"บ้านมหาดอทคอม" .....เว็บนี้ถูก Search เจอจากเว็บ google หลังจากที่ซื้อพิณมาใหม่อยากเล่นเป็นหลาย บ่มีคนสอนให้ กะเลยได้เข้ามาฟังเสียงพิณ เสียงแคน ยุหลายเทือ...ได้เล๊าะไปบอร์ดนั่น บอร์ดนี้ แปลกใจทีแรก เอ๋า....เว็บนี้คือพากันเว้าอิสานน้อ..?
จั๊กว่าบุญพา วาสนาส่ง เหลียวไปเห็นคำว่า สมัครสมาชิก บ่ได้ใช้เวลาตัดสินใจยากเลยพี่น้อง คลิ๊กเลย(ก่อนนี้สมัครสมาชิกเองได้เลยเน๊าะ) เข้ามาใหม่กะฮอดบ่ได้รายงานโต
กะย้อนว่าไปบ่เป็นพี่น้องเอ้ย บ่รู้จักไผ๋จั๊กคน ด่นเข้า ๆ เริ่มได้เล๊าะ เริ่มเห็นป่อง...
โพส์ตกระทู้เป็นแหน่ กะเริ่มมีหมู่ เริ่มได้คุยกัน ทีแรกกะบ่ได้คิดว่าสิอบอุ่นป่านนี้ดอก...
กะแค่คุยกันมันกะสิคือ hi5, facebook แต่มันบ่แม่น...บ่รู้คือกันว่าความผูกพันมันเกิดขึ้นแต่ยามใด๋...อยู่ไกลกัน บ่เคยเห็นหน้ากันกะถามข่าวกัน ด้วยสำเนียง ภาษาที่เว้ามันเฮ็ดให้รู้สึกว่าเป็นกันเอง เบิ่งรูปพี่น้องนั่งกินข้าวกันพาใหญ่ เว้านัวหัวม่วน ม่วนฟ้อนนำกันหน้าฮ้าน กะอดอมยิ้มบ่ได้ ทั่งที่บ่เคยได้เห็นหน้ากัน เบิ่งแล้วกะคิดยุผุเดี่ยว....
ผุนั่นบ้อ...อ้ายพล ผุนั่นบ้อ...อ้ายบ่าวคนเดิม ผุนั่น...พ่อใหญ่ศรี ผุนี้..เอื้อยแม็กกี้...?
อยากบอกว่า...รู้สึกดีครับ กับเว็บที่บังเอิญเข้ามาพ้อ ขอบคุณเว็บมาส์ตเตอร์ไว้นำครับ....
นี่กะ 3 ปีกว่าแล้วที่บ่าวกบินทร์เข้ามาอาศัยอยู่ในบ้านหลังนี้ มีแต่ความอบอุ่น ซำบายใจ
ขอบคุณพี่น้องที่แวะมาเยี่ยมยามถามข่าว ขอบคุณกำลังใจยามเมื่อยล้า....
"ฮักแพงกันครับ พี่น้องบ้านเฮา".........
Bookmarks