มื้อนี้พอว่าง จ้าหลังจากลงจากฮ้านจัดรายการทางสถานีบ้านมหาแล้ว กะไปตลาดใกล้ๆบ้านหาแนวกินแลง ในที่สุดนู๋น้อยกะพ้อแล้ว ฮ้าๆ
มีร้านมาขายเส้นก้วยจั๊บกับหมูยอจากทางเมืองอุบล พะนะ:l-
กะเลยซื้อหมูยอ กะลูกชิ้นมา 1 ถุงค่ะ แล้วกะย่างไปหาซื้อเครื่องต้มก้วยจั๊บต่อ
ฮ้าๆ ได้กระดูกหมูมา เคิ่งโล แล้วกะหาซื้อหอมผักคื่นฉ่าย ต้นหอม ผักชี แล้วกะหิ้วของพะลุงพะลังเมือบ้าน
มาฮอดบ้านแล้วกะล้างมือ ล้างหน้าให้สดชื่นก่อนฮ้าๆๆ เก็บของเข้าตู้เย็นแล้วกะลงมือ ต้มก้วยจั๊บได้เลยจ้า
1.ล้างเส้นก้วยจั๊บก่อน เพราะถ้าต้มเลยจะเฮ้ดให้น้ำก้วยจั๊บข้น เกินไปจ้า ปรุงบ่เข้ารสชาต
2.ล้างกระดูกหมูให้สะอาดแล้วกะใส่น้ำพอประมาณ กะเผื่อใส่เส้นนำ(เส้นอืด) ฮ้าๆ ใส่เกลือ 2 ช้อนโต๊ะตอ่น้ำเคิ่งหม้อ กะรากผักชี+ต้นคื่นฉ่าย
3.แกะหมูยอออกจากใบตองล้างให้สะอาด กับลูกชิ้น เห็ดฟางดอกน้อยๆ ล้างให้สะอาด หั่นเป็นชิ้นๆพอดีคำ แล้วพักไว้ก่อน
4.พอน้ำเดือนกะใส่เส้นลงไป ต้มจนเส้นสุก แล้วกะใส่ หมูยอ ลูกชิ้น เห็ดฟาง ลงไปค่ะ
รอจนสุกแล้วจั่งใส่ผักมื้อนี้นู๋น้อยเลือกผักกาดขาว เพราะมีในตู้เย็นลืมซื้อผักคะน้า
ชิมรสชาิตว่าต้องเติมหยังเพิ่มบ่ แต่สำหรับนู๋น้อยบ่ต้องจ้า พอดีแล้ว รสกลมกล่อมโดยบ่ต้องปรุงเพิ่ม เพราะได้ความมันความหวานจากกะดูกหมู
ความหวานพอดีที่ออกมาจากเห็ดฟาง แล้วกะความอร่อยที่ออกมาจากหมูยอ ครบรสแล้ว โรยหอมโป๊ะหน้าเป็นว่าเรียบร้อยจ้า
สุดท้าย ตักใส่ถ้วยปรุงรสตามมักจ้า เผ็ด เปรี้ยว เค็ม หวาน กะเพิ่มเอาเอง ฮ้าๆ
แต่สำหรับนู๋น้อย เผ็ดนำ หวานตาม เปรี้ยว กะเค็มสุดท้าย บ่กินเค็ม ฮ้าๆ
:b-b จากครัวนู๋น้อย เช่นเคยค่ะ
Bookmarks