ฉายาบ่าวเฒ่า

[ไก่โต้ง]

บ่าวเฒ่า เพิ่งได้ยินเขาเรียกเจ้าของนี่ละครับ แต่กี้บ่ได้ยินจักเทือ นึกว่าอยู่โสดมันสิดี ไปสัยกะสดวกสบาย พี่น้องเอ้ยแต่กี้ไปเล่นสาวบ้านได มีผู้สาวเว้านำแตกชวดๆ แต่เดี๋ยวนี้สิแชวเขาเอิ้นพ่อใหญ่หมด ฮ่าๆ แต่เป็นบ่าวน้อยเนาะครับ ว่าแม่นเล่นสาวกะแข่งมู่ได้ยู่ดอก มู่ว่าผมพุ้นละสิได้เมียก่อนมู่ เล่นผู้สาวผู้ไดผู้สาวกะติด (ติดพะนะ คำว่าติดแปลว่าจังไดน้อบัดนี้ ฮ่าๆ) มาพร้อมโลด ย้อนว่ามู่เว้าจังชี่ละกะเลยบ่อยากได้เมียเร็ว มีมู่สนิทกันอยู่ ห้า คน ไปสัยนอนไหนกะนอนนำกัน เฮ็ดหยังกะเฮ็ดนำกันครับ บ่เฮ็ดนำกันได้ กะผู้สาวไผกะผู้สาวมันนี่ละครับ พอมู่คนแรกแต่งงานไป กะหายหน้าหายตาไป บาดนี้กะเหลืออยู่ สี่คน และแล้วมู่คนที่ สอง สาม สี่ กะแต่งงานไปกะหายหน้าไปที่ละคน และคนที่ครองโสดได้กะคือผมละครับ ไปเล่นสาวกะไปคนเดียว ไปนำบ่าวสำน้อยกะย่านบ่สู้เขา กะอายพร้อม อายุย่างเข้า ยี่สิบห้า กะยังบ่ได้เมียนำมู่อยู่ ย้อนว่า สาวอายุ ยี่สิบขึ้นเขากะแต่งงานกันไปหมดแล้ว ยังแต่สาวรุ่น 17-18 เขากะเอิ้นเฮาพ่อใหญ่ กะเลยบ่กล้าไปเล่นนำเขาอีก มีเทือหนึ่งครับ ไปเล่นหลานสาวมู่คนที่สิแต่งงานไปก่อนมู่ กะเลยขึ้นไปนั่งนำผู้สาว อายุเขา 18 ปีนี่ละครับ เขากะหาน้ำหาท่ากินอย่างดีครับ กะนั่งเว้ากันอยู่ดีๆ ลูกสาวมู่อายุ 10 ขวบนี้ละครับกะขึ้นมา พอเห็นหน้าผมเขากะเลยถาม พ่อมาหยัง โอ้ยยย พี่น้องเอ้ยพออย่างแลนลงเฮียน สิตอบลูกสาวมู่ว่าจังไดดี ผมกะเลยตอบว่ามาเล่นนำพ่อใหญ่อยู่เฮียนนี้ละ พ่อใหญ่บ่อยู่กะเลยมาเว้านำ อาของลูกนี้ละ พ่อกลับก่อนเด้อ เว้าแล้วกะเลยฟาวลงเฮียนพี่น้องเอ้ย เป็นตาอยากอายลูกสาวมู่เนาะ หาผู้อยู่นำยากเนาะครับสื่อมื้อนี้ เดี๋ยวนี้หนุ่มน้อยสาวสำน้อยเขาเอิ้น ฉายาอ้ายบ่าวเฒ่าค้างโคก หมดแล้วละ สมน้ำหน้าเจ้าของแต่เป็นหนุ่มน้อยผู้สาวหลายๆกะบ่เลือกเอาจักคน บัดนี้เขาแต่งงานไปหมดแล้ว

คติเตือนใจของผู้ชาย : อย่ามองเห็นผู้หญิงเหมือนของเล่น มีแล้วให้เก็บรักษาน้ำใจไว้ให้ดี ชื่อสัตว์ หมั่นคง แก้ปัญหา ร่วมทุกข์ร่วมสุข นี่แหล่ะที่ผู้หญิงต้องการ

[ต้องแล่ง]

เข้าใจอะไรผิดไปหรือเปล่า..ผู้เจ้าของกระทู้

อายุเพิ่ง 25 ปีเอง จะมาเป็นผู้บ่าวเฒ่าได้จั่งได๋

คันเรียนหนังสือกะเพิ่งสิจบปริญญาตรี มาได้ 3 ปีเอง

ยังบ่ทันได้ทำงานพอสิเก็บเงินเพื่อตอบแทนคุณพ่อแม่เลย

เห็นแต่แถวบ้านทางสารคาม ถ้าใครแต่งงานแต่น้อย อายุประมาณ 17 - 18 นะ

ก็มีแต่คนที่ไม่ได้เรียนหนังสือ หรือเรียนก็จบแค่ชั้นมัธยมเท่านั้น

ส่วนคนที่เรียนจบระดับปริญญากัน ส่วนมากก็อายุ 30 ปี ขึ้นทั้งนั้น

ถึงจะพากันแต่งงาน และการแต่งงานก็ไม่ใช่บทสรุปของชีวิตนะ

อันนั้นมันเป็นเฉพาะในละครเท่านั้น ส่วนชีวิตจริงมันเพิ่งเริ่มต้นต่างหาก

แล้วอายุเท่าที่เจ้าของกระทู้พูดมานะ ทำมาหากินกัน เอาตัวรอดกันได้แล้วหรือ

ถึงพากันอยากมีภาระที่จะรับผิดชอบมากขึ้น สภาวะในปัจจุบันทำให้ไม่ต้องแต่งงานเร็วแล้ว

เพราะสังคมเราไม่ใช่การเกษตรกรรมแบบเต็มตัว ที่จะต้องพึ่งพาแรงงานคนเหมือนสมัยก่อน

การที่คนสมัยก่อนแต่งงานเร็วก็เพราะว่าอยากได้คนมาช่วยแรงในการทำนา ทำไร่

อยากฝากบอกเจ้าของกระทู้ว่าอายุแค่ 25 ปีเอง มันเป็นวัยกำลังสร้างเนื้อสร้างตัวต่างหาก

เอาเมื่อถึงวันพร้อมแล้วค่อยมีครอบครัว รับรองว่าวันนั้นใครๆ ก็เดินเข้ามาหาคุณ

โดยที่คุณไม่ต้องวิ่งหาให้เหนื่อย (ดูดาราเป็นตัวอย่างไม่มีใครแต่งงานเร็วเลยสักคน)[/COLOR]

[ไก่โต้ง]

ต้องแล่ง : อายุเพิ่ง 25 ปีเอง จะมาเป็นผู้บ่าวเฒ่าได้จั่งได๋

บ้านผม ยี่สิบปีขึ้นกะเอิ้นบ่าวเฒ่าแล้ว ว่าแต่บวชแล้วคั้นบ่ทันแต่งงาน ได้ฉายาเลย เพราะว่าหามู่พาไปเล่นสาวบ่มีแล้ว ผมบ่ฮู้คือกันสมัยนี้เด็กน้อยทำไมแต่งงานไว ขนาดผมเพิ่งเรียนจบมา มู่ได้ลูกใกล้จะเป็นหนุ่มเป้นสาวใกล้หมดแล้ว นี่ละเพิ่นว่าต่อไปสิได้เอาไม้ส่าวหิ่นบักเขือเครือ

[ต้องแล่ง]

จั่งซั่นกะตาหลูโตนเจ้าเนาะ เกิดผิดหม่อง

มาทางสารคามพี้เด้อ อายุ 30 ยังพากันม่วนกับการทำงานอยู่เลย

ถามเบิ่งแล้วหมดรุ่นที่จบปริญญานำกัน มีแต่งงานไปแล้วบ่กี่คนเอง

ปัจจุบันกะพากันม่วนคือหยังนี้ โสกันไปนำทาง พอปานว่าตอนเป็นเด็กน้อย

ย่อนว่ามีแต่คนโสด

ปล.หรือว่ามันเป็นนำเปิงบ้านกะบ่รู้เด้อ ทางสารคามขอให้เจ้ามีงานทำ มีเงินเดือนใช้

มีหน้าที่การงานที่มั่นคง ถึง 40 ปี แล้วจั่งเพิ่งมาแต่งกะบ่มีไผ๋ว่า มีแต่ผู้แล่นใส่สิเอา