ฝนตกคักตกแหน่ค่ะพี่น้อง ตกตลอด 3 มื่อ 3 คืน ปลาเล็กปลาน้อย กบน้อยกบใหญ่
มาตามฝน อาหารการกินอุดมสมบูรณ์ดีค่ะ สาวภูธรคือน้องหลินกะได้กินแนวกิน
ตามมีตามเกิด หาได้นำไฮ่นำนาแนวนี่ล่ะค่ะ
ต้มกบนา (ซื้อเอา) ใส่ใบหมากขามอ่อน ผักแขยง หอมฮ่วย ๆ ชดฮ้อน ๆ
อู๋สารพัดปลาที่ลงหลี่ (น้าข้างบ้านแบ่งให้)
ซุปผักติ้วใส่วุ้นเส้น เอ็นต้มเปื่อย (ซื้อจากตลาด)
มาเด้อค่ะ กินข้าวงายนำกัน มีเค้กกล้วยหอมของโปรดเฒ่าพ่อ 2 ก้อน (เผิ่นกินกับข้าวค่ะ)
บ่มีกรรมวิธีการต้มกบเด้อค่ะ เพราะว่าเฒ่าแม่เลาต้มใส่หม้อไว้ แล้วไปตลาด น้องหลินกะตักใส่ถ้วยมากินโลด
ปล. ผู้ฮ้ายจั่งน้องกะกินข้าวบ่ายกบพุ่นเด้ออ้าย
Bookmarks