หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 16

หัวข้อ: สั่งนาง

  1. #1
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    สั่งนาง

    เอิ้นสั่งน้อง ยามซิห่างไกลหนี
    แสนโสกี ฮ่ำฮอนบาดแฮมฮ้าง
    บุญกุศลสร้าง บ่สมทางเทียวท่อง
    เห็นพบน้อง คราวน้อย หนึ่งหนี

    ตั้งแต่กี้ ปางก่อน บ่มาเห็น
    จวบว่าเวรเวียนซัด จ่องดึงมาพ้อ
    โอละหนอน้อง เฮาสองสิได้ห่าง
    ป๋าละวางถิ่มไว้ ไลแล้ว ล่วงลา

    ฝากสั่งฟ้า ให้ฟ้าสั่งนำฝน
    ไปหาคนเคยฮัก ฮ่วมหอเฮือนกว้าง
    ฝากนำดวงดาราเจ้า แทนเงาอ้ายพี่
    จันโทสีส่องแจ้ง แยงเจ้าดั่งพี่ซาย

    คึดฮอดอ้าย ให้น้องหม่ายนภาสี
    แนมมะณีเดือนดาว แจ่มตาตางอ้าย
    เพื่อทีหายหมองเศร่า ความเหงาง้ำเงื่อน
    เป็นที่เตือนต่อน้อง พะอวนน้อยได้ฮ่ำเพิง พี่แหลว


    แฮมฮ้าง : แรมร้าง / จันโท : พระจันทร์ / หม่าย,ม่าย : มองผ่าน / นภาสี : สีแห่งท้องฟ้า / ง้ำเงื่อน : เงื่อนไขเกี่ยวพัน / ฮ่ำเพิง : รำพึง
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ซังอ้าย.โอ๊ย สั่งอ้าย

    เอิ้นสั่งอ้ายยามสิพรากลาหนี
    อย่าได้มีโภยภัยฮุ่มในฮนเนื้อ
    บุญกุศลเอื้อเครือบุญได้ดึงจ่อง
    กรรมผัดเตาะต่องต้อย
    ห้อยข้างบ่ห่างลา

    ฝากนำจันทร์อยู่เทิงฟ้า
    เบิ่งดาราแกมหน้าชุ่ม
    คึดฮอดอุ่มทุ่มก้อน
    สมรน้องยามห่างกัน.
    ..แหน่เด้อ

    จำใจฮ้างมื้อสิจากลาหนี
    หนานผักชีสิแห้งโฮยหาเจ้า
    คนสิมานั่งเว้าเคียงกายนุชชะนาด
    คันขาดพี่ไปแล้วคู่แก้วกะบ่มี

    คึดฮอดพี่ผุลาจากไกลเหิน
    ใจของนางสะเทิน
    คึดคะนิงหลิงเอี้ยม
    เฮียมสิได้พรากเจ้า
    อวนคำแอวสะอ่ง
    ขั้นบุญส่งชาติกี้
    ให้คืนที่ถิ่นพะนาง........
    แหน่เด้อจ้า

  3. #3
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    ไปดีเยอ แก้วค่าล้าน สัพพะเลิศ ลือองค์
    เจ้าผู้หงส์ลาคอน ป่าดอนดงไม้
    ยามเมื่อไลลาฮ้าง อย่าลืมยาง กะยูงป่า
    อย่าลืมผาซ่องซั้น ภูขั่นป่า ป่าดอย
    ข่วมโคกค้อย อ้อยอิ่น ยินเสียง
    ฟังสำเนียงแนวสัตว์ หมู่กวางแกมไก้
    ฝูงชะนีนางไห่ ดังไปก้องทั่ว
    ผวักผวักผัว สั่งซู้ คือกูนี้สั่งนาง
    เลาะเลียบท้าง แปวย่าง ทางสัตว์
    เห็นแต่เครือพันมัด ใส่ปอแปลงบ้วง
    เป็นแนวหน่วง กลลวงผางหน่าย
    คือดังโตบักอ้าย บ่เห็นบ้วงล่วงคอ
    ขึ้นโคกจ้อ เต็มหน่อหนามหวาย
    ตนพี่ซายเทียวถาง ถากทางดงเยิ้น
    ดีท่อเพลินเพียงเหล่น แนมเห็นประมาณหนึ่ง
    หนามหากเกาะเกี่ยวทึ้ง ดึงผ้าแผ่นแพร
    ปลดเกี่ยวแก้ เซาแหว่นำหนาม
    เลยเล่าฮามทางลัด เลาะไปตามโค้ง
    ใจประสงค์หมายหมั่น หนามพัน เฟือเกี่ยว
    ทางบ่อนเทียวคดโง้ง งอเลี้ยวหลอกตา
    เบิกฝ่ายฟ้า ตาเบิ่งบ่เห็นดาว
    เมฆาขาวกลับดำ ด่างสีควันครึ้ม
    บ่หอนลืมลงได้ เถิงสิไกลเกินห่าง
    เอิ้นสั่งนาง มิ่งซู้ ซายสะท้าน ทั่งทรวง พี่แหลว
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    กาซิกๆๆ...(ยืมเสื้ออ้ายมาเซ็ดขี่มูกแน่ะอ้ายศรี ..) ฮ่วยยย มาล่อให้แต่กันไห้เนาะปรอบคนนิแม่ะ..
    มองต่าง..อย่างปลง

  5. #5
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179
    กระทู้ต้นฉบับโดยคุณ mikaze
    กาซิกๆๆ...(ยืมเสื้ออ้ายมาเซ็ดขี่มูกแน่ะอ้ายศรี ..) ฮ่วยยย มาล่อให้แต่กันไห้เนาะปรอบคนนิแม่ะ..
    เอ๋า..พอดีเสื้อเอาไปแซ่ในกาละมังเหมิดแล้ว ว่าสิซักแมะ มีแต่ผ้าโสร่งนั้นหละ เอาไปเซ็ดซะ อิ อิ อิ เซ็ดหน้นำพร้อมกะได้ ฮ่า ๆ ๆ สั่งนาง(สาว)จักกลอนซะดอก บาดนี้..ขากกกก..หยับออกแหน่

    อ้ายสิเอิ้นสั่งน้องซุมหมู่นางสาว ซุมหมู่เกินปลายซาวข้องขาอย่ามาใกล้
    พากันไปหาเหล่นนำหลานลูกอ่อน หาเฮ็ดงานให้ได้ย้อนอย่ามาใกล้ผู้บ่าวแนว
    อย่ามาแซวเสียงท้วง ทำทีอยากจอบส่อง
    พากันไปเกี่ยน้อง หาเหล่นอยู่วัดวา
    หยับมานี้กะน่า สาวส่าทางอุบล
    สาวสกลบุรีรัมย์ สิสั่งคำยามย้าย
    โตพี่ซายคึดเถิงเจ้า ยามเหงาขอคึดฮอด
    แม่นว่ากอดบ่ได้ ใจอ้ายหากห่วงนำ แท้แหลว


    คึดฮอดเด้อหล้า สาวอุบล สกลบุรีรัมย์ทุกๆคน สุรินทร์นำ นอกนั้นบ่เป็นตา....แตก จั๊กคน เฮ่อ ๆๆ


    เกินปลายซาว : เกิน ๒๙ ปีหรือเกิน ๒๐ ปลายๆ
    แก้ไขครั้งสุดท้ายโดย ศรีสะท้าน; 29-08-2010 at 05:43.
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    5,708
    บล็อก
    23
    รอดโตไปตั้วซั่นเฮา ปีนี้กำลังย่างเข้า.. ๒๘ พอดีแม่ะ ..อิอิ..
    มองต่าง..อย่างปลง

  7. #7
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    1,946
    กรี๊ดดด สาวอุบลฯ เป็นตา....แตกอยู่แม่นบ่ค่ะอ้าย อิอิ ม่วน ๆๆ

  8. #8
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    สั่งนำแหน่ครับ...สองซาวหย่อนๆ
    บาบ่าวเถ่า(โอ๊ะท้าว) เถิงคราวไกลจาก
    น้ำตาพรากปิ่นเบื้อง ประเทืองแก้มปริ่มปรางค์
    สาวพระนางเคยเอื้อ เหลือใจเด้สิว้าเหว่
    สังมาเซซัดซ้ำ ให่ไกลก้ำหมิ่งสมร
    แสนอาวรณ์สาวเจ้า ได้แงงเงาตางฮูป
    ส่งจูบได้แค่ฟ้า โบกมือลาบาดสิหย่าง
    คนละทางถิ่นที่ อยู่ดีจ้าอย่าระทม
    คั่นหากอ้ายไปม้ม อย่าได้จ่มนำหลัง
    หือแหม่นหลับตาซัง จั่งแหม่นนานหนีแท้...แฮ่..แฮ่
    แก้ไขครั้งสุดท้ายโดย pcalibration; 31-08-2010 at 08:05.

  9. #9
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ยามสิไลไกลเยิ้น
    เอิ้นสั่งอ้ายคำศรี
    ให้ไปดีเด้อชาย
    สุขสบายบ่มีเว้น
    เข็นแลเวรอย่ามาใกล้
    ฝากใจคึดฮอดแหน่
    ส่งใจนำจนว่าเมื่อยแอ้แล้
    สิแลหน้า..แม่นอ่วยคืน.
    .........(มื้อนี้ขออภัยที่เอิ้นอ้ายเด้อจ้า...อิอิ)

  10. #10
    แบ่งปันความรู้และประสบการณ์ สัญลักษณ์ของ ทองคำ
    วันที่สมัคร
    Jan 2007
    กระทู้
    139
    ออนซอนเด้ ออนซอนนกพากคู่ กะยังเอิ้นสั่งคอน
    ออนซอนไม้พากดอน กะยังเอิ้นสั่งต้น
    ออนซอนคนพากฮ้าง คำเดียวบ่เอิ้นสั่ง
    มีแต่ไปหวั่งๆ สั่งบ่เอิ้นสั่งชาย แท้น้อ
    อ้ายจารย์ศรีเลาพากฮ้าง ยังสั่งนางสิลาล่วง
    ผู้เฮาควงแท้ๆ คือบ่เว้าสั่งเฮา แหน่น้อ
    ................................................................

    เข้ามาแจมหน่อยเดียวคับอาจารย์ บ่ค่อยว่างเลย

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •