ทิดขี้โก๋..(เอาซื่อกะของนี่หละผู้อื่นข่อยบ่เคียด) สึกใหม่หลังจากออกป.6ไปบวชเรียนอยู่กรุงเทพ..จนว่าอายุได้ซาวกว่า..ตะก่อนอยู่บ้านพ่อแม่อาชีพเฮ็ดไฮ่เฮ็ดนา..
บัดทีนี้เขามาขั้นฝายใหญ่(เขื่อน)เลยบ่มีนาเฮ็ด...ทางบ้านเลยประกอบอาชีพหาปลาขาย..เทิ่งขายสดเทิงเฮ็ดปลาแดก...ทิดขี้โก๋สึกมาช่วงหน้าหนาวพอดี..มีอยู่มื้อหนึ่ง..แม่เลยใซ่อ้ายทิดสึกใหม่ไปซื้อฮำมาใส่ปลาแดก..แม่ยังย้ำว่า..ทิดเอ้ย..เอาฮำใหม่ๆเด้อ..ถ้าบ่ใหม่อย่าเอา......มันเฮ็ดปลาแดกบ่แซบ....เร็วๆแน่หละฟ้าวไปเอามาใส่....
พอทิดขี้โก๋ไปฮอดเลยย่างไปถามเจ้าของโรงสี..."ลุงๆ มีฮำใหม่ๆสดๆบ่"......เจ้าของโรงสีเลยว่า"บ่มีแหล่วทิดลุงหัวกะมาจากงานบุญบ่ทันได้ติดโรงสีเทือเข้ากะบ่ทันได้ไปหาเก็บมาสีอยู่" ทิดขี้โก๋เลยคิดในใจว่า"แล้วสิเอาฮำสดๆทางได๋ไปให้อีแม่ใส่ปลาแดกน้อ.."ขณะนั้นเองทิดกะเลยเหลียวไปเห็นหมูในคอกขี้ออกมาใหม่ๆอายกำลังขึ้นฮ่วนๆอยู่เลยย่างไปใกล้ๆกะเห็นว่าเป็นก้อนฮำสดๆร้อนๆกะเลยถามซื้อนำเจ้าของโรงสี เจ้าของโรงสีกะบ่ฮู้ว่าทิดสิเอาไปหยังกะเลยบ่ขายเอาไฮ่ซื่อๆ..
พอมาเถิงบ้าน..ทิดขี้โก๋กะได้ยินเสิยงแม่ถามออกมาจากห้องน้ำ"....บักทิดบ่..ได้มาบ่ฮำ..เอาไปใส่โลดสองโอ่งสุดท้ายนั่นหละใส่โอ่งละสองขันเด้อ..แล้วกะเอาไม้คน..ปิดฝาให้แน่น..แม่อาบน้ำล้างมือแล้วสิฟ้าวไปงานบุญเพิ่น" พอแต่ได้ยินซ่ำนั้นทิดขี้โก๋กะเอาขันมาผองขี้หมูลงโอ่ง..คนๆๆแล้วกะปิดฝา...และอีกบ่กี่เดือนข้างหน้า..ซุมหมู่เจ้าที่มักสีกต่อนปลาแดกสิได้กินปลาแดกทิดโก๋.....55555
อ้างข้อความนี้
Bookmarks