กำลังแสดงผล 1 ถึง 10 จากทั้งหมด 10

ผญาน้ำตาเบ้า

  1. #1
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752

    ผญาน้ำตาเบ้า

    น้ำตาเบ้า

    ผญาน้ำตาเบ้า

    มุดอยู่นำดิน กินนำขี้ วิถีทางอันต้อยต่ำ
    ค่ำแลงลงก้มหน้าไห้ ไผบ้างสิส่อยเหลือ
    เหนืออื่นใด๋ในโลกล้วน อนิจจังตั้งบ่อเที่ยง
    เป็นแค่เพียงแมลงโตน้อยๆ ได้ฮนไห้ฮ่ำฮอน

    อยู่นำดอนนอนนำซ้ง กลางท่งขยายพันธุ์
    ชีวิตหากพันธะนังเกาะเกี่ยวงัวควาย ทุกแลงเซ้า
    ตั้งแต่เกิดจนเฒ่า เท่าผองตายความเป็นอยู่
    อาศัยกลิ้งขี้ก้อน หาเลี้ยงสืบเผ่าพันธุ์

    ผญาน้ำตาเบ้า

    ปั้นเป็นกลมๆ ก้อน ป่อนไข่ใส่ให้เนาแพง
    จวบจนแปลงเปลี่ยนกายผ่านสมัยเป็นโตด้วง
    เป็นวัฏหมุนค้วง เป็นวงจรชีวิตหนึ่ง
    ึถึงหว่างคราวใกล้จ้อ อาวสานสิ้นซึ่งเผ่าพันธุ์


    ผญาน้ำตาเบ้า

    หากโลกที่เนาอยู่ยั้ง ฝูงงัวควายได้พรากถิ่น
    เกลี้ยงหมิ่นลิ่น คันแม่นคนเข่นฆ่า ขายค้าบ่อให้ยัง
    พงศ์พันธุ์เซื้อซาติเบ้าคงสาบสูญสิ้นซื่อ
    แม้ปัจจุบันสุมื้อนี้ กะมีหน่อยแทบบ่อเหลือ

    วอนผู้ใจบุญหนุนเกื้อ หลงเหลืองัวควายไว้ให้แหน่
    เห็นแก่เบ้าโตน้อยๆ ตาเหลื่อมนั่งแนม
    ขออยู่แจมนำหมู่ท่านตราบอาวสานโลกสิหมุ่น
    เป็นจั่งบุญจั่งคุณ เกิดซาติใด๋กะสิขอรับใซ้ คุณท่าน คู่สู่คน .....ดอกนา


    ผญาน้ำตาเบ้า

    ขอบคุณภาพลำดับที่ 2 - 4 จาก http://gotoknow.org/blog/garnna/279151
    แก้ไขครั้งสุดท้ายโดย ทิดจ่อย; 23-09-2010 at 14:28.

  2. #2
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    :b-b สามาคือมักแท้เด้ ผญากลอนนี้ แต่กะแต่งบ่เป็นนำเผิ่นดอกละ เอิ้กกกกกก แนมเห็นเบ้าละคึดฮอดยามเป็นเด็กน้อย เมือ20 ปีที่แล้ว ไปเลี้ยงควายหาขุดเบ้า กับขุดกุดจี่ นำ เพื่อเป็นอาหารแลง เหอะๆย้อนว่าจน บ่มีเซ-เวน คือยุสมื้อ

  3. #3
    โอ้ย..น้อ พี่น้องเอ้ย เพิ่นมาเว้าได้ดีแท้
    หาเรื่องแต่มาให้หัว เอาฮอดเรื่องขี้งัว
    มาแต่งตั๋วให้อ่านได้ บรรยายนี้ไซร้ เข้าใจถ้วนถี่
    แม้กะทั้งกุดจี่ เพิ่นยังมีคำแต่งได้
    เฮ็ดให้ข่อยนี้ ออนซอน
    ออนซอนเด้ ออนซอนอ้าย แต่งได้หลายดีคัก
    คือสิมักกินน้อเจ้า อยู่ในเบ้ากะก่นหา

  4. #4
    แบ่งปันความรู้และประสบการณ์ สัญลักษณ์ของ รอย บุญเรือง
    วันที่สมัคร
    Feb 2010
    กระทู้
    157
    บ่ว่าหยังแล้วครับ คันมักแล้ว ยากปานได๋กะซิเฮ็ด ยากปานได๋กะสิหา

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    "เบ้า" มีอยู่สองชนิดครับ ชนิดแรกโตใหญ่กินได้ (ตามภาพที่เห็นนั้นล่ะครับ)
    แต่เป็นสัตว์ที่ใกล้สูญพันธุ์แล้ว ทางบ้านผมแทบบ่อเหลือแล้วครับ และมีอีกชนิดหนึ่ง
    โตน้อยๆ มักสิกลิ้งขี้งัวไปลางไข่ในกองขี้ควาย นี่กะไกล้สิสูญพันธุ์คือกันครับ
    ทางบ้านผมเผิ่นใช้ยาฆ่าหญ้ากันหลายเลยมีผลกระทบต่อสัตว์พวกนี้ เป็นตาหน้าเสียดาย
    ภาพวิถีชีวิตเก่าๆ แทบสิบ่หลงเหลือแล้วครับ

    อั่นโต "เบ้า" ภาพแรกนั้น มีโอกาสนั่งเล่นหน้าบ้านหลังจากกินข้าวแลงแล้ว
    เห็นเผิ่นบินมาตอมไฟ กะเลยได้ถ่ายภาพเอาไว้ จั่งเฮ็ดให้ผมเกิดไอเดีย
    แต่งผญาบทนี้ขึ้นมา ม่วนบ่อม่วนกะขออภัยท่านผุอ่านหลายๆ ครับ

  6. #6
    อ้ายทิดจ่อย..สุดยอดครับอ้าย ไพเราะเพราะพริ้ง น้ำตาหยดติ๋งๆ เพราะเสียดายแนวเบ้า...จะแม่นเพิ่นบรรยายกลอนได้อารมณ์สุนทรีย์คักเนาะ อ่านแล้วหลงคิดว่าจะของเป็นเบ้า 55555

  7. #7
    แบ่งปันความรู้และประสบการณ์ สัญลักษณ์ของ บ่าวธนา
    วันที่สมัคร
    Apr 2010
    กระทู้
    339
    มาหลูตนโต่เด้..อกสิเพแตกแลง
    ยังแดงๆยูในก้อน..คนกะฮอนขุดมากิน
    ใจถวิลสืบเซื่อ..คงเป็นไปบ่ใด้งาย
    ย่อนเฮาตายแต่น้อยๆ..อาวสานข่อยแมนย่อนคน..นี่แหลว
    แก้ไขครั้งสุดท้ายโดย บ่าวธนา; 23-09-2010 at 17:18.

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ้ย น้อ หลานทิดจ่อยเอ๋ย ป้ามาสงสารเบ้า
    ถืกคนเอา ไปหมกจี่ ขนาดหม่นลักลี้
    ปานนี่กะซอกเห็น หม่นขี้ดินฟังโตไว้
    กลิ้งขี้ควาย เป็นก้อนห่ม ลูกกลมๆ ห่มโตเบ้า
    ฟังเข้าอยู่ขี้ดิน ถืกคนขุดก่นปิ้น มาหากินกันไปทั่ว
    เอาขี้งัวห่อไว้ อั่นโตเบ้า กะบอยัง นี่แหล่ว ตาหลูตน เนาะจ้า ขอซิมนำแนอิอิอิอิอิ

  9. #9
    ภาพสุดท้ายเป็นตะจี่แชบ แท้จ้า อิอิ

    นับแต่กกแต่เค้า
    เบ้าไข่ในท่งนา
    บาดสิวัฒนา
    เปลี่ยนวัสสากาลสิ้น
    ยามเทื่อดินบ่มีขี้
    งัวควายบ่เหลือไหง่
    เบ้าสิไข่ใส่ก้อน
    คอนกรีตซ้งท่งเมืองกรุง.
    ...พุ้นแหล่วจ้า

  10. #10
    ศึกษาหาความรู้ สัญลักษณ์ของ โก๋ดง
    วันที่สมัคร
    Mar 2010
    ที่อยู่
    หนองหาน
    กระทู้
    216
    จำบ่อได ปานได๋ ว่าเคยกินสมัยยุบ้านยังเลี่ยงงัวควาย แต่ซุมือนี้กะหาบ่อมีแล้วล่ะ หมกใบตองกุง สุดยอดเลยสิบอกหั่ย