หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

ไกค์เพลง "คำฝากจากแม่" อัลบั้มพิเศษบ้านมหา ขับร้องโดย แมงสะดิ้ง

  1. #1
    ศิลปิน นักแต่งเพลง สัญลักษณ์ของ thedon
    วันที่สมัคร
    Aug 2007
    กระทู้
    1,507
    บล็อก
    1

    ฟังเพลงจาก WMA Music ไกค์เพลง "คำฝากจากแม่" อัลบั้มพิเศษบ้านมหา ขับร้องโดย แมงสะดิ้ง

    เพลง คำฝากจากแม่
    คำร้อง ทำนอง บ่าวหนองคาย
    ดนตรีไกด์ บ่าวข้าวจี่
    ศิลปิน แมงสะดิ้ง



    ..นานหลายปีที่เจ้าหนีไกลบ้านเจ้าลาถิ่นฐานจากอีสานไปอยู่แดนไกล

    ส่งใจไปหาฮู้บ่หว่าคิดฮอดเจ้าหลาย อยากให้หลบคืนไวๆ ด้วยดวงใจที่รักและหว่ง

    ..สิฮู้บ่หนอหว่ามีไผรอถ้าเจ้า คิดฮอดแห่งเหงาหัวอกผู้เฒ่า มันเศร้าอิหลี

    กี่ร้อนกี่ฝนกี่หนาวกี่ลมขมขื่นฤดี แนมทางกะมิดซี่หลี่ บ่เห็นมีวี่แววแม้เงา

    *ลูกแม่เอ๋ยจำได้บ่น้อหล่าแม่นี่สู้อดสาเลี้ยงลูกมาบ่ปากบ่จ่ม

    สิยากส่ำได๋สู้บ่หวั่นไหวเพื่อลูกทุกคนแนมฟ้ายามแลงครึ้มหม่นคิดฮอดจนน้ำตาไหลคลอ

    **กินปี้งปลายามได๋กะคิดฮอดหน้า เจ้ากินพิซซ่าลืมปิ้งปลา ของแม่แล้วบ่

    ส้มตำปลาแดกเป็นของแปลกไปแล้วบ่หนอ คือสิบ่คึดพ้อต้มปลาข่อแล้วหนอก้อนคำ

    ***โดนปานได๋หัวใจผู้เฒ่าคอยถ้ารอเจ้ามาอยากเห็นหน้าอ่ำหล่ำๆ

    วอนสิ่งศักดิ์สิทธิ์คุ้มครองเจ้าทุกเช้าค่ำ ฝากคำเว้าหนึ่งคำ ให้เจ้าจำแม่ฮักเจ้าหลาย””””

    แก้ไขครั้งสุดท้ายโดย บ่าวข้าวจี่; 25-10-2010 at 11:20.

  2. #2
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ม่วนหลายจ้า...ฟังแล้วกะคิดฮอดยายดิ้ง
    ยาย ยาย ดิ้ง....ร้องเพลงม่วนจ้า

  3. #3
    ร่วมถ่ายทอดความรู้สู่สังคม สัญลักษณ์ของ ลาวดีน้อย
    วันที่สมัคร
    Jul 2009
    ที่อยู่
    อยู่ในใจเสมอ
    กระทู้
    1,264
    บล็อก
    3
    เพลงนี้ม่วนจ้า เป็นกำลังใจให้นักร้องแล้วให้คนแต่งเพลงจ้าพี่บ่าวหนองคายกับพี่ดิ้งจ้า

    น้องมักหลายเพลงความหมายเพลงดีจ้า
    :l-

  4. #4
    ร่วมถ่ายทอดความรู้สู่สังคม สัญลักษณ์ของ บ่าวอิง
    วันที่สมัคร
    Aug 2007
    กระทู้
    926
    ต้องการเพลงคู่ คับ แมงสะดิ้งกับอ้ายพล

  5. #5
    คนแต่งเนื้อเพลงนี้ เรียกน้ำตาคนไกลบ้านจังเลย เพลงนี้เหมาะสมให้แมลงสะดิ้งน้ำเสนอ
    น้ำเสียงดิ้งเพราะอยู่แล้วใส่อารมณคิดถึงแม่คิดถึงบ้านเข้าไป เพราะมากคะ เป็นกำลังใจให้ทั่งทีมงานและนักร้องนะคะ

  6. #6
    มาเชียร์ข้างเวทีเด้อจ้า เพลงม่วนๆ ซวดๆๆๆ จ้า เสียงเหมือน เอื้อยพิมพาเลย...กรี๊ดดดด

  7. #7

    ลำนำบทเพลง คำฝากจากแม่...

    "คำฝากแม่" บทเพลงที่เกิดขึ้นจากบ้านมหาอย่างแท้จริง

    ผมเขียนเพลงนี้ขึ้นจากกระทู้ ๆ หนึ่งของเวบบ้านมหา จากชีวิตจริงของสมาชิกท่านหนึ่ง

    นั้นคือ "อ้ายโม มาเด้อหล่า" สมาชิกเก่าๆคือยังสิพอจำเพิ่นได้ ซึ่งตอนนี้เพิ่นบ่ได้เข้าบ้านมหามาโดนเติบแล้ว

    ผมยอมรับตรงๆเลยหว่าผมบ่มีความรู้ความสามารถทางด้านนี้เลย เพลงนี้เป็นเพลงแรกที่หัดเขียน

    ที่เขียนขึ้นมาเทื่อแรกยังบ่ค่อยสิเป็นเพลงปานได๋ จนได้ผู้เพิ่นมีความรู้ความชำนาญทางด้านนี้นั้นกะคือ "อ้ายหมู วงกะปอม"

    แห่งกะปอมสตูดิโอ ซึ่งทุกคนคือสิฮู้จักเพิ่นดีซึ่งตอนนั้นอ้ายเพิ่นกะเป็นสมาชิกบ้านมหาคือกัน

    เพิ่นได้ซ่อยขัดเกลาจนได้ออกมาเป็นเพลง ซึ่งพี่น้องบ้านมหาอาจสิคุ้นหูกันแหน่กับ เวอร์ชั่นเก่าแนวลูกทุ่งผสมกลิ่นอายเพื่อชีวิต

    อยากสิฝากความคิดฮอดคิดถึงไปยังอ้ายทั้งสองคนเด้อครับ ทั้งอ้ายโม มาเด้อหล่าและ อ้ายหมู กะปอม

    ถ้ามีพี่น้องท่านได๋ฮู้จักกับอ้ายหมู กะฝากบอกเพิ่นแหน่เด้อคับหว่าบ่าวหนองคายคิดฮอด ผมพยายามติดต่ออ้ายเพิ่นแต่ติดต่อบ่ได้

    หรือรบกวนฝากบอกให้อ้ายเพิ่นติดต่อมาหาบ่าวหนองคายแหน่เด้อครับ

    ด้วยความคารวะครับผม..




  8. #8
    ศิลปินแดนไกล สัญลักษณ์ของ chudhancock
    วันที่สมัคร
    Oct 2008
    ที่อยู่
    cambridge, England
    กระทู้
    1,975
    โอ้ย ฟังแล้วก็ไผ๋หล่ะ สิ อดน้ำตาไหลได้ ฮือ ฮือ ฮือ เทิ้งมวนเทิ้งเศร้า เนาะจ้า หลานบ่าวหนองคาย
    ก็แต่งใด้ มวน เข้ากับคนไกลบ้านอย่างป้า และอีกอย่างเข้ากับ คนร้องนำเนาะจ้า หลานยายดิ้ง ก็ร้องมวน ป้าขอให้หลานบ่าวหนองคาย และหลานยายดิ้งมีแต่ความสุขความเจริญเด้อจ้า

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    ฟังแล้วคนอยู่ไกลบ้านกะอดน้ำตาไหลบ่ได้ แต่งได้ม่วนค่ะ คนฮ้องกะเสียงดี

  10. #10
    ม่วนหลายจ้าเพลงนี้ ดนตรีแบบนี้กะม่วนไปอีกแบบน้อจ้า
    อ้ายหลอง แพงยังฟังประจำเด้อ้ายดนตรีอันเก่านั้นจ้า ฟังยามได๋กะน้ำตาสิไหลจ้า
    ขอบคุณหลายๆจ้าสำหรับเพลงนี้ ทุกท่านที่ร่วมกันสร้างสรรเพลงนี้จ้า