มื่อนี่งานเข้าแต่เช้า เคลียงานแล้วกะเลาะตั้งแต่สวยๆจนบ่าย
เลาะเมื่อยแล้วกะหิวบาดนิ หาแนวกินกระแทกปากก่อนน๊า
หมูยอในตู้เย็นกะมี หมากเขือเทศ หอมใหญ่ ตั้งโอ๋ หมากนาว กระเทียม พริกขี้หนู(เขียว) มีครบสุอย่าง
ขั้นตอนแรกกะหั่นหมูยอเป็นชิ้นๆ เอาใส่ถ้วยกระเบื้อง ใส่น้ำเอาะเยาะ เอาเข้าไมโครเวฟ 3 นาที ตั้งไฟระดับ 4
ระหว่างที่ถ่าหมูยอกะหั่นหมากเขือเทศ หอมใหญ่ ตั้งโอ๋ ใส่กะละมังน้อยไว้
สับหมากพริก กระเทียม ใส่ลงไปสมทบในกะละมังน้อย
เติมน้ำปลา บีบหมากนาว ใส่น้ำตาลลงไปจักน๊อย (แทนผงนัว)
หมูยอสุกแล้ว เอาออกจาไมโครเวฟ ตักใส่กะลังมังน้อย
เครื่องเคราครบแล้วเนาะ ย้องเลยจ้าบาดนี่แล้วชิมเบิ่ง (เป็นตาเทถิ่มบ่)
ให้รสออกไปทางส้มแน๊ ไผมักเผ็ดกะใส่หมากพริกไปหลายๆ 55+
เป็นได๋พี่น้อง ส่วงบ่หมากพริกขี้หนู จิ๋วแต่แจ๋ว.... ไปหาแนวแก้เผ็ดก่อน
Bookmarks