มื้อนี้เอาลำสีทันดร เขียนเล่นๆมาสู่พี่น้องร้องเล่นๆเด้อจ้า

[thedon]

แป่นแว่น...เห็นแก้มน้อง...แป่นแว่น..อ้ายกะอยากเกี่ยวสายแนนคันว่าคาดสิแมนคู่
บุญหยังซางมายู่ ให้มาอยู่ต่อหน้านาง หรือเมขลาแปลงร่าง กายย่างลงมา
เจ้าคนที่อ้ายฝันหา หญ้านางคนโก้ คันบ่ติว่าอ้ายหน้าโหล กะคุยนำอ้ายแหน่
คน พ้อว่อแพ่แว้ แต่คันได้มักไผ เอาความขยัน จริงใจเข้าแลก เด้อซายนี้
เฮ็ดนาปัง นาปี กะพอมีใช้สอย หนี้กะหนี้หน่อยๆ ดอกหนี้ ธกส
อยู่กะแบบเพียงพอ ที่พ่อหลวง เพิ่นสอนไว้
ให้อ้ายเป็นฮ่มมี่ ส่วนเจ้าอยู่ใต้ฮ่มมี่ เด้อหญ้านาง
อ้ายจะเป็นจ้องกาง กันแดดฝนลมฮ้อน
ไปนำกันอ้อนต้อน...สีทันดร.มา.อ้อนน้อง.....

[หญ้านาง]

ขับซำ

บัดนี้ น้องได้ยินอ้ายเว้า เสียงจามาอ่อยอ่อย นางนี้หลงมักอ้าย คำแพงดอกหมากเดอ นางสิเลอหลงต้องหมากงิ้วเบอบ่มี
ชายเอ๊ย นางนี้แนวนามไม้คำแพงดอกสะมั่ง อยากสินั่งข้างใกล้ กุหลาบแพงแซงโอ้อ่อน ย้านแต่หว่อนหว่อนฮ้อง สาแล้วเบอบ่มี
ชายเอ๊ย นางว่าเสียงแจ้วฮ้อง จักจั่นคำแมงอีฮิ่น ย้านเป็นวินเมาเบ้อ ตายเจ้อเป็นงูอาง นางย้านหลงเสียงแซวแนวนามงูโตเหญ่อ ย้านว่าไล่ กบน้อย ที่แท้งูทำทาน แท้บ่
ชายเอ๊ย ย้านมาตั๋วนางไห้ เสียนำแนวบ่เที่ยง ย้านจาเหงี่ยงเอียงค้อย หลงคอยถ่า พี่บ่มา นางนี้ไห้ฮ่ำฮ้อน ปานฟ้อนส่อนกองไฟ แท้น้อ
บาดว่า พิษสิเน่หาสิแล่นมาตำเจอ ย้านหมากเขอหลงหมากแข้ง ย้านหมากแวงหลงหมากหว้า ย้านอ้ายมาจาต้าน หวานล่อยอ้อยสิเน่ห์ แท้น้อ
ช้ายเอ๊ย นางสิถามข่าวนา ถามหาปลาข่อน นางสิถามหาหนอน ถามหาแมงวัน ถามข่าวบ้านหาญกล้ามาต่อจา ถามภรรยาอ้ายมามีหรือแล้วบ้อ หรือว่าหม้อดำกลุ้ม สุมหญ้าต่างขี้เถ้า หนอ
ซู้คำเอ๊ย นางย้านหลงจาเว้า นำแนวหน่อไม้ไร่ นางย้านจาไปแล้วเมียแก้ว อ้ายมายาม ถามข่าวอ้าย หลายทางที่เทียวท่อง ทองหรือคำต่างก้อน วอนถามอ้ายเห้อ หม่ายจา แด่ถ่อน
อ้ายเอ๊ย นางนี้ย้านหมากไม้มีแมงมาเจาะก่าย นางย้านเบอหมากมี้มีแนวข้องทางเนอ นางนี้ย้านโตอ้ายมาตั๋วล้มกินแต่จาว อ้ายเอ๊ย

[ไก่น้อย]

ซวดๆๆๆให้หญ้านางเลยเด้อจ้า สุดยอดบทประพันธ์ เลยจ้า ไก่น้อยมึนตึบไปบ่เป็นเลย 555+ ว่างๆมาต่อกลอนให้นำอ่านอีกเด้อจ้า

ปล..คิดฮอด อ.ศรีสะท้านเด๋ พ้อคู่ชกที่เหมาะสมแล้วบาดนิ ผั่นหายจ้อย โอยยน่อ