กำลังแสดงผล 1 ถึง 6 จากทั้งหมด 6

เพราะฮักดอก..จั่งมาหา

  1. #1

    เพราะฮักดอก..จั่งมาหา

    แม่นสายตาหรือคมมีด กรีดหัวใจพี่ชายแหว่ง
    เหมิดเรี่ยวแรงอ่อนล้า แขนขาอ้ายจนหล่อยลง
    แววตาส่งให้อ้าย คือความหมายให้หนีห่าง
    มันจืดจางแล้วติเจ้า คำเคยเว้าว่าฮักกัน
    บ่สำคัญแม่นบ่น้อง คำว่าสองเหลือเพียงหนึ่ง
    ย่อนคิดถึงดอกจั่งกล้า หน้าด้านมาพบนาง
    เหงากะซ่างมารุมทึ้ง ดึงใจให้โดดเดี่ยว
    มีคนเดียวกะคือเจ้า พอเข้าใกล้ได้ส่างซา
    เพราะว่าฮักเจ้าดอกหล่า อย่าฟ้าวจาให้ใจเจ็บ
    อย่าฟ้าวเหน็บคำหนัก อย่าฟ้าวฝากเด้อความช้ำ
    เห็นตำตาทั้งสองข้าง ฮู้ว่านางมีผุใหม่
    บ่ต้องไล่อ้ายดอกเจ้า เซาคิดฮอดกะสิหนี เองดอก..
    ลิโตนใจดวงนี้ บ่มีที่ได้อาศัย
    ให้อยู่ใกล้แน่เด้อนาง หว่างจักคราวพอเซากลุ้ม
    ความฮักสุมใจอ้าย เจ็บแป๋ตายสิอดอยู่
    แค่ได้ดูหน้าเจ้า บ่เซ้าซี้ย่านเพิ่นซัง
    แล้วสิหันหลังให้ น้ำตาไหลกะตามแต่
    คนที่เจ้าบ่เคยแคร์ คนที่แพ้รักจั่งอ้าย สิหายหน้าบาดห่าลืม..ลงดอก...


    เพราะฮักดอก..จั่งมาหาเพราะฮักดอก..จั่งมาหาเพราะฮักดอก..จั่งมาหา
    แก้ไขครั้งสุดท้ายโดย พลายแก้ว; 29-09-2010 at 11:23.

  2. #2
    มาเว้าเป็นตาเหลือโตน แท้น้อ...อ้ายเอ๊ย

    อ้ายเอ๊ย.....
    ขึ้นว่าฮักฮ่วมกอไม้
    แนวนามคนละท่อน
    อ้ายนี้ดอกฮักซ้อน
    นางนี้มอนต่างต้น
    บ่หวังซ้นฮ่วมกัน
    สายสัมพันธ์บ่ฝั้นแน่น
    สายแนนบ่สมเกี่ยว
    ฮักคนเดียวกะคืออ้าย
    บ่สมได้กะเอ่ยลา.
    ...สั่นตั่ว

  3. #3
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    แต่งนำบ่เป็นดอก แต่กะเห็นใจยุเด้อ ตาอิดน ฮ้าย นี้ละน้อเผิ่นว่า ความมัก ความฮักมันแล่นกุ้ม คือซุ่มงุ้มหัว ความมักความฮักมันบ่พอคือกะทองุ้มไว้

    เว้าถืกบ่ดอกละ จื่อคะเจ้ามา

  4. #4
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    เก็บกระเป๋าเสื้อผ้า ลงเฮือนลาไปเสื่องน้ำตาที่ร่วงหล่น
    บ่ออยากเห็นหน้าคนบางคน ที่บ่อเคยแคร์ใจอ้าย ขอหลบลี้ไปผู้เีดียว
    ่บ่อเหลียวหลังทวงถามให้เมื่อยปาก อยากสิถิ่มกะเซิญโลดเจ้า บ่อมีน้องกะบ่อแคร์
    สิไปไหาอยู่แจซอกผาถ้ำ หม่องบ่อมีคนใจดำ รักษาความบอบช้ำใจอ้ายที่บุดเน่า
    ไปนำเขาสานวลน้อง ฮักเจ้าแล้วบ่อสมปอง อวยพรน้องให้เจ้าสุขล้นหลื่น
    สิบืนไปตายเอาดาบหน้า ผลาอ้ายบ่อคู่ควร


    บ่อมีเวียกกะเลยเข้ามาบีบน้ำตาบ่าวก๋าคามเล่นซื่อๆ ดอกครับ

  5. #5
    โอน้อ คุณพี่เอ้ย คนคิดฮอดกอดบ่ได้
    เฮ็ดให้น้ำตาน้อง นี้ไหลหล่น
    มันจนใจคักแท้ แลเบิ่งหน้า แมนห่วงหลัง
    คิดพวังนำเจ้า และนำเขาที่เคียงคู่
    ได้เป็นเพียงแค่ชู้ สายตานั้นแมนบ่ลืม

  6. #6
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ๋ยน้อ อ้ายซายเอ๋ย อ้ายซ่างมาเว้าเป้ย เฉลยใส่ใบมีดโกรน
    มียุไสหล่ะตาคน มาสิคมเอาปานนั่น แมนอ้ายฝันสั้นบ้ออ้าย
    หรือแมนใจคิดหยังอยู่ พ้อแต่คนเจ้าซู้ จั๊กมาเว้าเรื่องอันได๋
    บอแมนมาคั่นพอได้ ส่วนทางใจไปทางอื่น ย้านแตคาดลาดมื่น
    ขี้ดินแห่งก่อนฝนนี่แหล่ว ใจน้องมีแต่ย้านแป้ว แนวเห็นพี่มาปากหวาน
    ย้านแต่ไปดนนาน ถิ่มคำหวานจนเบิ๊ดเกลี้ยง ย้านเหลือเพียงแต่ขมบี้
    พอกินฟรีแล้วผัดหน่าย ซาติผู้ซายเจ้าซู้ เป็นแนวนี่กะบอเอานี่แหล่ว