สวัสดีพี่น้องอีกมื้อครับช่วงนี้เมือบ้านมีแนวมาต้อนหลายเลยเอามาปล่อยให้เบิ่งอีกจักกระทู้เนาะครับ
อย่าฟ้าวเบื่อหน่ายบ่าวก่อนเด้อครับ แนวคนอึดเวียกเนาะอยากให้พี่น้องซอยเบิ่งซอยแงงแน
เหลียวลงท่งเห็นตะป้ากับลุงดำนายุส่วนผมกะสิไปหาแนวมาให้เพิ่นกินเที่ยงซั่นแหล่วครับ
แนวคนมักเฮ็ดแนวกินเนาะ แต่ว่าบ่มักดำนามันปวดแอวแอวแหงน้อยยุฮ่าๆๆๆๆ
แนมขึ้นดอนนาเห็นสุมทุมพุ้มไผ่ แม่นแล้วมื้อนี้ซื้อเห็ดเฟืองมาพอดีละแกงใส่หน่อไม้เลย
ว่าแล้วกะแบกได้เสียมเฮี๋่ยนกะบกะต้าน้อยเอิ้นเอาลุกสาวไปนำย้านบ่มีหมู่ย้านหมีกัด
น้องนานาบอกว่าอิพ่อยุพี้หลายคักแหมะ มาสับเอายุนี้เด้อพะน่ะ
ยุพี้อีกอิพ่อหน่อบักใหญ่ ตะแม่นเพิ่นตื่นเต้นคักน้อลูกหล่ากะดาย
ฟ้าวสับเอาทางท่งนาเพิ่นสิขึ้นมาแล้วกว่าสิต้มสิแกงย้านเพิ่นหิวมา ย้านไท ยโสหิวข้าวฮ่าๆๆๆ
หน่อไม้ยามหน้าฝนนิบ่ต้องไปหาซื้อให้เสียเงินเลยครับ หย่างไปสวนหลังบ้าน ดอนหัวนามีเบิ่ดครับ
หลายคักอิหลี ปลูกง่าย ทนแดด ทนฝนเกินไผ่บ่มีอิกแล้วครับ
สับเอาอีกจักหน่อยก่อนย้านบ่อิ่มคนตาเป็นหอบ มีตะคนกำลังกินกำลังนอน555+++
ได้หน่อไม้พอแล้วกะพาลูกสาวคอนกะต่าไปเถียงนาน้อยก่อน
ตามมาพี่น้องสิพาไปนั่งกินน้ำเย็นยุเถิ่งเถียงนาซั่นดอก
Bookmarks