เอาจั่งซี้บ่ได้เบาะครับ เพื่อเป็นการเปิดให้ทั้งผุที่บ่ได้เป็นสมาชิกบ้านมหาและกะผุที่เป็นสมาชิกบ้านมหา ได้แชทกันได้ซุฝ่าย เพียงเพิ่มเติมภายในห้องแชท ให้ผุที่เป็นสมาชิกบ้านมหา ถ้า log in เข้าไปเพื่อแชทแล้ว กะให้มีปุ่ม จักปุ่มหรือ สองปุ่มไว้ข้างรายชื่อด้านขวามือของแต่ละคน โดยปุ่มที่ 1 คือปุ่มตักเตือน ปุ่มที่ 2 คือปุ่มดีดออก สองปุ่มนี้ให้เห็นได้เฉพาะสมาชิกบ้านมหา คล้ายกับปุ่มที่แทนคำขอบคุณของกระทู้กะได้ ผุที่บ่เป็นสมาชิกกะบ่ให้มองเห็น หากว่าเมื่อมีผุใด๋ ใช้วาจาที่บ่สุภาพหรืออ่านแล้วชวนสร้างปัญหากับผุอื่น กะให้สมาชิกบ้านมหาที่เข้าไปแชท กดปุ่มตักเตือน ถ้าบ่รุนแรง หรือถ้าว่ารุนแรงกะกดปุ่มที่ 2 ดีดซื่อผุนั้นออกจากห้องแชทไปเลย โดยสมาชิกที่เป็นสมาชิกบ้านมหา สามารถกดปุ่มได้ซุคนเหมือนกันกับ Adminหรือว่าผุดูแล ถ้าเห็นว่ามีการทำผิดกติกาเกิดขึ้น ผมว่ากะสิได้ซอยกันเบิ่งกันแยง รักษาสิ่งดีๆไว้ ผุใด่เว้าบ่ดี กดปุ๊บ แชทนำเขาบ่ได้ กะสิบ่ดีหรือผมว่า ฝากไปถึงอาจารย์บ่าว พิจารณาเบิ่งเด้อครับ
Bookmarks