วันอาทิตย์ที่ผ่านมา เมือยโสธร ไปส่งลูกสาวกับลูกชายไปซัมเมอร์กับอิพ่อใหญ่
พี่อ้ายกับหลานชายไปใส่เบ็ด ได้ปลาค่อมาหลายโต กะเลยได้โอกาสนึ่งมาฝากพี่น้องบ้านมหากันจ้า
ผักนึ่งกะหานำฮั่วบ้าน อิพ่อปลูกบวบไว้ 2เดือนที่แล้ว ตอนนี้เก็บลูกได้แล้ว เอามานั่งใส่ปลา มีผักตำนิน (ตำลึงบ้าน) นำ เวลานึ่งแล้วจะหวาน
ปลาค่อกับปลาปาก (ตะเพียน) เคล็ดลับนึ่งปลาแบบบ้านๆ คือเอียบเกลือ ไว้สัก 1 คืน จะนัวพอดี กินกับข้าวเหนียวนัวได้ที่
ทุกอย่างพร้อมกะยกขึ้นเตาไฟ หมายเหตุ ต้องเป็นเตาถ่านจั่งแซ่บ (เพิ่นว่าดอกหวา)
มาตำแจ่วกินกับนึ่งปลา มีพริกโพน หอม กระเทียม คั่วไฟให้หอมและตำรวมกัน กับบักขามเปียก น้ำปลา น้ำปลาแดก และชูรส นิดเดียว
แต๊น แต่น สุกแล้ว ตักใส่พาข้าว ต้องใส่พาข้าวเด้อจั่งสิสร้างบรรยากาศในการกินได้ดี
แถมด้วย หน่อไม้ส้ม เอื้อยเพิ่นเฮ็ดไว้ เพราะหน้าฝนหน่อไม้หลายๆ เดี๋ยวเมือบ้านงวดหน้าสิแกงใส่ปลาค่อมาสู่กิน
อันนี่เป็นปลาค่อหลายแดด เพราะมันแห้งแฮง ลองปิ้งไฟอ่อนๆ กินกับข้าวเหนียว อร่อยเหาะเลยคะ
หน่อไม้บ้านต้มแล้ว น้าเพิ่นเอามาฝากว่าให้เอามากินกรุงเทพเด้อ ยังค้างอยู่ในตู้เย็นอยู่ เพราะบ่มีเวลาเฮ็ดกิน
ปิดท้ายทริป ด้วยข้าวโพดหวานแถวมหาสารคาม นั่งรถกลับกรุงเทพ พอแก้หิวได้ดีมากๆคะ หวานอย่างคัก ฝักนี่คือฝันที่ 1 ตามด้วย 2 3 และ 4....
ดนเติบแล้วบ่ได้เข้ามาแบ่งปันประสบการณ์ให้พี่น้องบ้านมหา เด๋วเพิ่นสิปลดออกจากตำแหน่ง อิๆๆ บายคะ
Bookmarks