กำลังแสดงผล 1 ถึง 9 จากทั้งหมด 9

ยามที่ข่อยสูนหลาย

  1. #1
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941

    ยามที่ข่อยสูนหลาย


    พี่น้องเคยบ่ครับ เวลาเมือย ๆ มีคนมาล้อมาหยอก ข่อยล่ะสุนหลาย ๆ สมัยเป็นเด็กน้อยเวลาเอาคุไปหาบน้ำอยู่สระ หย่างมาฮอดเคิงทาง ซุมนั่งอยู่หน้าบ้านกะล้อเลียน "ฮ่า ๆ หาบน้ำหยังคือแอวอ่อนแถะพะนะ" ข่อยล่ะซังหลาย หาบน้ำยังปลงยังวางเซามีแฮงระหว่างทางได้

    นาข่อยอยู่ติดถนน ยามหาบข้าวใส่ลาน กะสิมีไม้ขาหยั่งวางไม้คันหลาว เอามัดข้าวสอดใส่ข้างละทอ ๆ กัน บางเทือเสียบหมิ่นหลายกะถุยน้ำลายใส่ไม้คันหลาว เพื่อให้มันฝืด บางเทือมัดข้างหลังหลุด ข้างหน้ากะยกขึ้น

    หย่างนำคันแท ถ้าลมแฮง ๆ แทบสิตกคันแท ต้องหยุดให้ลมมันผ่านไป เพราะลมสิมาเป็นพัก ๆ ซุมหย่างไปนากะล้อข่อย "แจ๋นแล่นแจ๊น ๆ ๆ เอิ๊บ ๆ ๆ" พะนะ ข่อยล่ะสุนแฮง สิวางกะวางบ่ได้ เมื่อยกะเมือย

    ซูมื่อนี่แล่นออกกำลังกายรอบที่ทำงาน ช่วงรอบสุดท้ายเป็นช่วงที่แล่นสปีดเข้าเส้นชัย ข่อยละสุนซุมหมู่เด็กน้อยพากันปั่นรถจักรยานเล่นปาดหน้าข่อย ซุมที่นั่งป้อนข้าวลูกอยู่ข้าง ๆ กะถามข่อย "เถ่าพลเอ้ย เจ้าแลนได้จักรอบแล่ว" พะนะ ข่อยล่ะซังหลาย ฮังกำลังเมือย ๆ อยู่ ข่อยกะบ่ตอบแหล่ว

    เวลายกของหนักกะคือกัน เวลามีคนหย่างขวางทางข่อยละสุนฮึบ ๆ โลด ฉะนั้นอย่าทักอย่าถามยามคนยกของหนัก หรือกำลังเฮ็ดกิจกรรมหยังที่กำลังเมือย ๆ อยู่เด้อ มันสุน ฮ่า ๆ ๆ

    "เฮ้ย พลเอ้ย งานที่สั่งให้พิมพ์เสร็จหรือยัง" ฮ่วย แมนหยังอีกน้อบาดเนี่ย ข่อยล่ะมาสุนแฮงแถะหือ คนกำลังเล่นแชตบ่มืนตาบ้อ เจ้านายกะดาย ฮ่า ๆ ๆ ยามที่ข่อยสูนหลายยามที่ข่อยสูนหลาย
    แก้ไขครั้งสุดท้ายโดย พล พระยาแล; 13-09-2010 at 14:11.


  2. #2
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,045
    บล็อก
    8

    พบปะพูดคุย

    ตอนนี่ถามได้บ่ซั่นอ้ายพล... อ้ายพลเอ๊ย เข้าไปเยี่ยมผู้สาวเกือบซุบ้าน
    เมื่อยบ่น้อ คิดฮอดทุกบ้านซงซิเมื่อยเนาะ

  3. #3
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,941
    อ๋อ อันนี้บ่เมือยดอก แนวมักแมะ ฮ่า ๆ ๆ กรี๊ด ๆ ๆ

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,362
    บล็อก
    23
    อยากเห็นอ้ายพลตอนหาบน้ำเด้เนาะ คือสิเป็นตาเบิ่งหว๋า.. กับอั่นตอนย่างไปตามคันนาแม่ะ เป็นเหยาะส่วงเล่นไปนำหลังเนาะ.. ฮ่าๆๆๆๆๆๆ

  5. #5
    ฝ่ายเทคนิค และถ่ายทอดสด สัญลักษณ์ของ อาวอ้วนเมืองยศ
    วันที่สมัคร
    Apr 2010
    ที่อยู่
    เมืองบั้งไฟ
    กระทู้
    1,594
    คือกันอ้าย บ่เบิ่งบ้อเจ้านายแมะ คนกะลังแชท ยังสิมาถามเรื่องงานยุ อิอิ
    บ่เคยมีงานหยังเกี่ยวกับคอมพิวเตอร์เลยแมะ
    แต่มานั่งเครื่องคะเจ้าประจำ อิอิ

  6. #6
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,718
    มันเป็นนำจะของนั่นละ แนวมักไปหาแซวคนอื่นก่อน อิอิ....มันแม่นบ่อละ

  7. #7
    ร่วมถ่ายทอดความรู้สู่สังคม สัญลักษณ์ของ เมษา
    วันที่สมัคร
    Jan 2009
    ที่อยู่
    UK and BKK.
    กระทู้
    991
    กระทู้ต้นฉบับโดยคุณ อาวอ้วนเมืองยศ
    คือกันอ้าย บ่เบิ่งบ้อเจ้านายแมะ คนกะลังแชท ยังสิมาถามเรื่องงานยุ อิอิ
    บ่เคยมีงานหยังเกี่ยวกับคอมพิวเตอร์เลยแมะ
    แต่มานั่งเครื่องคะเจ้าประจำ อิอิ


    5555555555555555 มาซางคือกันแถ่ะอาว โมโหเนาะคนกำลังหยุ่ง(แชท)มาถามนั่นถามนี่หนี่ ส่ะบ้อๆๆ พะนะ :l-

  8. #8
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    629
    บางเทือมัดข้างหลังหลุด ข้างหน้ากะยกขึ้น

    ...อั่นนี้เห็นภาพเลยครับ คนแฮงเมื่อยๆ มันสุนอิหลีเด้เน๊าะ...จำเป็นกะต้องปล่งลง เสียบใหม่อีก...
    เมื่อยกะเมื่อ คายกะคาย เหงื่อกะออกหลาย เหนียวโตบาดนิ...สุมื้อดีหน่อย มีรถเข็น บ่ต้องหาบ...

  9. #9
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ้ยแมนเป็นป้า ป้ากะต้องสูนคือกันหล่ะเนาะ คนกำลังเมื่อยๆนี่ ป้าก็สิด่าแบบผุดีให้ฟังยุคือกัน
    ฮั้นแหล่วลองเบิงทัวะ อิอิอิอิ


Tags for this Thread