งึดหลาย
>>คงซิต้องตายกันไปข้างหนึ่งพุ้นหล่ะความแค้นจั่งซิลา
ย้อนว่าเธอตีหน้าเว้าว่ามาโดน ผิดย้อนคนจั่งฉันเฮ็ดมันให้แปรปิ้น
ฉันไปหาเล่นลิ้นมีใหม่ใจสอง ปล่อยให้เธอฮ่ำฮอนอยู่เดียวแดดิ้น
>>ผิดกะยอมรับสิ้นซุอย่างซะตากรรม เธอกะกลับก่อมันให้กรรมก่อเกิด
เปิดเผยทุกอย่างสิ้น ความเป็นจริงเบิดซุอย่าง
ว่าแม่นภูเขาพัง น้ำทะเลท่วมฟ้า เธอจาเว้าว่าฮักเขา
>>ฮักกะฮู้อยู่ดอก แถมยังบอกมันดีหลาย
เอิ้นเขาว่าพี่ซาย แทนจะของว่าน้อง คำเคยเว้าอยู่กับฉัน
ความสัมพันธ์นั้นลึกซึ้ง ถึงขั้นเอิ้นว่าเมียผัว
ฉันฟังแล้วอยากหัว หลงคิดว่าก่อนกี้เธอดีฮ่ายไผบ่ปาน
ตาสว่างแล้วบัดนี้ แนวความดีที่เคยก่อ
กลับเป็นแค่ลวงล่อหลอกให้ฉันไว้ใจ
>>งึดหลายแต่คำเว้า ว่าไผเขาซิคือเพิ่น
ฉันกะหลงรับเชิญ คำตำหนิดูถูกคนเว้าว่าซ่างเขา
พอความจริงตั้งเค้าเธอนั่นกลับเป็นคนผิด
เธอปกปิดเป็นปีแอบมีหลายซู้
เทียวบอกว่าบ่ฮู้ไผโทรมาบอกว่าหมู่
นอนอยู่กับบักอ้ายสามาฮ้ายแท้น้อ นางเอย
งึด อีกคนกะคือซู้ หาลักอยู่น้ออักกิน
บ่สนใจฮอด ศีล ธรรม กรรมเวรซินำฮอบ
กะสมกันอยู่ดอก หญิงกะร้าย ซายกะเลว
ขอให้ดิ่งลงเหว อเวจี จงพบพ้อ บ่มีมื้อซิห่างลา
งึดฮอด แนวลุงป้า แม่ พี่น้องเธอ
บอกบ่ฮู้อีหยัง ฉันถามกะบ่อบอก
เอาซ่ำนี้เถาะ ความดีซิบ่ยัง ความซังซิบังเบิด
แต่งต่อบ่ได้หล่ะครับ อาจบ่สวยงามย้อนว่ากำลังเคียด จั๊กซิเว้ากับไผพี่น้องเอ้ย
Bookmarks