จ่มใส่แจ่วปลาแดก+แกงปลาย่างใส่เห็ดเผิ่งตากแห้ง

[เเมงสะดิ้ง]

มื่อนี่ยายเฒ่าผุ้ชราเป็นซงหงอยๆ เพราะควมเมื่อยม้อยส่อยแหลม
สงสัยชีวิตยาย4ขาดต่อนโปรตีนเป็นแน่แท้
หาแนวกระแทกปากดีกั่ว คึดได้ดั่งนั้นเลากะเลยฟ่าวไปซาวหาไห
จกหาต่อนปลาแดกปลาค่อไหย่สั่นเด๊ะ



ได้พริกป่น โขลกรวมกับหอมแดงใช้ทั้งหัวและใบ
บางทีเลากะใส่กระเทียมลงไปพ้อม บางเถื่อซอยใบมะกรูดลงไปนำ
จ่ะแม่นสูตรแจ่วบอกของยายมันดิ้นได้เนาะ ตำ10เถื่อ บ่เคยคือเก่าจั๊กเถื่อ
เติมต่อนปลาแดกบาดเนี่ย มื่อได๋บ่ฟ่่าวเลากะเลาะเอาแต่เนื้อปลา
หากมื่อฟ่าวหิวเเฮง ปลาค่อไหย่กะโดดลงครกทั้งต่อนเอาโลดพี่น้อง
จากนั้นกะตำให้แหลก เลือกเติมชูรส หรือน้ำตาลกะได้ตามใจคนตำนั่นล่ะ

"นั่งตี่ตาเบิ่งยุนั่น ฟ้าวพากันจ้ำนั่นเป็นหยัง ปลาค่อไหย่เต้นตำตาแน่ะแม๊"
เลาใจฮ่ายให่หลานหลายเถิ่งป้อยเทิ่งจ่ม.....




อีกเทิ่ง มื่อๆนึงเลาคาต่ะหอบกะต่าหมากแลนนำหลานเลา3หลบกะทันค่ำ
ท้าวไหย่หำหลอดซง4ฮู้ควมยุ รุจักแลนฮับแลนต้อนแมไหย่ยามไปยามมา
หอบกระเทียมดองไปซ่อยยายขายยุซู่แจเอาโลด จั่กแม่นซ่อยกันทำมาหากินเป็น
แต่อันอุกนำท้าวน้อยๆ นั่นน๊า ขี่ดื้อพาโลตำแจนั่น หลู่ใส่แจนี่ โอ๊ย...
มีหลานขี้ดื้อปานนี้ บ่ว่า4ปรารถนาเว้นไว้ตั่ว พ่อยุไส4นำไปเมี่ยนตั๊บ จักบาด



ยายเฒ่าเทิ่งจ่ม เทิ่งคนหม้อแกงปลาย่างใส่เห็ดเผิ่งตากแห้ง
อย่าเข้ามาให่เห็นหน้าตอนยายเฒ่ามีอารมณ์เด้อเจ้าหลานเอ้ย
ระวังยายผีบ้าเทหม้อแกงฮดหัวหลานได๋



หย่อนเลาโมโหหิวนำล่ะว๊า....แต่พอแกงปลาย่างต้อยปากยายเฒ่าแล่ว
เลากะใจดีคือเก่านั่นล่ะ...... กินอิ่มล่ะ เซ็ดมือหล่วย ได้โอกาสหลอยหลาน
หย่างฟัดต้องแล่งๆ ไปเข้าป่าสั่นตั่ว หย่อนวาเพิ่นนัดพะชายไว่ยุโคกสั่นเด๊ะ



นัดผุบ่าวเลี้ยงวัวไว่ตั่วพี่น้อง พอให่เขาไปเก็บเห็ดซ่อยสั่นเด๊ะ
ค่ะเถื่อพอได้มาต้อยปากหลานสั่นดอก ต่ะคึดนำปานนี่
หลานจัญไรกะบ่เคยโอ้อ่าวนำดอกพี่น้องเอ๊ย....




เว่ามาล่ะคันแข่วพออยากเอาบักกอกน่วนหัวหลานพ่วนล่ะ
แต่กะหย่านเขาเหงี่ยวใส่บอนอีกล่ะ กะ4มาคาอิเฒ่าซักผ้าเหงี่ยวให่อีกคือเก่า
ยายเฒ่าเทิ่งป้อยเทิ่งจ่ม มือกะสาละวนกับการตากเห็ดเผิ่งไว่กินยามมันอึดมาอยาก