หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

แคมปิ้งที่สวนยาง กลางเขาใหญ่ ปราจีนจ้า

  1. #1
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    616

    แคมปิ้งที่สวนยาง กลางเขาใหญ่ ปราจีนจ้า


    มื่อนี่ ลั่นลันลา สบายๆ เคลียร์งานจบ กะเลยได้มาเลาะเล่นในบ้านมหาจ้า
    แล้วกะเลาะเบิ่งไฟล์รูปเก่าๆของจะของ พอดีไปพ้อรูป ไปแคมปิ้งที่เขาใหญ่มา บรรยากาศดี
    กะเลยเอามาให้เบิ่งนำกันจ้า เพื่อมีไผ๋อยากไปพักผ่อน ผ่อนคลาย
    สบายๆ ก็เชิญเด้อจ้า หาโอกาสให้กับชีวิตจะของ จะได้มีพลังในการดำเนินชีวิตต่อไปจ้า
    ที่นี่กะมาๆมาเบิ่งรูปนำกัน แคมปิ้งที่สวนยาง กลางเขาใหญ่ ปราจีนจ้า


    [COLOR="Green"]บ้านพักในสวนยาง กลางเขาใหญ่ฝั่งปราจีนจ้า กว่าจะเดินทางมาถึง ต้องผ่านลำห้วยลำธาร
    ภูเขา สูงชัน ขับรถไปตามธารน้ำเด้อจ้า บ่แม่นถนนดอก เข้าไปลึกเติบ กว่าจะถึงสวนยาง จนชวนให้คิดว่า จะมีสวนยางที่กว้างใหญ่อยู่บ้อฮึหนิ/COLOR]
    แคมปิ้งที่สวนยาง กลางเขาใหญ่ ปราจีนจ้า

    พอมาถึงแล้วก็เป็นอย่างที่เห็นนี่หล่ะจ้า
    แคมปิ้งที่สวนยาง กลางเขาใหญ่ ปราจีนจ้า

    สวนยางกลางเขาใหญ่ ประมาณ 500 กว่าไร่จ้า
    แคมปิ้งที่สวนยาง กลางเขาใหญ่ ปราจีนจ้า

    เข้ามาถึงสวนก็ดึกแล้วบ่ได้เห็นหยัง ตื่นเช้าก็เลยเลาะเบิ่งคนงานเพิ่นกรีดยางจ้า
    แคมปิ้งที่สวนยาง กลางเขาใหญ่ ปราจีนจ้า

    กรีดแล้วเพิ่นกะเอามาเข้าเครื่องทำเป็นยางแผ่นกันจ้า
    แคมปิ้งที่สวนยาง กลางเขาใหญ่ ปราจีนจ้า

    ยางสีขาวสวยงามมากจ้า
    แคมปิ้งที่สวนยาง กลางเขาใหญ่ ปราจีนจ้า

    ย่างเลาะเมื่อยแล้วกะเข้าครัวก่อนเด้อพี่น้อง
    แคมปิ้งที่สวนยาง กลางเขาใหญ่ ปราจีนจ้า

    หอมๆขนมปังจากเตาขนาดเลยจ้า เตาปิ้งขนมปังเพิ่นกะทันสมัยขนาด คิคิ เป็นได้ทั้งกระทะจ้า
    แคมปิ้งที่สวนยาง กลางเขาใหญ่ ปราจีนจ้า


    แคมปิ้งที่สวนยาง กลางเขาใหญ่ ปราจีนจ้า

    แล้วกะได้เวลาหม่ำๆๆจ้า สมาชิกทุกคนมาพร้อม ก็ลุยกันเลย มาเด้อพี่น้องมากินข้าวเช้านำกันจ้า เป็นฝาหรั่งจักหน่อยก่อนมื่อนี่ คิคิ
    แคมปิ้งที่สวนยาง กลางเขาใหญ่ ปราจีนจ้า

    พอท้องอิ่มแล้ว กะมีแฮงนั่นตั้วหล่ะพี่น้อง หาหม่องไปท่อนั่นแหล่วจ้า อยากไปเห็นทะเลหมอกพ่ะนะ หาหม่องนอนใหม่ ที่ใกล้ๆดาวว่าซั่นสมาชิกเพิ่นว่า
    กะเลยต้องอพยพโยกย้ายหม่องนอนใหม่ในคืนนี่ ไปอีกยอดเขาหนึ่ง เป็นสวนยาง 300 กว่าไร่ เพิ่งปลูกใหม่เทิงยอดเขาจ้า ฮ่วยๆเว่าเป็นตาน่าสนใจแท้
    ไป่กะไปแล้วนั่นแหล่วจ้า มาๆๆไปเบิ่งนำกันซั่นพี่น้อง

    นี่หล่ะจ้าทะเลหมอกเทิงเขาใหญ่ ฝั่งเขาแผงม้า ปราจีน ขนาดว่ายามแลงๆ บ่ายสี่โมงแล้วหมอกยังเต็มอยู่เลยจ้า
    แคมปิ้งที่สวนยาง กลางเขาใหญ่ ปราจีนจ้า

    พอย่างชมวิวถ่ายรูปกันจนคักใจแล้ว กะหาหม่องกางเต้นท์ตั้งแคมป์ท่อนั่นแล้ว เลือกๆๆ
    เอาหม่องลานหญ้า กว้างๆ แต่เบื้องหลังเป็นหน้าผาสูงชันมากๆ เหลียวลงไปกะ.....หดพู้นหล่ะจ้า สำหรับท่านผะชายน่ะ คิคิ
    แคมปิ้งที่สวนยาง กลางเขาใหญ่ ปราจีนจ้า

    นี่หล่ะจ้าเต้นท์นอนฝีมือการกางของคะน้อย
    แคมปิ้งที่สวนยาง กลางเขาใหญ่ ปราจีนจ้า

    อากาศบนเขาใหญ่เดือนกุมภาฯ ยามกลางคืนกะเย็นๆหนาวๆจักหน่อยอยู่จ้า ปิ้งๆย่างๆ
    กับแคมป์ไฟกะเลยไปกันได้ดีขนาดจ้า มากินปลาย่าง บาบีคิว นำกันเด้อพี่น้อง ฝึมือการย่างของพี่สาวจ้า
    แคมปิ้งที่สวนยาง กลางเขาใหญ่ ปราจีนจ้า

    หลังอาหารค่ำแล้ว อั่นเต้นท์ที่กางไว้น่ะ บ่ได้นอนดอกพี่น้อง ย้อนว่าเพิ่นอยากพากันนอนชมดาวว่าซั่น ก็เลยนอนกันนอกเต้นท์นั่นหล่ะ ไผใคร่หลับกะหลับไป ไผใคร่เล่าเรื่องก็เล่าไปสลับกันเล่าสลับกันฟัง พอเดิกๆๆข่อนกะหลับป๋ากันจ้า ตื่นขึ้นมาอีกเทื่อ ได้ยินเสียงม้าแล่น ฮ่วยเช้าแล้วตั้วหนิ คนงานพาลูกม้าออกมาแล่นเล่นจ้า ปาดบรรยากาศยามมื่อเช้า กะได้ใจอีกแล้วจ้า ตื่นไปแล่นแข่ง โอ๊ะ ไปแล่นเล่นกับลูกม้าก่อนเด้อจ้า คิคิ
    แคมปิ้งที่สวนยาง กลางเขาใหญ่ ปราจีนจ้า


    ความสุข ความสะดวกสบายทั้งหลาย ก็ต้องขอบคุณ พี่สาวที่แสนดีคนนี่จ้า พี่เจี๊ยบ เจ้าของไร่ที่ใจดี กับน้องเสมอๆ
    บ่ว่าสิต้องการหยังเพิ่นจัดการหาให้หมดเลยจ้า หน้าฝนปีนี้กะว่าสิไปกันอีก ได้บรรยากาศลุยๆน้ำเข้าไร่ไปอีกแบบจ้า มาเด้อพี่น้องมาไปลุยนำกัน
    "ไป่บ่อ้ายไปนำน้องบ่" ทริปลุยเขาใหญ่จ้า:l-

    แคมปิ้งที่สวนยาง กลางเขาใหญ่ ปราจีนจ้า
    แก้ไขครั้งสุดท้ายโดย สาวเมืองกะสิน; 02-09-2010 at 23:24. เหตุผล: พิมพ์ผิด พิมพ์ตก


  2. #2
    แบ่งปันความรู้และประสบการณ์ สัญลักษณ์ของ หนุ่มห้วยสีทน
    วันที่สมัคร
    Jun 2009
    กระทู้
    260
    ปิ้งปลาคือ เข้ากับบรรยาการแคมปิ้งคัก แท้ ไปมื้อหน้าชวนแน่เด้อครับ

  3. #3
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    อยากสิเอาไปปลูกยุสวนยางผมเด้ อยากมีบ้านในสวนแบบนี้ละครับ อาหารตอนแลงคือสิแซบน้อครับ

  4. #4
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    บรรยากาศงามดีเนาะจ้า น่าไปนำยุจ้า..

  5. #5
    ศิลปิน,ช่างภาพอิสระ สัญลักษณ์ของ เพ็นนี
    วันที่สมัคร
    May 2009
    ที่อยู่
    Bangkok
    กระทู้
    1,387
    บล็อก
    2
    ไปด่นไปเอื้อย อยากไปเด้คือสิม่วนเนาะ

  6. #6
    แบ่งปันความรู้และประสบการณ์ สัญลักษณ์ของ บ่าวผู้ดี
    วันที่สมัคร
    May 2009
    กระทู้
    270
    อยากไปครับ บรรยากาศแบบนี้หละครับ สุดยอดเลยมักหลายครับ

  7. #7
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    ขอบคุณครับสำหรับภาพและบรรยากาศงามๆครับ

  8. #8
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    บรรยากาศน่าไปยุ เป็นตาไปนอนแท้

  9. #9
    แบ่งปันความรู้และประสบการณ์ สัญลักษณ์ของ บ่าวต้นฅนมุกดาหาร
    วันที่สมัคร
    Sep 2008
    ที่อยู่
    ..."มุกดาหาร"...
    กระทู้
    794
    เมืองไทยกะมีหม่องเที่ยวหลายเนาะครับ..มีแต่หม่องสวยๆงามๆ...บ่ต้องไปหาเที่ยวไกลกะได้ดอกผมว่า..ประเทศไทยนี้ละดีแล้ว

  10. #10
    ร่วมถ่ายทอดความรู้สู่สังคม สัญลักษณ์ของ สาวเมืองกะสิน
    วันที่สมัคร
    Sep 2007
    กระทู้
    616
    ขอบคุณทุกๆคนจ้าที่เข้ามาชมมาเว้าแสดงความคิดเห็นนำกัน ตอนนี่กำลังตกมื่อกันอยู่จ้าว่าไปมื่อได๋ว่างตรงกันบ่ ถ้าสิไปนำกะมาเด้อจ้า ที่ยังบ่เต็มจ้า ยินดีต้อนรับทุกๆท่านจ้า

    เห็นด้วยกับบ่าวต้นคนมุกดาหารเด้อจ้า ว่าเมืองไทยมีหม่องเที่ยวหลากหลาย แล้วเยอะมากๆที่เฮาทั่นได้ไปหมดอยู่
    สาวเมืองกะสินกะตั้งใจไว้ว่า จะพยายามไปเที่ยวให้ทั่วถึงจ้า โดยเฉพาะที่ๆคนบ่ค่อยรู้จัก บ่แม่นแหล่งท่องเที่ยวที่มีชื่อเสียง
    แต่เป็นสถานที่ธรรมดาๆ อำเภอ เมือง หมู่บ้าน ฯลฯ ไปเบิ่งวัฒธรรมท้องถิ่น ไปชมวิถีชีวิต ไปตามหาอดีต ของความเป็นของคนไทยเฮา
    ไปเบิ่งวิถีที่เปลี่ยนไป ไปคุยกับผู้คนในท้องถิ่น เพื่อให้เฮาได้รู้จักเมืองไทย พี่น้องคนไทยเฮาให้ดีน่ะจ้า

    คือว่านั่นหล่ะ "เที่ยวเมืองไทย ไม่ไปไม่รู้" เงินไทยไม่รั่วไหลจ้า