หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 27

..ซุปผักติ้ว จาก ครัวภูธร..

  1. #1
    มิสบ้านมหา 2010
    ศิลปิน นักเขียน
    สัญลักษณ์ของ เขมราฐ
    วันที่สมัคร
    Sep 2008
    ที่อยู่
    กลางท่งเมืองเขมฯ
    กระทู้
    2,078

    ..ซุปผักติ้ว จาก ครัวภูธร..


    มาตามคำเรียกร้องค่ะ สืบเนื่องจากกระทู้ต้มกบ มีถ้วยซุปผักติ้วที่น้องหลินซื้อมาแต่ตลาดนำ แล้วมีเอื้อย อ้าย
    ใทบ้านมหาหลายท่านเพิ่นบ่ฮู้จัก “ซุปผักติ้ว” น้องหลินเลยเอาสูตรมาให้เบิ่งค่ะ เทื่อมีผู้อยากลองเฮ็ดเบิ่ง
    มีอ้ายบางคนถามว่าเป็นแนวกินประยุกต์แม่นบ่ น้องหลินกะบ่ฮู้คือกันค่ะ
    แต่ว่าเกิดมาตั้งแต่จ้ำป่นเป็น เมนูนี่กะเป็นเมนูโปรดน้องหลินเป็นต้นมา
    เฒ่าแม่เฮ็ดให้กินประจำ จนฮอดใหญ่ปานนี้ตอนนี้เฮ็ดให้เฒ่าแม่กินแทนแล้วค่ะ
    จะว่าง่ายกะง่ายจะว่ายากกะยากน้อค่ะ.....
    มาเตรียมส่วนประกอบก่อนเลยค่ะ

    ..ซุปผักติ้ว จาก ครัวภูธร..

    พระเอกคือ “ผักติ้ว” เลือกที่บ่อ่อนบ่แก่จนเกินไปค่ะ ถ้าอ่อนคัก รสฝาดจะแฮงกว่ารสส้ม
    บ่แซ่บ แต่ถ้าแก่จนเกินไปกะหย่ำบ่ได้ค่ะ
    (หมายถึงเฒ่าพ่อกับเฒ่าแม่เด้อค่ะ เพิ่นแข่วบ่ดี.. ..ซุปผักติ้ว จาก ครัวภูธร..)

    ..ซุปผักติ้ว จาก ครัวภูธร..

    พระรองคือ “ป่นปลา” (ข้ามขั้นตอนต้มปลาป่นโลดเน๊าะค่ะ คึดว่าทุกคนคงจะเฮ็ดเป็น)
    ปลาหยังกะได้ค่ะบ่ติยกเว้นปลาหมึก เพราะว่าอาจสิต้องตำจนแขนหล่อย.....ซุปผักติ้ว จาก ครัวภูธร..
    เคล็ดลับน้ำปลาแดกนัว ๆ จักหน่อยค่ะ แล้วกะตำใส่หมากพริกแห้งคั่วหอม ๆ ใส่ถ้วยไว้

    ..ซุปผักติ้ว จาก ครัวภูธร..

    นางเอกคือ “วุ้นเส้น” ค่ะ แนะนำตราหงส์เด้อค่ะ บ่ได้โฆษณาแต่ว่ายี่ห้อนี่เส้นเหนียวนุ่มบ่เละ
    แช่น้ำ ลวก ตัด ให้สั้นพอดี แล้วกะหั่นผักติ้วให้เพิ่นคู่กันไว้พระเอกกับน้องเอก

    ..ซุปผักติ้ว จาก ครัวภูธร..

    ตัวประกอบช่วยเพิ่มรสชาติ “ถั่วดินป่น” บางคนที่บ่มักถั่วอาจเป็นงาคั่ว โขลกหยาบ ๆ แทนกะได้ค่ะ
    พอดีงาในตู้กับข้าวหมด เห็นแต่ถั่วน้องหลินเลยใช้ถั่วแทน มันส์ ได้คือกัน ..ซุปผักติ้ว จาก ครัวภูธร..

    ..ซุปผักติ้ว จาก ครัวภูธร..

    ยังบ่หมดค่ะ “ต้นหอม ผักชี” ล้าง หั่นเตรียมไว้

    ส่วนประกอบครบแล้วลงมือค่ะ

    ..ซุปผักติ้ว จาก ครัวภูธร..

    เอาพระเอก (ผักติ้ว) นางเอก (วุ้นเส้น) พระรอง (ป่นปลา) แล้วมีหมูสับนำค่ะ
    บางเทื่อไปตลาดพ้อเอ็นต้มเปื่อยน้องหลินกะใส่เอ็นต้มเปื่อย ถ้าบ่มีใส่หมูสับแทน
    ที่แม่ค้าเฮ็ดขายส่วนมากจะใส่เอ็นต้มเปื่อยค่ะเพราะว่าถูกกว่าเนื้อหมู

    ..ซุปผักติ้ว จาก ครัวภูธร..

    แล้วกะคลุกเคล้าคนให้เข้ากัน ชิมเบิ่ง ถ้าบ่นัวใส่น้ำปลา ผงชูรส
    พริกป่น เพิ่มได้จนกว่าจะพอใจ หรือจนกว่าถูกปากเจ้าของแล้ว
    กะใส่ถั่วโรยต้นหอมผักชี

    ..ซุปผักติ้ว จาก ครัวภูธร..


    เรียบร้อยค่ะ “ซุปผักติ้ว” ฝีมือแม่ครัวจำเป็น ข้าวเหนียวฮ้อน ๆ คุ้ยเลยค่ะ

    อั่น... มีการผิดพลาดทางเทคนิคหน่อยหนึ่งค่ะ น้องหลินลวกเส้นใส่น้ำหม้อนึ่ง
    ที่นึ้งข้าวแล้วใหม่ ๆ แล้วลืมเอาออกคาแต่ไปสับหมู เส้นเลยใหญ่กว่าปกติ
    เล็กน้อย แต่กะแซ่บคือเก่าค่ะ :l-






  2. #2
    สมาชิกที่ยังไม่ยืนยันอีเมล์
    วันที่สมัคร
    Oct 2008
    ที่อยู่
    สะพานใหม่
    กระทู้
    16
    อ๋อเฮ้ดจั่งสี้ติแต่แท้แล้ว

    ขั้นตอนกะหลายเติบเด้เนาะ

    สิลองไปเฮ็ดกินเบิ่งอยู่ดอก

    ขอบคุณหลายๆ ที่มาบอกแนวแซบๆให้

  3. #3
    ดีเจ นักจัดรายการ สัญลักษณ์ของ ข้าวปาด
    วันที่สมัคร
    Oct 2006
    ที่อยู่
    finland
    กระทู้
    807
    บล็อก
    1
    โอ...เป็นเมนูที่แปลกสำหรับเอื้อยเลยน้องเขม เห้นตะแม่ใหญ่เอื้อยนั่นแล่ว เลามักซุปผักติ้ว แต่คนละสูตร สุตรแมใหญ่ใส่ตะผักติ้วกับงาคั่ว แล้วกะน้ำปลาแดกต้ม ผงชูรส น้ำปลาแค่นั่น กะแซ่บไปอีกแบบเนาะ ถึงบ่ได้ซีมนำกะรุ้ว่าแซ่บอยุ่ดอกน้องเขม แนวกินคั่นใส่ผงชูรสเอื้อยแซ่บเมิด อิอิ

  4. #4
    แบ่งปันความรู้และประสบการณ์ สัญลักษณ์ของ ชิงช้าชาลี
    วันที่สมัคร
    Jun 2009
    กระทู้
    651
    บล็อก
    1
    ป๊าด น้องหลิน ซุปผักติ้วไทอุบลคือเก๋แท้ ใส่วุ้นเส้นพร้อม ทางยโสธร บ่มีนางเอกแหม มีแต่พระเอกกับพระรอง ก็หรูแล้ว โอยอยากกิน

  5. #5
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    644
    บล็อก
    21
    เป็นอาหารโปรดของหนุ่มน้อยละครับ บ่อว่าจะเป็นซุปผักติ้ว ซุปผักเม็ก ซุปใบม่วงอ่อน ซุปหน่อไม้
    ทั้งหลายทั้งปวงกะมีป่นปลาเป็นส่วนประกอบที่สำคัญ ประเภทป่น กะมีป่นปลา ป่นกบ ป่นกุ้ง บางครั้งกะป่นไข่ น้องหลินจ่งซุปผักติ้วไว้ให้แหน่เด้อ คึดอยากซั่นวา

  6. #6
    ศึกษาหาความรู้ สัญลักษณ์ของ ลุงเดฟ
    วันที่สมัคร
    Mar 2010
    ที่อยู่
    ยโสธร
    กระทู้
    195
    ตะแซ่บเนาะชุปผักติ้ว เตยกินตะชุปใส่ข้อ(กระดูก หรือเอ็นเนื้อต้มเปื่อย)แซ่บคือกันครับ

  7. #7
    ฝ่ายกิจการพิเศษ สัญลักษณ์ของ กำพร้าผีน้อย
    วันที่สมัคร
    Apr 2009
    ที่อยู่
    รัตนาธิเบศร์..ใกล้แยกแคราย
    กระทู้
    2,330
    ลงมา กทม. มาเฮ็ดให้กินแนเด้อหล่า เป็นตะแซบยุ คล้ายๆยำเนาะ

  8. #8
    แบ่งปันความรู้และประสบการณ์ สัญลักษณ์ของ บ่าวต้นฅนมุกดาหาร
    วันที่สมัคร
    Sep 2008
    ที่อยู่
    ..."มุกดาหาร"...
    กระทู้
    794
    บ่เคยกินจักเทื่อ ซิลองเฮ็ดกินเบิ่งอยู่ครับเบิ่งแล้วเป็นตาแซบอยู่

  9. #9
    ร่วมถ่ายทอดความรู้สู่สังคม สัญลักษณ์ของ Boom69
    วันที่สมัคร
    Aug 2007
    ที่อยู่
    Khon kaen ThaiLand
    กระทู้
    1,034
    บล็อก
    4
    ป๊าดดดดดดดดดดดด
    ออนซอน ผ้าติ้วงามเนอะเอื้อยหลิน
    ซุปผ้าติ้วกะเป็นตาแซ่บเนอะจ้า

  10. #10
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896
    น่ากินมากครับน้อง เขมฯ เคยกินแต่ที่เผิ่นเอาดอกมาซุปครับ แต่ว่าแบบที่นำเสนอมา กะเป็นตาแซบครับ ขอบคุณที่เรียกน้ำลายแต่เซ่าครับ ฮ่า ๆ ...


Tags for this Thread