หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 23

หัวข้อ: ห่ำไห้เห็นไห่นา

Hybrid View

คำตอบที่แล้วมา คำตอบที่แล้วมา   คำตอบถัดไป คำตอบถัดไป
  1. #1
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986

    ห่ำไห้เห็นไห่นา

    เห็นผืนนาแล้วอยากไห้ เห็นน้ำไหลใจโหลดสั่น
    อยากผันโตมาอยู่บ้าน ใจสะท้านดอกป่วนใจ
    จั๋กสิเฮ็ดได๋ได้ หย่อนมาไกลหลายเอานิ
    ชีวิตมีถิ่มบ่อได้ ความฝันใกล้หากแมนไกล
    ลมพัดไหวบนยอดเข่า เฮ็ดให้เฮาต้องลาท่ง
    อันสายลมพัดต้อง เฮ็ดให้น้องดอกอ่อนไหว
    ยินเสียงกบเขียดฮ้อง เข้าทำนองต้องจากห่าง
    จำใจต้องลาล้าง คันแทนี้ข่อยย่างเดิน
    อกสะเทินเบิ่งไป เทิ่งทิวไผ่ใจหวิว หวิว
    เห็นทิวแถวป่าไม้ อยู่ไกลลิ้วผัสห่วงนำ
    ไผ๋สิทำนาให้ ยามลูกไกลไผ๋สิฮ่ำ
    ลูกก้อนคำขออ้อนวอนเทพให้ซ่อยหนู
    คันแมนมีผลายู้บุญชูนำส่ง
    ให้อนงค์นารถน้อง นางหล่าได้ต่าวมา
    ให้ได้พลิกผืนหญ้า คันแทนาคันเก่า
    ให้ได้เลามาบ้าน พัฒนาการให้ฮุ่งเฮือง สั่นแล้ว สาธุ
    แก้ไขครั้งสุดท้ายโดย ข้าวต้มมัด; 18-09-2010 at 19:04.

  2. #2
    ศิลปิน นักแต่งผญา สัญลักษณ์ของ หญ้านาง
    วันที่สมัคร
    Jul 2009
    กระทู้
    619
    ยามมื้อแลงตะเว็นค้อย
    ลอยลับลงเขา
    สาวชาวนาคือเฮา
    เมาแต่เสียงจะนาฮ้อง
    .....บ่มีโอกาสกินเหล้ากะเมาเสียงเขียดเอาดอกจ้า อิอิ

  3. #3
    ศิลปิน นักแสดง สัญลักษณ์ของ แมงงอดน้ำ
    วันที่สมัคร
    Mar 2010
    ที่อยู่
    จอมเทียน เมืองพัทยา
    กระทู้
    291
    กรี๊ดดดดดดดดด เฒ่าข้าวต้มมัดเจ้ากะลักแต่งผะย๋าเป็นปานนี้ติเฒ๊าหวึยๆๆๆ คือเก่งแท้ม่วนยุตั่วละ
    ยาย แต่งดู๋ๆเข้าสิได้เก่งๆ ส่ำนี้กะจินตนาการออกเลยล่ะ คือสิมีภาคต่อไปยุเน๊าะยาย

  4. #4
    ร่วมถ่ายทอดความรู้สู่สังคม สัญลักษณ์ของ ปั้ม อาภัพ
    วันที่สมัคร
    May 2010
    กระทู้
    359
    ป้าด ป้าด เพื่อนคื่อเฒ่าลงหลายแท่โตแหม เป่นยูติมวนๆ มิน่าล่ะ ไปส่งขึ้นเครื่องมันหนักหยัง ที่แท่แมนแฟ้มผญา เเต่งไห่เก่งเด้อ ไห่สมหอบเอาไปน่ำ(ใจมันรัก)

  5. #5
    Miss Papaya
    ศิลปิน นักแสดง
    แม่ครัวบ้านมหา
    สัญลักษณ์ของ สาวผู้ฮ้าย
    วันที่สมัคร
    Jun 2008
    กระทู้
    1,262
    เคๆๆๆๆๆๆๆๆๆๆๆ เพื่อน แต่งบ่ได้คือโตดอก

    คิดฮอด อ้อมกอดยุเด้อ เพื่อน จุฟๆๆๆจ้า
    :b-b เมรีขี้เมา :b-b

  6. #6
    ฝ่ายบริหารระดับสูง สัญลักษณ์ของ ตรี ศรีเมืองใหม่
    วันที่สมัคร
    Apr 2006
    ที่อยู่
    หนุ่มอุบล คนศรีเมืองใหม่
    กระทู้
    4,490
    บ่อต้องห่วงเด้อหล่า นาเจ้าอ้ายสิเบิ่งใว้ให้ดอกจ้า รับรองบ่อเอาไปเข้า ธกส. อิอิๆๆ
    :welcome3"...ศรีเมืองใหม่แดนธรรมประเสริฐ ถิ่นกำเนิดหลวงปู่มั่น ลือลั่นสวรรค์ภูหล่น ยลสวยหินผานางคอย ลอยล่องแก่งจุการ งามตระหง่านเสาธงวงกลมใหญ่...">>>>> www.muangmai.ob.tc

  7. #7
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,949
    นั่งเทิ้งเถียงนาน้อย มองไปแล้วใจฮ่ำ ข้าวที่ดำน้ำมาท่วม
    ตายน้ำตั้งว่าหลาย แสนเสียดายแท้เด้เจ้า ฝนบอเซาน้ำนองเจิ่ง
    ตายเป็นเวิงเบิ๊ดความเว้า เสียดายข้าวอีแม่เอ้ย ฤดูการก็ผ่านเย้ย
    เลยเขตปักดำ ซุมที่ทำนาปี แมนบอมียังซ้ำ รอถ่าดำอีกปีหน่า
    ไถฮุดนาฝนฟ้าใหม่ ข้าวมาตายแล้วปีนี่ ปีหน่า จังว่ากันเนาะพี่น้อง

  8. #8
    ศึกษาหาความรู้ สัญลักษณ์ของ โก๋ดง
    วันที่สมัคร
    Mar 2010
    ที่อยู่
    หนองหาน
    กระทู้
    205
    อ่านแล้ว กะฮู้สึกว่า มันเศร้าๆเนาะ สุดท้ายบ้านเกิดเมืองนอน คือเป็นสิ่งที่ ทุกๆๆคนโหยหา
    ขอให้สายสมรน้อย พลอยนิอรน้ำล้นฝั่ง ที่ไปเนาอยู่ยั้ง กรุงกว้างให้ห่วงหลัง
    ตู๋หลูเอ้ย อิแม่พั้วดอกหว่าน อย่าไปบานบ้านเพิ่น
    ตู๋หลูเอ้ย อิแม่พั้วดอกต้าง อย่าลืมบ้านถิ่นสถาน

  9. #9
    ร่วมถ่ายทอดความรู้สู่สังคม สัญลักษณ์ของ บ่าวกบินทร์
    วันที่สมัคร
    Apr 2007
    ที่อยู่
    ซุหม่อง...ที่ไป..!!!
    กระทู้
    598
    แวะมาให้กำลังใจจ้า...แต่งบ่เป็นนำดอก แต่มักอ่าน....
    เป็นตาเป่าแคนใส่เน๊าะ...น้ำตาคือสิลักไหลบ่ฮู้เมือ......

  10. #10
    ศึกษาหาความรู้ สัญลักษณ์ของ ข้าวต้มมัด
    วันที่สมัคร
    Aug 2010
    กระทู้
    986
    อันทุงนาเวิ้งว้าง กว้างใหญ่ ไพศาล
    ลมพัดข้าว โอนไหวเป็นลู่
    ลมพัดซุ่เย็นกายมันพัดผ่าน
    ความซาบซ่านสดชื่น ตอนยืนยุท่งนา
    เหลียงเบิ่งเมฆาจ้า จากเถียงนาฟ้าสว่าง ฟ้าโหลดแจ้งจ่างป่าง
    เหลียวเบิ่งทางบ่มีชู้ เพิ่นเคยกู้ยามไชย
    ไปสิได๋น้ออ้าย คนเคยหมายดอกเป็นคู่
    ข่าวมีหมู่เป็นเด็กเทพฯ เจ้าเลยเก็บเสื้อผ้า แลนไปนำเขาจ้อย
    นั่งเถียงนาขาห่อย เหงาหงอยคอยคนฮ่ำ
    คิดเห็นคำคนเคยเว้า ใจปวดร้าวแมนบ่ลืม
    ยินเสียงเขียด กบ ฮ้อง แอ๊บ แอ๊บ มันโหลดแสบใจเหลือ
    รึเขาบ่จักทางเมือ เฮ็ดให้นางนอนช้ำ
    โอ้..ก้อนคำของน้อง มีคนค้องไปเป็นคู่
    เจ้าเลยลืมยอดชู้ คนนี้ผุนั่งคอย
    แก้ไขครั้งสุดท้ายโดย ข้าวต้มมัด; 21-09-2010 at 14:08.

หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •