร้าเด้น้อ
ปูเค็มทางนี้เป็นปูยำแช่แข็งมาจ้า บ่แซบเลย