หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: เขาว่าข่อยเป็นลาว

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773

    เขาว่าข่อยเป็นลาว

    เขาว่าข่อยเป็นลาว

    ข่อยนั้นหากเป็นคนทุกข์ไฮ้ปากก่ำกินมันหมก
    ตกหว่างซาตาส่วยอยากสิรวยดอกนำเผิ่น
    ระหกระเหินออกจากบ้านหวังทางแก้พ้นทุกข์จน
    เข้ามาหาซอกค้นงานการอยู่เมืองล่าง
    งานนั้นหากแม่นก่อสร้าง เทิงรับจ้างแม่นทั่วไป
    เจ้านายเขาใช้อีหยังบ่อเคยเกี่ยง เถียงกะเถียงบ่อขึ้น เพราะเขานั้นเป็นเจ้านาย
    ย่างไปไสเขากะย้องว่าคนลาวมันใช้ง่าย หนักปานใด๋กะเฮ็ดได้ เบานั้นกะค่อยทน
    ฟังเสียงคนเมืองหลวงเว้าว่าลาวเอ้ยจั่งแม่นซื่อ โง่หลายจนซื่อบื้อ ยังเจ็บแค้นอยู่บ่อเซา
    ฮู้จั่งใด๋ล่ะหมู่เจ้า เอาเกณฑ์หยังล่ะมาว่า ท้าพนันกันกะได้ โตข่อยนี้เซื้อซาติไทย
    เบิ่งบัตรประซาซนข่อยกะได้ สัญซาติไทยกะหากแม่น
    เพียงแต่เกิดอยู่แดนภูมิอีสานถิ่นแคว้น ส่างหาเอิ้นว่าลาว

  2. #2
    ศิลปิน นักร้อง นักแสดง สัญลักษณ์ของ จ่าเหลือง
    วันที่สมัคร
    Mar 2010
    ที่อยู่
    กรุงเทพ
    กระทู้
    1,538
    ไทยลาวกะอ้ายน้องกันฮันละ ไผสิว่าหยั่งกะส่างเขาเฮาคือโตของเฮา

  3. #3
    ร่วมถ่ายทอดความรู้สู่สังคม สัญลักษณ์ของ หัวหน้าจ๋าย
    วันที่สมัคร
    Jul 2008
    ที่อยู่
    ทำงานอยู่แถวสะพานใหม่
    กระทู้
    298
    แบบได๋...แบบได๋..ที่เขาเรียกอ้ายเสี่ยวว่ากินแต่ข้าวเหนียวจิ้มต่อนปลาแดก..
    เจ้าสิเป็นไทยหรือลาวหรือเชื้อชาติได๋กะตามซาง มันสำคัญอยู่ตรงเป็นคนฮู้ผู้ดี ซื่อสัตย์ จริงใจเด้อ
    เดี๋ยวนี้..ผบ.ตร.แห่งชาติ พลตำรวจเอก วิเชียร พจน์โพธิ์ศรี กะคนขอนแก่นบ้านเฮาหล่ะครับผมภูมิใจหลายๆถึงไผสิเอิ้นผมว่าลาวกะซางเพิ่นเถาะ ย้อนว่าภาษาบ้านผมกะลาวอิหลี...เด้อสิบอกให่

  4. #4
    ศิลปิน นักแต่งผญา สัญลักษณ์ของ พลายแก้ว
    วันที่สมัคร
    Dec 2008
    กระทู้
    630
    แม่นอิหยังน้ออ้ายข่อย น้อยใจหม่องได๋พี่
    เคียดยุตี้คำคนเว้า ที่คะเจ้าเอิ้นว่า "ลาว"
    กะซ่างเขาเถาะอ้าย อย่าสนใจคำคนว่า
    บาดยามเมามานั้นน้า แม้แต่หน้าคนอยู่เฮือนกะยังจำบ่ได้
    อย่าไปเคียดคิดแม่นคิดซัง..เถาะอ้ายเอ้ย..ฮ่าๆๆๆๆ



    :l-

  5. #5
    แบ่งปันความรู้และประสบการณ์ สัญลักษณ์ของ หนอนชาเขียวโออิชิ
    วันที่สมัคร
    Mar 2009
    ที่อยู่
    อ.ปะคำ จ.บุรีรัมย์
    กระทู้
    423

    น้องกะคือกันหล่ะอ้าย
    มีหน้าตาเป็นสัญลักษณ์
    เวลาเฮาซื้อของนำเว่าไทยกับเขาอย่างดี
    ตอบลาวมาจ้อย ซั้งๆๆ

  6. #6
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    ลาวกะคน..ดวงกะมล..นั้นใสซือ
    เฮาบ่ได้ซื่อบื่อ..คือคนเว้าดอกว่ากัน
    แต่เฮานั้น..มีจิตหมั่น..กตัญญูผู้มีค่า
    มีเมตตาเอื้อเฟื้อ..เฮานั้นจั่งอยู่เย็น...ตั้วอ้ายเอ้ย

    บ่ต้องอายหรือน้อยใจดอกอ้ายเอ้ย..ข่อยกะเชื้อสายลาว แต่สัญชาติไทย 100%
    :l-

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    น้ำสิถ่วมฟ้าปลาสิกินดาว ลาวสิครองเมือง
    อย่าไปเคืองคำคนขอด ไผสิหว่าก่ะส่างหัว
    ขอแต่เฮาชัวร์ชัวร์ บ่ตีหัวหมาด่าแม่เฒ่า
    คนหย่างดินกินเข่า(ข้าว) อย่าไปซาบ้าบิ่น
    แต่นกบินอยู่เทิงฟ้า ยังกลัวย้านหนังสะติ๊ก..เนาะ
    (ขอลงแบบโตนซานสับโลดเถาะฮึฮึ...เคียดเด๊ะ)

  8. #8
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    พงเผ่าเซื้อเนื้อถิ่นดินอีสาน
    มีแต่บูราณกาลพุทธะธรรมนำแจ้ง
    คนเขาว่าอิสานแล้งแห้งสินธุ์ดินไหง่
    แต่น้ำใจไหลหลั่งล้นคนต่างบ้านกะบ่ปาน
    พงอิสานเซื้อเครือกันแต่กำเนิด
    คนเลือกเกิดบ่ได้ดีชั่วเป็นตัวตัด
    วัฒนธรรมเฮาฮุ่งภาษาธรรมกะมีอ่าน
    เสียงเสพสนดนตรีอ้างของเฮาหั้นกะหากมี
    ......อีสานมีแต่แนวดีๆจ้า

  9. #9
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,175
    บล็อก
    3
    จ้า ลาวคือว่าล่ะจ้าทางนี้ หน้าตาให้อยู่อิอิ หน้าลาวๆจ้า ภูมิใจจ้าอิอิ ภาษาม่วนแดะจ้าลาว

  10. #10
    ศึกษาหาความรู้ สัญลักษณ์ของ ARUNG
    วันที่สมัคร
    May 2009
    กระทู้
    18
    สิไทยสิลาว อิสานบ้านเฮาบ่เคยว่าสิบ่ฮักแพงกันดอกครับ

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •