หวานใจ&คนรู้ใจ อย่างไหนแน่

[ต่าย]

..............กระทู้ต่ายมักสิเน้นไปทางจิตวิทยาหรือบ่ซั้นกะมนุษยวิทยาเด้อจ้า..เพราะมันเป็นเรื่องที่บ่นิ่งมีวิวัฒนาการอยู่ตลอดเวลา..
ความรู้สึกของคนมันมีนิยามความแตกต่างกันหลากหลาย..มีความท้าทายและน่าติดตาม..
แล้วแต่ว่าแต่ละคนสิเก็บเกี่ยวประสบการณ์ชีวิตมาถอดบทเรียนได้ขนาดไหน...
ต่ายถือว่าสิ่งที่ทุกคนได้แลกเปลี่ยนความคิดเห็นเป็นบทเรียนนอกตำราที่ทรงคุณค่าทุกความคิดจ้า......

............วันนี้ต่ายอยากขอพี่น้องแชร์ความเห็นว่า.คำว่า " หวานใจ " กับ "คนรู้ใจ " มันต่างกันตรงไหน

เพราะต่ายกะเถียงกับหมู่อยู่บ่เซาว่ามันต่างกันอย่างมีนัยสำคัญ ฮ่าๆๆๆ

สำหรับความเห็นของต่าย

"หวานใจ"....คือ คนที่เราถูกตาถูกใจถูกสเปค อาจสิบ่แม่นแฟนเฮาหรือแม่นกะได้เพราะเพิ้นอาจสิบ่ได้รู้ใจเฮาพอปานใด๋

" คนรู้ใจ "......คือคนที่อาจสิบ่ได้ถูกตาถูกใจหรือ ถูกสเปค แต่เพิ้นกลับฮู้ใจเฮาไปเสียทุกอย่าง ดังนั้นคนรู้ใจจึงอาจหมายถึง เพื่อน หรือไผ๋กะตามที่รู้ใจเฮา

ดังนั้น..(อีกรอบ) ผู้เป็นที่รักของเฮาณ เวลานี้อาจเป็นทั้งหวานใจและคนรู้ใจในเวลาเดียวกัน..แม่นบ้อน้อ

ผุลางคนกะค้านว่า กิ๊กคือหวานใจพะนะ ส่วนแฟนแค่คนรู้ใจ พะนะ ตาซังเนาะ..

......... ที่หาแนวมาให้พี่น้องเสนอความคิดเห็นกะเพราะว่า..สิได้ระบุเพื่อนๆได้ถูกว่า ไผหวานใจ ไผคนรู้ใจซั้นดอกหวา...
บ่มีในพจนานุกรมเด้..เอาหมู่เฮานี่หละว่า... :l-

[สาวมุก]

แม่นความสาวต่ายเว่าอยู่จ้า.............

[thedon]

โอ้ว ได้มาอ่านแนวเชิงวิเคราะห์จิตวิทยา อิอิ หวานใจกับคนรู้ใจ พะนะ ตอนนี้คนรู้ใจกลับกลายเป็นแค่เพื่อนสนิท คนที่ไม่รู้ใจ แต่เอาใจเก่งกลับกลายต้องมาเป็นคนไกล้ชิด จักแม่นบ่แม่นครับ เริ่ม งง แล้ว 555+

[ต่าย]

สาวมุกจ๋า....แม่นแนวใด๋ว่ามายาวๆแน่เถาะสาวมุกจ๋า...อิอิ ต่ายสรุปบ่ได้แหมะ
ว่ามาโลด สาวมุกอย่าสิอ้ำอึ้ง คิคิ

บ่าวthedon : แม่นเจ้ามีคำใหม่เพิ่มให้ต่ายปวดหัวอีกคำแล้ว " คนใกล้ชิด " พะนะ หืยยย กะบอกมาตี้หละว่าจัดอยู่ใน หวานใจ หรือ คนรู้ใจ มีเลศนัยเด้หนิผู้สาวเจ้าคือสิหลายคัก ฮ่าๆๆ

[thedon]

หือ จักมีเลศนัยอีหยังบุ๋ ซางมาเว่าเป็นตาซังหลายเนาะ พะสาวทางได๋น้อจิมามักมาจ้อน คนจรหมอนหมิ่นคักปานนี้ คั่นจั่งซั่นกะเลือก หวานใจ ดอกซั่น ไปแล้วเดี๋ยวคะเจ้าจิ ขิว อิอิ

[สาวมุก]

สาวต่ายเอ้ย..มันเว่ายากจ้า..ไผบ่มีความฮัก บ่สามารถที่สิเข้าใจได้ดอก ถามอาจารย์ดอนน่ะจ้า ถามลาวโลด ลาวตอบได้หม๊ด บ่ว่าไผเป็นไผ ลาวบ่แม่น google ดอก ที่สิหาหยังกะเจอน่ะ แต่ลาวสามารถที่สิตอบคำถามของหลายๆคนได้จ้า เพราะว่าลาวเป็นศิษย์พี่สาวมุก มีอาจารย์ใหญ่อยู่สำนักเดียวกัน..

[บ่าวข้าวจี่]

ชื่นชม..ทั้งสองคำครับ..หวานใจ กับ คนรู้ใจ...ผู้ได๋อยู่ในสถานะตรงนี้..ต้องทำหน้าที่ให้สมบูรณ์ครับและดีใจนำเพิ่นครับ ..น้องต่าย...

[นที..ธาร]

ชอบทั้งสองคํ่า...
โดนโดนทั้งสองคํา..

[หนุ่มเหงาคนไกลบ้าน]

หวานใจ น่าจะเป็นคนที่เฮาประทับใจเเอบปลิ้มประมาณนั้นน้อครับ
คนรู้ใจ น่าจะเเม่นคนที่่เข้าใจเฮาละมังครับบ่อรู้คือกันชีวิตกำลังสับสนครับอิอิ

[ต่าย]

บ่าวพี : ให้นิยามได้ชัดเจนบ่มีกั๊ก..สมกับเป็นสมาชิกจันทร์ป่วงของต่าย ฮ่าๆๆ
...........โดนใจประธานนำเด้..แม่นคักๆ คนที่เฮาแอบปลื้มคือ หวานใจ ใช่แน่ๆ
......... ..เอาไปเลย สิบแต้ม

สาวมุก...จะแม่นอ้ำอึ้งแสดงว่ามีนิยามเฉพาะอิอิ..บ่ซั้นกะลังเลจั๊กสิจัดว่าอยู่คำไหน
...........มีคำใหม่กะว่ามาโลด..ต่ายสิได้จัดหมวดคำอีกใหม่ อิอิ

อ้ายข้าวจี่..หืยยย ตอบแบบระวังคัก..แบบรักพี่เสียดายน้อง ฮ่าๆๆมีเลศนัยคือกัน
............แต่ยังบ่ยอมบอกนิยามให้ต่ายฮู้เด้..จอบไว้ในใจ..คักๆ เอาไปแต่งเพลงได้จ้า