หน้าที่ 1 จากทั้งหมด 29 หน้า 12311 ... หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 283

สิบ่ลาจากอ้าย

  1. #1

    สิบ่ลาจากอ้าย

    เดือนบ่ไลจากฟ้า
    เมฆาบ่ลาถิ่น
    แผ่นดินบ่ลาหญ้า
    ปลาบ่บ้อนบืนหนี
    ขี้ซีบ่ลาไต้
    ไม้บ่ลาป่าเสือใหญ่
    อ้ายฮักน้องน้องฮักอ้าย
    ในใจนั้นกะบ่ลืม
    ฟืมบ่ลาเนื้อฝ้าย
    ชายบ่ลาน้องสิเกี่ยว
    สิฮักเดียวใจเดียว
    เทียวเป็นแฟนแหนอ้าย
    ทุกข์ยากฮ้าย...สิฮ่วมกัน

    บ่ม่วนปานได๋เด้อจ้า ด่นๆมาแต่งเทื่อหนึ่งยากเวียกหลาย

  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,533
    ภาษาสวยงามปานคนแต่งแท้น้อครับผมญ้านาง
    ....ให้พงไลลืมนาง บ่หวังคองลืมง่าย
    คันแผ่นดินบ่หงาย คันแม่นทรายบ่ปิ้น
    คันแม่นหินอยู่น้ำ บ่ฟูขั้นแม่นบ่ลืม..นางเอ้ย
    แก้ไขครั้งสุดท้ายโดย สหายพง; 06-10-2010 at 08:53.

  3. #3
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    แต่งได้ใจแฮงจ้า ความหมายกะดีจ้า...

  4. #4
    ศิลปิน นักร้อง นักแสดง สัญลักษณ์ของ คนพนมไพร
    วันที่สมัคร
    Jan 2009
    ที่อยู่
    สายไหม
    กระทู้
    625
    อุ๊ป้าดติโธ ! ภาษาคืองามคักแท้ออนซอนหลาย อยากว่านำหั่งคึดบ่อออก แต่งมาให้อ่านอีกแน่เด้อ

  5. #5
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    752
    แง่งขีงบ่อละจากเหง้า เสาเฮือนบ่อลืมขื่อ
    ผือบ่อลืมขอบห้วย ชีวิตม้วยอ้ายบ่อลืม
    ให้อ้ายไลลืมน้อง บ่อมีไลลืมง่าย
    ฟ้าทะลาย ดินสิหลุบหล่มม่่างทางอ้ายแม่นบ่อลืม....หญ้านางเอ้ย
    แก้ไขครั้งสุดท้ายโดย ทิดจ่อย; 04-11-2010 at 14:05.

  6. #6
    หล่านางเอ้ย คันเจ้าคิดฮอดเขา
    ให้เหลียวเบิ่ง เดือนดาวพุ้นเด้อ
    สายตาเจ้ากับเขา สิเกี่ยวกันเทิ่งฟ้า พุ้นแล้ว

  7. #7
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    มาแต่งแต้ม..แกมผญา..น้องนางเอย
    เขยวาจา..สิบ่ลาจากอ้าย..พี่ชายเจ้า..ผู้ฮักเดียว
    บ่ฅดเคี้ยว..เหลียวมองผุได๋อื่น
    มีเป็นหมื่น..ชายหล่อหล่ำ..นางน้องกะบ่เหลียว
    หย้อนฮักเดียว..คือโตอ้าย..นางน้องจั่งบ่ลา..พี่แหล่ว


    ด้วยหญิงนั่นฮักเดียวสัตย์ซือ..แม่นยึดถือเป็นที่มั่น..ความฮักนั่นแม่นบ่คลอน..ซั่นแหล่วนางเอ่ย

  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    ให่น้องไล๊ลืมอ้าย บอหวังดอกลืมง่าย
    คั้นแมนฟ้าบอหงาย คั้นดินทรายบอปิ้น
    หินอยู่น้ำบอฟูขึ้น น้องบอลืมดอกอ้ายเอ้ย ได้เว้านำจั๊กหน่อยกะเอาดอก อิอิอิอิ

    มวนหลายจ้าผญาของหลานหญ้านางเก่งๆ

  9. #9
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1
    ซ้างเผือกหมอบคู่พญา
    ดวงดาราบ่ไลจากฟากฟ้า
    เวลาบ่เซาย่าง
    นกน้อยบ่ลืมฮัง
    นางฮักอ้ายอ้ายฮักนาง
    บ่จางบ่เคยลืม
    ฟ้าครึ้มหอบห่าฝน
    คนตาฮักอ้ายจะเกี่ยว
    กอดเกี้ยวในหว่างใจ
    เอาเป็นแฟนควงแขนอ้าย
    ให้น้องได้ซำบาย...ทุกข์ฮ้ายบ่ให้มี

  10. #10
    ช้างบ่ถิ่มงา
    ปลาบ่ถิ่มน้ำ
    ข้าวงามบ่ถิ่มท่ง
    โขงบ่ลาตะฝั่งกั้น
    ความสัมพันธ์บ่เป็นใหม่
    สิหยักๆใยใย
    คือจั่งด้ายม่ายกั้น
    นางนั้นกะดั่งเดียว......


    มาฮ่วมกันสรรสร้าง..
    ครองทางสัพพะฮีต..
    ขีดเส้นญิงสู่เค้า..
    สัจจังเหง้าฮักบ่ลืม....เด้อจ้า