ผุบ่าวซำน้อย

[บ่าวหาร]

เรื่องกะมีอยู่ว่าบ่าวป่องเราหละเป็นผู้บ่าวซำน้อยเรากะมีผู้สาวอยู่ผู้นึง มื้อนั้นอยู่บ้านกะมีหนังกางแปง(หนังอ้อมผ้า)นา กะเลยชวนผู้สาวไปเบิ่งหนังเรากะขอเงินแม่นั้นหละ ขอได้ 20 บาท หนังหละบัตรละ 10 บาท/คน มันกะเข้าได้สองคนพอดีเนอะ ซิชื้อของกินให้ผู้สาวตอนเบิ่งหนังกะบ่ได้ เงินบ่พอ บ่าวป่องเรากะเลยซื้อบัตรให้ผู้สาวเข้าไปก่อน กะว่าเจ้าของซิลอดผ้าเข้าไปว่าเถอะ"เจ้าเข้าไปก่อนเด้อเดี๋ยวข่อยซิหาซื้อปลาหมึกย่างเข้าไปกิน" เว้าแล้วผู้สาวกะเข้าไปก่อน เรากะไปหาซื้อปลาหมึกย่างแล้วกะหาหม่องลอดผ้าเข้าไปซะแหล่ว บัดตอนลอดเข้าไปติบัดนี้ บัดพ้อผู้สาวนั่งอยู่หม่องนั้นพอดี หน้าเสียเบิดบ่าวป่องกะดาย เรากะเลยเว้าขึ้นว่า.........เอาฮอลล์นำอยู่บ่.......(ย้านเสียฟอร์มนา):1-

[บ่่าวสุดเขต]

5555.........โอ้ยจั่งแม่นลอดเข้าไปถืกหม่องคักน้อ