มากินข้าวเช้านำกัน ป่นปลาเข็ง อ่อมเนื้อ

[ชิงช้าชาลี]

อาหารเช้าวันที่ 8 ต.ค. คือ ป่นปลาเข็ง และ อ่อมเนื้อ
ปลาเข็ง หรือปลาหมอ พี่อ้ายใส่ตาข่ายได้มาหลายตัว เป็นปลาปีที่แล้ว กำลังไข่เลย
เอามาขอดเกล็ด ต้มน้ำปลาป่นให้เดือด ใส่ปลาลงไป พอสุกกะแกะเอาเนื้ออย่างเดียว


คั่วพริก หอมแห้ง กระเทียม ตำให้ละเอียด ใส่ปลาลงไปตำให้ละเอียด เติมน้ำ ปรุงรส โอเคกินได้
ปิ้งเนื้อ หมักเกลือไว้แต่เมือคืน

ส่วนอ่อมเนื้อบ่ได้ถ่ายรูปไว้เพราะมัวแต่วุ่นวายกับการป่นปลาไปนำ สรุปออกมาเป็นหน้าตาแบบนี้ ใส่ถาดพาข้าวแบบนี้ถึงจะได้บรรยากาศบ้านเฮาเนาะ อ้อ มีกลอยนำเด้อ

มาๆ มากินข้าวนำกัน ก่อนไปเฮ็ดเวียกเฮ็ดงาน

[เเมงสะดิ้ง]

แข่วบ่ดีหย่ำซี่นบ่ได้ ขอคุ้ยป่นปาเข็งดอกสั่น ฮ่วยบ่มีผักกินกับติ่
ผักกะเสดยุนำข้างฮั้วบ่อึดคือบ่เก็บมาใส่ถาดพาข้าวนำแหน่ะ
พาข้าวบ่มีผัก บ่กินนำเด้อ จั่งสั่นขอถ้วยป่นเด้อ ยกเมือทั้งถ้วย
จิไปหาผักกับเอาทางหน้าดอกสั่น 5555

[ชิงช้าชาลี]

ฮ่าๆ เอื้อยดิ้งกะดาย น้องมีผักกินนำป่นอยู่ แต่บ่ได้ออกสื่อ
มีผัก กะหย่า (มีหนาม) ผักกาดฮิ่น ผักแว่น พู่นแหล่ว
ไว้โอกาสหน้าจะนำเหนอใหม่เด้อจ้า ซุปตาขออภัย

[Boom69]

ป๊าดดดดดดดดดดดดด
เป็นตาแซ่บ แท้เอื้อย..ปลาเข็ง ...บ่ได้กินโดนแล้วจ้า

[หนุ่มหนองหาน]

ของมักตั่วนี่ป่นปลาเข็ง กินกับผักแว่นเข่ากันปานหยัง เห็นแล้วย่านข้าวหมดก่องเด้

[บ่าวจีดส์]

บ้าด...มาทันหมู่บ่ล่ะครับนี่เบิ่ดแล้วไป๋ ปิ้งเนื้อบ่ต้องแบ่งไว้ให้เด้อครับแข่วบ่ดี(คือซิเฒ่าแล้ว)

[pui.lab]

อยากกินป่นปลาเข็งน้อยจ้า เบิ่งภาพแล้วก็หิวข้าว หากินข้าวก่อน คึ คึ

[บ่าวต้อม]

แซบแท้น้อมื้อนี้

แวะเข้ามาบ้านกะมีแต่ของแซบๆมาต้อน 55+

[บ่าวจัย]

แซบยุครับ ปิ้งซิ้น ป่นปลาเข่งนี้กะคักยุ สรุปแล้วมีตะแนวเป็นตะแซบ สวยแล้วยังเฮ็ดกับข้าวเป็นตะแซบอีกเนาะครับอยากซิมนำเด้

[สหายพง]

เป็นตาแซบแท้น้อสงสารคนแข่วบ่ดีเด้ กินป่นไปเถาะคนแข่วบ่ดีนะพงจิกินเนื้อเอง555